بنات زوجي وطليقته

1. وبعد مامات ابوه الله يرحمه على طول طلقها.


2. والمهم طولت عليكم انا ابغاكم تساعدوني في حل للمشكلة اللي عندي

انا عضوة جديدة ولجأت لكم بعد الله وأرجو الإفادة
عزيزاتي انا متزوجة من مطلق وعنده عيال تقدم هو واهله ليا وكان الموضوع صعب عليا وعلى اهلي
ولم اوافق وتكرر الموضوع لمن وافقت بعد الاستخارة بالرغم من رفض من حوليا
و ..
يقولوا مو ناقصك شي واتزوجت وعمري22 يعني مو كبيره ...
بس والله بعد الشوفة حنيت عليه بعد ما قالول اهله انها كانت ماتناسبه بجميع المقاييس الله يستر عليها وانه اتعذب كثير معاها بس كان يتحمل عشان ابوه يقول مافي طلاق

وبعد مامات ابوه الله يرحمه على طول طلقها.

المهم وبعدالملكة كنت اعتبروا صديق والله يابنات كان حالي يضحك تقولوا مصلحة اجتماعية بدأت اقوله اذا في أمل ترجع لطليقتك حتى لو كنت مو طايقها ارجع عشان العيال ومن هذا الكلام واقوله لاتزعل عليا احنا لسى على البر وانا مية واحد يتمناني يعني مرره ماأحزن والله يابنات هذا كلامي .. وكان يرد عليا يقولي انتي مجنونة ايش الكلام اللي تقوليه انا لو مابقي في العالم غيرها مارجعت لها وجلس يحلف براس عياله انو لا يمكن يرجع لها ....وقال فيه اشياء ماتنقال ممكن اقلك عليها وبعدها راح تتأكدي اني لايمكن ارجعلها ..بس انا مارضيت يتكلم
المهم اتزوجت وعشت معاه الحمدلله ماقد ذكرها وفعلاً اكتشفت انه ماله رغبة فيها ابدا
وبعد كدا كان يقول اولادي لمن ابغى اشوفهم اروح وأخذهم وأخرجهم . بس انا قلت حرام مالهم ذنب وصرت احلفه يجيبهم ومرت الايام وصاروا الاولاد اذا انا مو معاهم في اي مشوار مايروحوا ويزعلوا من كثر مايحبوني والشهادة لله انا مره احبهم الكبيره في المتوسطه اعشقها ههه على فكره انا ربي كمان رزقني بنوته حلوه الحمدلله

والمهم طولت عليكم انا ابغاكم تساعدوني في حل للمشكلة اللي عندي

انا زوجي والحمد لله يموت فيا وكل اللي يعرفوه زوجات اخوانه وزوجات اصحابه عن لسان ازواجهم يقولوا مرة اتغير زوجك بعد زواكم ويقولوا انه يقول لأزواجهم انه مره انا مبسوط وربي عوظني.........نجي للمشكلة اي تصرف يتصرفوه بنتينه وما يعجبه يقول شفتي طالعين لامهم ويسب وانا اجلس ابرر لمن يقتنع وحاسه كل ما كيبروا شاف فيهم صفات كان يكرها في امهم وانا والله ماودي يكره تصرفاتهم
فايش رأيكم اكلم امهم واقلها هذا الكلام وهي اكيد راح تعرف ايش كان يكره فيها وتحاول انه مايكرروا الغلط او كيف اتصرف....