بنات ساعدوني ولا اتطلق تكفون مالي الا الله ثم انتم

صباح الخير غاليتي
طيب بما أنك عملتي تحاليل وكل شيء سليم ليش ما تروحين لشيخ يرقيك ممكن تكونين مصابة بالعين أو حسد خاصة أن أعراضك مشابه للي مصابين بالعين
غاليتي عليك بقرأة القران خاصة سورة البقرة وكل مساء وصباح أرقي نفسي برقية شرعية فية كتب صغيرة
ولا تتسرعي بطلاق
والله يشفيك ويرزقك الذرية الصالحة

انا من النوع الي اقرى ع نفسي واقرى سوره البقره
من الناحيه الحمدلله ......
ومره شكرا لك يا قلبي تسليمن
بس هذا الي فيني من وش ودي اعرف تعبت قسم بلله

عليك بالقرآآآآن
والخمول بعض الاحيان يجيني فترات لكن احاول اتغلب عليه بإرادتي
لاتحطين الشي فبالك ولا بتستمرين بالشي
وممكن نفسيتك تعبانه؟؟؟؟ ممكن فيك كئابه؟
ومن صجك انتي تطلقين عشان هالسبب؟
يابنت قعدي مكانك ^_^وكل مشكله ولها حل
موفقه يارب

الله يعيينك و يششفيك حاولي قد ماتقدررين انك تغيرين من عمررك و خلي زوجك يساعك ^^

الله يشفيك

يا عسل تعوذي من الشيطان
مافيك غير العافيه وكل اللى تحسينه مجرد اكتئاب عادي يجي لكل البشر
وانتى قلتى انك اسلبتي وكل ما حملتى يطيح الجنين ممكن يكون نفسيتك تعبانه ردت فعل علشان الحمل وكدا
ياقلبي لا تخسرين حياتك علشان وساوس شيطان وحطي في بالك مارح يجيك ولا يصيبك الا اللى كاتبه ربنا لك

ياقلبي انت
اقري سوره البقره كامله مره وحده واذا حسيتي انه جاك النوم وانت تقرينها معناته فيك عين او حسد لازم شيخ
وغير كذا
دايم خلى اخر شطفه لشعرك وجسمك بموية السدر
تحميك باذن الرحمن
اشربي التلبينه عن تجربه ترفع النفسيه وتشيل الكابه
او قهوة شعير مع بن روعه للكابه
وربي يحميك
غيري من ستايل شعرك ولبسك هالش يحسن النفسيه
وموكل ماحسيتي بشي فكرتي فيه لان النفس توسوس
ومو كل شي قلتي لزوجك خلي تفكيرك اذا جا انك تبسطينه
اشتغلي ادخلي دورات
وربي يوفقك

ياقلبي
انتي تفكرين كثير باللي يصير لك
وهالشي ماثر على نفسيتك وبعد الاجهاضات الوحده تكون نفسيته مره خايسه
انا نفس الشي سقطت اربع مرات ولاحمل يتم لي
وعلى طول دوخه وصداع وياكثر مايجيني تشنج وشد بجسمي ماتحرك بعده
بس نصيحه مني ماتحسنت الا بعد مااصرت ارقي نفسي
ويوميا لازم قراءه سورة البقره والانعام راح تحسي بالم وقتها لكن كملي
وخذي لك قسط هندي مطحون 3 مرات او خمس مرات باليوم ملعقه صغيره مع عسل
وخذي لك ملعقه عسل سدر طبيعي كل يوم الصبح على الريق
وقت ماتقري هالسور جيبي عندك مويه وزيت زيتون وانفثي فيها ورشي جسمك بالمويه ودهني بالزيت
وخذي شوي من هالمويه ومعاه ملح خشن ورشي كل اركان البيت
وخلي سورة البقره على طول شغاله بالبيت
وان شاء الله مافيك الا العافيه
ولاتسلمين نفسك للوساوس ولا ترا محد خسران غيرك انتي
غيري من شكلك قصي اصبغي
وحافظي على الاذكار
وان شاء الله مافيك الا العافيه
ادري طولت عليك بس لاني مريت بها الحاله والعن بس حمدالله ربك رحيم كريم

النفسيه اهم شي انا زيك لما نفسيتي تتعب او اكون طفشانه ومافي تجديد يجيني كسل وخمول وماابغى اسوي شي لاكن لما انبسط حالي ينقلب فجأه وكأني مو اللي قبل شويه كانت بنتازع