بنات شرقية وشرايكم في مكياج شعاع يهمني رايكم ضروري

في كثير مشاغل غير عنها
يعني هي بالذات سعرها بالمره غالي وماكياجهم في احلى منه
بس مااقدر افيدك .. لاني اخر مره شفت صديقتي متزينه عندهم من سنتين وماعجبني الماكياج خفيف وباهت
يمكن ناس غير يعجبهم

هلا حبيبتي
بصراحة مكياج شعاع ابداً مافية تميز
ومكياجها واحد نفس الرسمة لكل العرايس
ماانصحك فية
خليها تروح لأشراقة العنود روعه
وفاء المؤمن هي اللي تسوي عرايس والله خيال
خليها تسوي عندها بروفا....وان شاء الله بيعجبها شغلهم

بالنسبه لي مكياجها كلمة روعه قليله عليه جد جنان ومره حلو انا واختي وبنت عمتي كلنا عندها
بزواجي العام رحت عندها بس انا اخترت مكياج ضوء القمر مره حلو ويهبل والكل سالني عنه حتى لما جيت اخذ صوري من الاستوديو الحريم اللي بالاستديو سالوني عنه مره راقي وحلو ولا فيه رسم وخرابيط
وبالنسبه لا شراقة العنود اختي شافته وتقول دفش مره ورسومات وخرابيط
بعدين يا اختي تقدرين تروحين بيوم وتشوفين مكياجها لانه بالعطله دايما عندها عرايس ومرافقات
وبالعطله انا وخواتي وقريباتب كلنا حاجزين عندها والله لو اقدر انزل لك صورتي كان نزلتها بس عشان تشوفين انها ذوق
وبالاخير القرار يرجع لك الله يوفقك

حبيبتي شعاع مزاجات يعني مره تطلع العروس من تحت يدها خيال ومره تطلع مهرج وإنت وحظك بعدين كلش مو دقيقه في مواعيدها ولوتذكرون فيه خبر من زمان انشر بالجرايد عن خبيرة تجميل تأخرت على موعدها مع العروس ولا وصلت إلا السعاه 2 بعد نصف الليل لا ونفسها خايسه وتهزأ حتى قالوا ان العروس انهارت اعصابها وماطلعت في الزفه ياحرام!هالخبيره للأسف كانت شعاع.
فأنت وحظك ياعمري

شوفي حبيبتي اولا مشغل شعاع انا شفته مسوي عروس من اربع سنوات وكانت روعه بس الحين ما ادري بعده حلو والا لا ولا اعرف شلون شغله في الناس العاديه
مشغل اشراقة العنود مهرج بتصيرين من بعيد وجه المره ابيض وفوشي فاقع بخدودها
ما انصح فيه ابدا
(سمعت) ان مشغل ساس هو احلى شي بمشاغل الخبر انتي روحي وشوفي وين يناسبك
تحياتي
ساعدوني بليز

انتي سوي بروفات افضل لك ومو لازم يكون مشغل مشهور علشان مايكون زحمه

أنا سمعت إن ماكياجها مرة حلو لكن ماقط شفته في أحد لكن في كوافيرات ثانيه مكياجهم روعة مثل سيدتي الجميلة في سيهات .

كل وحدة لها وجهة نظر يعني الاحسن انك تشوفي كذا مشغل وصدقيني راح تقتنعين بنفسك وان شاء الله تطلعين حلوة

غير شعاع لا تروحين راقي و رائع وما فيه خرابيط انا بزواجي من خمسسنوات رحته مع خواتي و بزواج اختي بعدي ومنها وانا كل سنة حتى لو صار زواج ما يقرب لي كثير ما اروح الا لها ,,, اما ساس حلو بس هادي مرة يعني حلو على الجميلة و البيضا لأن كريم اساسهم خفيف
اتكلي على الله و ما لك الا شعاع بس اظهري لها انك تعرفين بالميك اب عشان تبدع فيك وانا السنة بروحها بزواج قريبتي