بنات قطر آبي الفزعة

هلا حبيبتي
شوفي عندج سبسيال اللي في السد من ورا يعني ورا محلات طارق للحلويات عرفتيه
وعندج بعد خياط الفولك الحديث اللي في الريان القديم اللي تروحيله من دوار محطة بترول الجيده قديما ( قبل أزالتها )

فراشتي نونا الحلوة مشكورة على المرور و الرد وإن شاء الله بامر علية وبالنسبة حق فولك راحت له وحدة من قريباتي وقال ما ياخذ حق شهر ثمانية ولا تسعة وآنا بيتي بعيد عنه يعني لين أوصل لة سفر وصراحة أبي محل قريب مشكورة حبيبتي وبالنسبة حق سبسيال بامر علية .

الصراحه البرنسيسه حلو انا حاطه عنده فستانين والله جنان وبعد سبيسيال هدا لبناني واسمه كلود وانصحتش قبل لا تروحينه اتصلي عليه وشوفيه ادا فول ولا لا .لان دايما فول وانا عن نفسي فستان خطوبتي سويته عنده وطلع والله شي شي بس اللهم السعر شوي هه غالي .
وبالتوفيق.

فراشاتي القطريات مشكورات وما قصرتوا معاي والله وإنتوا قدها وقدود رحت اليوم حق سبسيال مثل ماوصفته لي نونه الحلوة و الحمد لله لأن الصبح كان قاعد فاضي وقال لي بيرسم لي موديل وبيكلمني اليوم المسى عشان إحدد لي يوم أشوف التصميم وأعطيه القياس بس قلت له أبي أشوف موديلاتك لكنة رفض وقال باجهز لج شي وقلت له إني أول مرة أخيط عندك يعني بالصريح ريحني لكن للاسف ماراواني شي بس مادري ليش إرتحت له وايد وشكلة محترم وما يتكلم وايد عكس ديفيلية الهذار إللي يعل القلب لين يطلع الفستان من محلة عموماً إن شاء الله أطلع بشي حلو وراقي .

يالله بالتوفيق انشالله ..
عاد قوليلنا شلون طلع الموديل واسعاره شلون ..

حبيتي نصيحه مني كلود طيب وحبوب بس لا تستحين تفاصلينه لانه ادا قالك السعر وانت عاجبك لاتبينين وفاصليه .

وانا كنت محضرة لك لستة بالخياطين ........... وعالعموم احنا نخيط في الريان او في السد اما الاسعار فهي من 1000 لحد 2500 ولا نزيد وعلى فكرة فساتينا مش مدح راقية اما البنات اللي يفصلون عند المصممين ب5000 وب4000 في الاخير فساتينا اروع واحلى .........وعلى فكرة الموضة كريب حرير سادة ولون واحد ....وسوي له قصات ولا فيه حد يضبط القصات الا القليل منهم واشتغلي عالحرير وقلبته وبدعي ...........ولا تنسين الكريستال وخاصة swarvoszkki

فراشتي العزيزة مشتاقة للجنان سمعت عن إكسسوارات سوارفسكي بس إيقولون عند ربشة إللي في المنتزة إشلون آجيبها عند هاذي الخياط يعني ممكن أشتريها من عند ربشة وبعدين أوديها عند سبسيال وعلى فكرة حطيلي لستة الخييايطة إللي تقولين عنهم لأن عقب رمضان بعرسون بنات إختي الثنتين يعني خوات وكل وحدة لها فستان و الله يعين صراحة أسعار الفساتين عندنا صارت مسخرة ووايد غالية وآنا ما أعرف أكاسر إذا في شي رخيص قوليلي الله يعطيج العافية ويرزقج ويانا الجنان اللهم آمين ولا خاب من إستشار .

فراشاتي العزيزات مشكورين على الفزعة وحبيت أقول لكم وشصار معاي عند كلود طلع الريال ما يصمم يعني إنتي إتجبيبين له الموديل وبعدين يرسمة وقولج ضبطته لج يده حلوة في الرسم وسعرة 5500 وما قدرت أفاصلة أكثر كنت بروحي وماعرفت ؟ وإشرايكم في السعر أرد أفاصلة مرة ثانية لأن لين ألحين ماكتبت الفاتورة ولا عطته عربون قولولي شاسوي خواتي كلهم قالوا غالي وبعد آنا إللي جايبة الموديل يعني معاي حق إرخص أهو ذبحني بالكريستال كرستال قولولي شاسوي إللي تبي ترد ترد وإللي عيزانه مب مشكلة والله يعطيكم العافية .