بنفسي اعرف ايش المواصفات

السلام عليكم جميعا ورحمة الله وبركاته
ان شاء الله كلكم بخير
خواتي الفراشات من زمان ببالي موضوع وودي نتناقش فيه بس ماحصل فرصة افتحه والحين جيتكم وكلي امل اني ألاقي التفاعل منكم <<<قبل كل شي ادري ان كل شي مكتوب والنصيب للحين ماجاء>>>
السالفه ومافيها
ودي اعرف وقت الوحده تبي تخطب لابنها والا تختار عروسه لاخوها وش اكثر شي تختارها عليه
يعني الشرط الأساسي من امك والا اخوك وش يكون
الجمال ؟؟؟وياليت اعرف وش مواصفات الجمال عندهم<<<ياليت تفصلون شعر طويل وبيضاء نحيفة او مليانة.....ألخ
والا الدين ؟؟؟؟والا الاخلاق؟؟ والادب....الخ
والا اللي يشوفون فيها مواصفات ربة منزل يعني مثلا متحملة مسولية اهلها وما يشوفوها الا واذا شافت حرمة كبيرة ماتلاقينها الاتبوس على راسها وانواع الترحيب والاستقبال
ياليت كل شي تتكلمون فيه بالتفصيل ولاتنسون العمر
وارجع اكرر انا مؤمنه بقضاء الله وقدرة لكن ودي استفيد وانتم بعد
وهالوره لكل من شرف ومر على موضوعي