بن ات بطلع من بيت أهلي وبلبس الثوب الأبيض وأروح بيتي

--------------------------------------------------------------------------------
بن ات بطلع من بيت أهلي وبلبس الثوب الأبيض وأروح بيتي تعالو شوفو معاي الصور
بسم الله الرحمن الرحيم ...
السلام عليكم ورحمة الله وبركاته ...
ماحبيت أقول كلامي لأحد قبلكم ..
بألبس الثوب الأبيض يا بنات
وبطلع من بيت أهلي الى بيتي وعالمي الخاص مملكتي أنا اللي ماراح تكون لأحد غيري
وبقطع عن المنتدى للأسف
البعض ماراح يحس بغيابي والأكيد أن فيه بعض منكم أكيد بيشتاق لي
مثل أمي وأبوي وأخواني أخواتي وكل شارع بالرياض وكل زاويه بالمملكه العربيه السعوديه ...
أعرف أن خواتي وصديقاتي بيبكون علي لأنهم بيشتاقون لي وبلأخر راح يتعودون لأني استقليت بحياتي والحمد لله
وأعرف أن أمي وأبوي بيبكون علي لأنهم تعودو أني ماأنام الا بعد ما أبوس راس كل واحد فيهم
وماتعودو أن بنتهم بتمام بعيد عن حضنهم
وتروح لحضن ثاني ... لكن هذي سنة الحياة
كل بنت لازم تلبس الثوب الأبيض أو لبسته وخلصت
وكل بنت لازم يكون لها بيتها أو صار لها بيت وخلصت
أنا بألبس الثوب الأبيض يابنات
وأنتي بعد بتلبسينه بس اذا الله راد وشاء
وبروح بيتي اللي بوريكم صورته
أبيكم تشوفون مملكتي
صح أنه بيت صغير بس يقدر يحتويني
أبيكم تشوفونه معاي وتشاركوني مشاعري
وبعد بوريكم صورة الثوب الأبيض حقي
ومن الحين أقولكم أنه ثوب عادي ومتواضع
يعني لا تتخيلون أنه فخم أو أنه بذاك القيمه الغاليه
المهم أنه ثوب أبيض وبس
وانا كل اللي أبيه تشاركوني مشاعري
لما شفت بيتي أو مملكتي أو عالمي الخاص
ولما شفت الثوب الأبيض
بنات بليز ماأبي اي مجامله
بس قولو رايكم وبكل صراحه
صوري تحت أمركم
هذا هو الثوب
اللي كلنا بنلبسه وفيه اللي سبقنا ولبسه وخلص
مستعده له ؟؟؟؟؟؟؟؟؟
أو ليه أسألك !!!!
هذا الثوب مايسألك يا فلانه مستعده تلبسيني أو لا
مزاجك اليوم رايق تلبسيني أو لا
اذا جاء وقته مافيه قوه بلعالم تمنعه
هذا المكتوب اللي مامنه هروب
عمرك تخيلتي نفسك وأنتي على هذا الشكل؟؟
متمدده على هذا الشكل !!!
مغطينك بعبايه سودا فوق الكفن
وبجنب قبرك .... أقصد بيتك ...أقصد عالمك الخاص
بيت فاضي لا كهرباء ولا أثاث ولا سرير ولافراش ولا دخون ولا عطور ولا مكياج ولا موبايل ولا نت ولا شي
ينزلونك بهذا الشكل ...
وأنتي أما تقولين (( قدموني قدموني )
فرحانه في بيتك الجديد
لأنه روضه من رياض الجنه
(وأسأل الله أن يجعلنا ووالدينا ووالديهم وأخوانا وأخواتنا وذرياتنا وأزواجنا والمسلمين والمسلمات منهم )
أو تقولوين
( يا ويلها الى أين ذهبت )
ذهبت لنار جهنم
ذهبت لبيت جعله الله حفره من حفر جهنم
( أسأل الله أن ينجينا ووالدينا واخواننا واخواتنا والمسلمين والمسلمات منها)
وبعدين
يغطون عليك مثل الصوره تماما لا زياده ولانقصان
اللهم أني أعيذ بك من عذاب القبر
اللهم أني أعيذ بك من عذاب القبر
اللهم أني أعيذ بك من عذاب القبر
شفتي بيتي ؟؟؟
شفتي ثوبي ؟؟؟
كلنا بنسكن هذا البيت
بغض النظر عن الغنيه فينا والفقيره
كلنا واحد
وكلنا بنلبس هذا الثوب
حتى لو ماعجبنا شكله وموديله
لابسينه لابسينه
وعسى مانلبسه الا بعد عمر طويل
المهم نستعد له
أستعدو يا بنا ت عشان لما يجي ما نقول
ياخساره
أعتذر لو كانت الصور مرعبه
بس حبيت أذكركم في هذا اليوم يامن اهتممتي ببيت الملك وبأثاثك انظري الى مستقرك انها حفره يا جنه ام نار فأستعدي اخيتي فوالله اني ناصحه لكي
سبحانك اللهم وبحمدك ..أشهد أن لا اله الا انت .. أستغفرك وأتوب اليك
منقول
و ياليت تنقلونه للعضه والعبره