بيتي يضيق الصدرالله يسعدكم و يوفقكم تساعدوني بأفكاركم محتاجتكم موت

1. تخيلو مستطيل بشكل يضيق الصدر صراحه وبعدين فيه دريشتين وبابين


2. وبعدين غرفتين متقابله وحمام بلوسط غرفه 3ونص ×4 والثانيه 4×4

عندي مساحة البيت ضيقه جدا
وبودي تساعدوني حتى اقدر ارتبه واثثه بطريقه مريحه وجميله
اول شئ اسرتي تتكون من (بنت عمرها 6 سنوات ) و (تؤم سنتين بنت ووالد) وانا وزوجي
بنسبه للبيت
عندي مدخل البيت 2×4
وعلى اليمين مجلس نساء 4×5
وعلى اليسار حمام ومغاسل
وبعد ما تجتازين الممر تلاقين مدخل على الصاله واصاله هذي حدث ولا حرج تقريبا 3×6
يعتمد عليها الدرج من جهتين يعني يعني ما سك زاويه كامله وماخذ اكثر من نصف الصاله من فوق يعني ارتفاع الدرج يمر فوق الصاله (اتمنى تكونو فهمتو شرحي)
يعني بنسبه لي الصاله ماراح تكون مريحه لأجتماع الاسره
فأبي افكار استغل الصاله بشكل حلو ومفيد
وبعدين فيه بجنب الصاله غرفه 3 ونص ×4
هذي بخليها لاجتماع الاسره
وبعدين مطبخ عرضه 3 ونص×6
والمطبخ هذا مسبب لي عقده وبموت من القهر لان المطبخ عندي شئ مهم واساسي انه يكون واسع وشرح ومريح لكن للاسف تأتي الرياح بما لاتشتهي السفن

تخيلو مستطيل بشكل يضيق الصدر صراحه وبعدين فيه دريشتين وبابين

دريشتين في جدارين على زاويه واحده اما البابين واحد على الصاله وواحد على الحووش
وعندي جدار واحد فاضي والباقيه فيها الدرايش والبيبان وعلى فكره البيبان غير متقابله يعني باب في اخر المطبخ وواحد ينقص عن اخر المطبخ بمترين >>>>معليش طولتها عليكم اتحملوني الله يخليكم ابي حل ونفسيتي تعبانه وبجانب المطبخ حمام ومقابل المطبخ غرفه 4×4
هذي يمكن اخليه غرفة طعام الى اذا عندكم رئي ثاني
اما ادور الثاني
فيه غرفة نوم رئيسيه 6×6
وحمام 2ونص×3 داخل غرفة النوم
وغرفه ملاصقه لغرفة النوم 2ونص×3
ابي رئيكم اش رئيكم اسكر باب الحمام الي داخل الغرفه وافتحه في الغرفه الي ملاصقه لغرفة النوم
وافتح باب للغرفه هذي على غرفة النوم واخليها غرفة ملابس
وعندي صاله برضه 3×4مكشوفه على الدرج وفي الوسط بين الغرف

وبعدين غرفتين متقابله وحمام بلوسط غرفه 3ونص ×4 والثانيه 4×4

ومحتاره اجمع اولادي في غرفه واخلي غرفه للألعاب او اعزلهم والله ما ني عارفه
ولاني عارفه كيف ارتب البيت نفسي يكون بيتي مرتب ترتيب حلو لكن البيت هذا صغير ومساحته ضيقه وهذا الي ما كان على البال ولاعلى الخاطر ياليت الي عندها افكار تقدر تنورني الله يوفقها وينور طريقها ويحقق كل امانيها
والي عندها افكار اقدر استغل المساحه الي تحت الدرج ياليت تقول لي او توريني صور تفيدني
وبيني وبينكم اخوان زوجي 6 ماشاء الله وكلهم بانين نفس النضام لانها جايه كل بيتين في ارض وحده ديلوكس
يعني فيه تنافس مين يكون بيتها احلى يعني يااليت تساعدوني بافكاركم وعمري ماراح انسى معروفكم يااغلى فراشات على قلبي
واي سؤال انا حاضره