بيت العمر بتحصلونه بطريقه سهله

1. صلاه السنن الرواتب

السلام عليكم ورحمة الله وبركاته
وش اخباركم مع هالبرد
ماامداني انزل موضوع اقول فيه ماجانا برد الا وتجينا هالجمده الله يرزقنا الخير والمطر
المهم
كم وحده فيكم جهزت بيت العم ر
طبعا الكل يتمنى انه يكون عنده بيت خيال
والبنت من وهي صغيره تحلم انها تتزوج ويكون عندها بيت حلو زي بيت باربي << متاثره خ
واذا تزوجت الوحده تبداء تجمع قرش على قرش هي وابو الشباب عشان يبنون بيت العمر واللي ياخذ قرض واللي يتدين واللي يدخل الاسهم ( الا على طاري الاسهم اشترو في الباحه تراهم يمدحونه )<< ماتسوي دعايه ابد خ
وبعد سنوات من التجميع والتحويش بالمصري
يبداء مشوار البحث عن الارض المناسبه
وبعدين المقاول و الخ
وبعدين يبداء البحث عن الاثاث والكماليات
وبعد عناء وتعب وكرف وتجميع و
خلص بيت العمر
تجي للموضو ووع
ترا اللي تو كلها مقدمه << ادري ودكم تكفخوني اهي اهي
الموضوع ومافيه
ان الانسان دايم يفكر بالدنيا وهي فانيه
يعني هالبيت اللي تجهزين فيه سنين ماتدرين انتي تسكنين فيه او لا << ادري الحين كلكم بتقولون ياحبك لضيقه الصدر
انا مااقول لا تحلمون ولا تسوون بالعك س
عندكم انا اموت في البيوت الفخمه والديكورات والاثاث الحلوو
بس ودي اننا نفكر بالاخره
ونعمل لها ومانخلي عملنا واحلامنا للدنيا بس
من منكم ماوده يكون عنده بيت في الجنه ؟؟
مستحيل القى احد يقول ماودي
وتدرون الحلو وشو
ان البيت في الجنه مايكلفك ولا شي
مايحتاج تاخذين قرض ولا تتهاوشين مع زوجك عشان يتحرك ويبني ومايتاج تغامرين وتدخلين بالاسهم
مايحتاج الا شي واح د
وهو

صلاه السنن الرواتب

عن أم حبيبة بنت أبي سفيان رضي الله عنها عن النبي صلى الله عليه وسلم قال (من صلى في يوم وليلة ثنتي عشرة ركعة بني له بيت في الجنة ) أخرجه مسلم.

• عن عائشة رضي الله عنها قالت قال رسول الله صلى الله عليه وسلم (من ثابر على ثنتي عشرة ركعة من السنة بنى الله له بيتا في الجنة أربع ركعات قبل الظهر وركعتين بعدها وركعتين بعد المغرب وركعتين بعد العشاء وركعتين قبل الفجر ) رواه ابن ماجه قال الألباني ( صحيح ) .صحيح ابن ماجة وصحيح سنن الترمذي.

قال الشيخ الألباني
.
اتوقع فيه نسبه كبيره مايصلون السنن الرواتب وللاسف انا وحده منهم
بس اليوم قعدت افكر وش اللي يمنعنا من هالسنن ؟؟
يعني الحين اذن وقمنا وتوضينا ولبسنا اجلتنا وش بقى ؟؟
انك تصلين كم ركعه قبل الصلاه المفروضه بس
يعني مافيه مجال للعجز او النسيان بس مشكلتنا
الشيط ان
الله يبعده عنا
يابنات فكرو فيها شوي وبتحسون انكم حارمين انفسكم من شي عظيم
اتمنى اني اداوم عليها وانكم تداومون معي
الله يعينا على طاعته وحسن عبادته
منقول