تأخرت الدورة5ايام وطلع خط واحد ومن قهري قمت ادف الكنب

1. بسم الله الرحمن الرحيم


2. طبعا لا احد يقول روحي اكشفي ما راح اروح هذي دورة مية بالمية ..

بسم الله الرحمن الرحيم

بنات انا الدورة موعدها يوم الثلاثاء واستنيت لحد الخميس ماجت بس كنت احس بألم بالظهر بشكل فظييع مع العلم ان دورتي منتظمة وممكن تقدم يوم بس ما تتأخر ابد واذا تاخرت يوم واحد ومو دايم ,,,
المهم الدورة موعدها الثلاثاء وجاء الخميس باليل وما نزلت وجبت التحليل المنزلي نوعية ممتازة وسويته بس طلع لي خط واحد والله يا بنات بكيت بكاء في حياتي ما بكيته ,, انا لي سنة وعليها ما حملت والناس اكلوني المهم جلست اصيح واصيح واصيح .. وجلس زوجي يهديني ويقول خلاص يوم الجمعة اخذت ع المستشفى تكشفي انا رفضت ما ابي اتحطم زيادة ونفسيتي زفت قلت له بنتظرها 3 ايام واذا ما نزلت اروح اشوف ليه .. المهم يوم الجمعة من قهري انو طلع لي خط واحد قلت خلاص مافي حمل واقوم انظف بالبيت وادف كنب البيت كله وانظف الي تحته واشيل السجاد وانظف ...
ويوم السبت نزل علي دم الساعة 3 الظهر .. وبعد العصر صارت الدورة تنزل عادي .. انا ما عاد بقى فيني دموع مت من الصياح والله وجهي صار اصفر وذبلان وشاحب اللي يشوفني يقول بسم الله مرضانة والله انهرت من الصياح وزوجي انجن مني يقول امشي ع المستشفى وانا اقول ليه ويش الفايدة خلاص جتني الدورة ..

طبعا لا احد يقول روحي اكشفي ما راح اروح هذي دورة مية بالمية ..

ولا تقولوا لي لسى بدري بعضهم يجلس سنتين وثلاث ما حملوا ... اقول هذول ما شاء الله عليهم ربي صبرهم .. انا انسانة ما عندي صبر ولا اقدر اتحمل ساعات افكر ليتني ما تزوجت ولا شفت هذي الايام الي تعذبت فيها وانا انتظر الحمل ..
مع العلم اني احاول اسوي اشياء تساعد على الحمل مثل الخلطات الموثوقة وغيره ..
بس بالله عليكم وش اسوي ,, تتوقعون ان الوحدة ممكن تكون حامل وتنزل ليها الدورة ,, انا هبلا لسى عندي امل ...
تكفون ادعولي والله اكتب والعبرة خانقتني ,,, يارب يارب يارب الفرج