تبغين تتزوجين خلال شهر ادخلي والحل عندي

قال صلى الله عليه وسلم<<من كانت هجرته الى الله ورسوله فهجرته الى الله ورسوله, ومن كانت هجرته الى مال ياخذه او إمرأة ينكحها كانت هجرته الى ماهاجر اليه>>>كلمة اخت الى اخواتها الغاليات
لاتحسبوني ما احس بكم
ولا اعرف حتياجاتكم
واعرف ان كل بنت هدفها الزواج
انا كنت بنت مثلكم وعانيت حتى تزوجت
وعانيت في زواجي حتى تطلقت
وعانيت بعد طلاقي واتمنى اتزوج مره ثانيه
لكن ان نغرق في هذا الموضوع ونخليه الشغل الشاغل لنا مايصير
ركزو في الحديث زين هذا مايخص فقط الرجال حتى النساء لنا نصيب من هذا الحديث
بعض البنات ماتتهجد ولاتقوم الليل الا عشان الزواج
وبعضهم ماتستغفر وتتصدق الا بنية الزواج
وبعضهم ماتدعي طول يومها الا للزواج
حياتها كلها تقضيها بالتقرب من الله لهدف الزواج فقط
حتى بعضهم تسوي حملات وادعيه خاصه بالزواج ولو تفكر ايش قدمت لآخرتها ماتلقى شئ
والله نصيحة محبه لاتغرقون بموضوع الزواج
سامحوني بس خوفي عليكم وعلى نفسي كتبت لكم هالتذكره
والله من وراء القصد