تبغين تستغنين عن الاستشوار ممكن ليه لا بس مع هذي الخلطة اتفضلي ياعيوني وترى مانا مقصر

السلام عليكم ياحبايبي كيف الحال وش اخباركم وش علومكم ان شاء الله طيبين وحشتوني بالحيل ولله عندي مواضيع كثير بقولها لكم وهذي وحدة من مواضيعي وان شاء الله تعجبكم يالله خذو العلم احم احم استعداد سر الى الامام مو كانا قلبنها عسكريه المهم والزبدة ياحبايبي الخلطة هذي من خبرتي في الاعشاب والزيوت وخرابيط الشعر المهم انا عارفة اني طولت عليكم اعذروني المهم استخدمت في الخلطة اول شيء هو زبادي وكثيرة انتم عارفينها الي هي تروحين عند العطار وتقوليله عطني كثيرة وتاخذين ثلاث او اربع حبات منها وهي تجي قاسية وتاخذين قدر وتحطين فيه مويه تناسب كمية الكثيرة الي معاك وتحطين الكثيرة في الموية وتخلينها تطبخ على النار لين تشوفين نفس الكثيرة الي في القدر لانت وتحسينها تجانست مع المويه وسارت زي الكريم وتضيفين للزبادي جزء من الكثيرة الي عندك والباقي احفظيها للمرة الجاية وبعد تضيفين وملعقة سدر او ثنتين وبعد حبة بيضة وعسل وملععقة حلبة مطحونة وخميرة فورية وماينيز ملعقة او ثنتين لانه مفيد للشعر وملعقة ريحان مطحون تلقينه عند العطار وسابكة وماسكة تلقينها عند العطار لونها احمر على عنابي تطحنينها وتحطين جزء منها على الخلطة وزبدة الي نستخدمها في الطبخ تاخذينها وتسيحين نصها وتحطينها على الخلطة وتضفين بعد الزيوت الي هيا زيت زيتون وزيوت انا استخدمها لشعري دائم الي هي زيت دابر املا وزيت برشوت وزيت صبار وزيت سمسم وزيت حلبة وزيت همتاج عاد هذي كلها انا مجمعة هذي الزيوت وعاد انا احط المقادير بالنظر والله يابنات اني مجربتها شيء موطبيعي سرت استغني عن الاستشوار الا في المناسبات الكبيرة وعاد انتم عارفين لازم نستشور في المناسبات الكبيرة هذا شيء ضروري وترى تحسين بنعومة جنان وبتدعولي هاه موتدعون علي وتحسن شعري مع هالخلطة شيء كثير ولله الحمد وان شاء الله بتردولي وانتم مبسوطين وبطلبكم طلب تدعون ان الله يحقق الي في بالي ان كان خير لي قولوا امين وعاد انا عارفة اني طولت عليكم بس ان شاء بعد هذه الهرج كله تستفيدون سبحان الله والله اكبر frasha11