تبغين تنخطبين بهذه الاجازه وش تستنين ادخلي الموضوع بسرعه مافي وقت

هاي كيفكون .. شو اخباركون ,, وحشتوني يا احلى عرايس ((عامله لبنانيه))
المهم نرجع لمحور الحديث خ
بمناسبه قدوم الاجازه الصيفيه وهو موسم تكاثر الاعراس والمناسبات الاجتماعيه (( ابله علوم ))
واحنا طولنا القعده ولا احد راضي يعطينا وجه (( ماصارت عاد نبي نعرس ))
قررت نبدأ ببرنامج صيفي يبدأ من اليوم وعلى من تحب الاشتراك الاسراع بالتسجيل
بعنوان
((((كيف تنخطبين بهذه الاجازه))))
وهو برنامج عباره عن محاولات مستميته لجذب امهات المعاريس
ولكي نبدأ بهذه البرنامج عليكي بالقيام بالخطوه الاولي(يبغالي اخفف من المساسلات التاريخيه))
1-تحديد ميزانيه محترمه للقيام بهذه المهمه وكلما زاد المبلغ يكون افضل ولا تستخسري شي بالعكس فكري انو استثمار طويل الاجل
2-خذي المبلغ الي قررتي تصريفه ومن صلاه العصر اول مشغل تلقينه مفتوح ارقعي الباب ولا يردلك
شي ولا تخلين على قلبك شي صبغه, ميش , قص , استشوا ر , تشقير , تقشير , صنفره تنظيف , حلاوه , حمام مغربي واذا في صيني او هندي اوبنغالي مافي مانع , منكير بدكير , دلكه
المهم انك لما يخلص كل شي تطالعين بالمرايا وتبكين وتقولي هذا انا (( اتابع بالصراحه احلى مع جويل))
3- تركبين اقرب وانيت وخليه يرميكي با اقرب سوق ولا تخلين تنانير بلايز فساتين كشخه مكياجات الوان مو متعوده يشوفكي فيها الناس (( مادام الالوان السابقه ماجابت نتيجه )) وبيفضل الوردي والسكري والذهبي يعني الوان طبيعيه
4- تجيبي ورقه وقلم وحددي العوائل المستهدفه ((يعني عائله عندها شاب بسن الزواج او ناس سمعتي عندهم ولد وجاري البحث له عن عروسه من الجيران والاقارب القربين والبعيدين والاصدقاء واصدقاء الاصدقاء واصدقاء اصدقاء الاصدقاء))
5-حددي جدولي يومي او اسبوعي بس مايكون شهري ولا بتخلص الاجازه واحنا مرتزين قدام هالتلفزيون او شاشه الكمبيوتر وماسوينا شي للقيام بزياره العوائل الي موجدين بالقائمه السوداءصحيح امك بتستغرب شوي بس برري الزياره انك مليتي من قعده البيت وتبين تشوفين الناس او ام فلان من زمان عنها اوتبغي تشوفي بنت فلان والقيام بزياره الصديقات ويفضل المتزوجات لغياب روح المنافسه وحاولي ماتدخلين بيت احد وايدينك فاضيه يعني بصريح العباره ((هديه))
6-كثري من الاعراس والحفلات والزيارات والمجاملات وياليت تتعرفي على ناس اكثر حتى لو ماعندهم عريس مستهدف بشكل مباشرانتي ماتدري من وين يجي النصيب <<<-----
7- وهو الاهم الاكثار من الدعاء وخاصه بجوف الليل والالحاح بالدعاء بشكل يومي انو ربي يرزقك انتي وجميع بنات المسلمين بالازواج الصالحين ..آآآآآآآآآمين
الرجاء الدعاء لنا بظهر الغيب بالتوفيق والزوج الصالح لكل بنات المسلمين
وشئ مهم يابنات الستر في اللبس ترا بعض الحريم لاشافوك عاريه قالوا لا هذي ماتنفع لوليدي
::
ومير انه منقول