تبين ريحتك ريحة عرايس تعالي

1. فشنو تسوين ؟؟؟

السلام عليكم ورحمة الله وبركاته
مو كل وحده فينا عندها ميزانية تتبخر كل يوم بأحسن أنواع البخور وأحسن أنواع الطيب والعطور
واالبخور الرخيص إنتو عارفينه كأنج شابه حطب وحتى العود وغيره لما يكون رخيص يبين عليه

فشنو تسوين ؟؟؟

لا تحطين عود باستمرار .. جربي تشترين مسك أبيض والمسك ريحته روعة وسعره رخيص بحدود دينارين كويتي للتوله .. أكثر أو أقل بشوي ما يفرق
ما أنصحج بنوع معين لأن كل محل لهم خلطة مسك خاصة فيهم ( مسك العروس عند القرشي، مسك روز + مسك العجمان تبع أجمل، مسك المرشود ... الخ ) كل محل عطور عربية عندهم نوع أو أكثر من المسك وإنتي شوفي اللي يناسب ذوقج
وبعدين
إشتري معمول اللي هو البخور الرطب تبع البيت والملابس لكن مو أي واحد لالالالا لأن الأنواع العادية تبين إنها معمول
إشتري معمول أجمل .. سعره بالكويتي 7.250 ويكفيج سنة .. ريحته مثل البخور بالضبط
فبدال ما تستخدمين بخور غالي يومياً جربي هذا بخري جسمج وشعرج فيه بعد الحمام تبين خطوات حلوة تتبعينها ؟
شبي فحم البخور وإخذي المعمول ودخليهم معاج الحمام ( 7.250 ) + المسك اللي اخترتيه ( دينارين ) + ديودرنت من غير ريحة أو ريحة خفيفة ( دينار ونص ) + زيت جونسن للأطفال ( 1.750 )
تحممي زين ويفضل تكونين منظفة جسمج من الشعر الزايد وأنصحج بالآلة أكثر من الحلاوة لأنها تشيل الشعر الصغير وما تضطرين تنتظرينه يطول
لما تخلصين دهني زيت جونسن على جسمج كله ونزلي تحت الدوش ثواني عشان تنزلين الزيت الزايد وما يدهن جسمج
تنشفي وحطي الديودرنت
حطي المسك بشعرج وورا إذنج وبين صدرج وبالأماكن اللي تبين تفوحين منها
وأخيراً حطي المعمول وتبخري فيه

• -

ريحتج بتكون روعة ريحة عرايس وطبعاً لو تسوين هالخطوات بالليل أحسن عشان تلبسين قميص النوم على طول
وفوق هذا لو تحسبين كل هالأغراض كم كلفتج بتكتشفين إن المبلغ بسيط والكمية تكفيج شهور والنتيجة فتاكة
منقول