تبين يصير شعرج ناعم

السلام عليكم .........
بنات هاي اسهل طريقه يمكن تلقونها باي منتدى .................> بس يبي لها صبر ترى
كل الحكايه .........(مو اغنيه نوال) خ
ان شعري كان الله لايراويكم من الصبغ والاستشوار والخربطه اقنعه وزيوت وخلطات ... معمل تجارب لي خربته ....
انزين عاد صادني شي من اليأس تميت حتى استشوار ما ستشوره صج كان شكله جنه شيره موز ههه بس بعد كنت في حاله من الياس والاحباط وخلاص مليت ......
بعد اسبوعين اشوف عقب ما اتسبح صار اوكي يسفط يصير هادي واليف..... عادي شامبو هيد ان شولدرز وبلسم على الاطراف ولا اي بلسم بس يمشي الحال ......
قلت بس بلاها استشوار وخل اعتني فيه بعقل بلا خرابيط كل من قالو لي خلطه حطيت وكل من قالو لي زيت لطعت ...
تميت استخدم زيت مادري دهن مال لوول اسمه دابر مال الهنود الي ريحته خايسه حتى مريت الصاله تمو يتلفتون ههه .... المهم ساعه قبل السبوح وتسبحي وشويه بلسم(لا والله انا احط وايد) على الجزء الي بعد الاذن علشان مايصيدد قمتي..... وطبعا نو استشوار ...............
وشوفو الفرق والله صحي من الله بلا تنكر ولا شي ......
(مع العلم ان شعري كان ناعم من الاصل لكن خربته -ااهو مو ناعم شعر حرير على خدي بيطير - يعني لكن فيه ريحه نعومه)
شهرين وصارت المعجزه والحين الحمدلله ما استشوره موليه اذا كلش قص علي ابليس استشور قذلتي بس....
وانشالله افدتكم بالحدوته هذي
ادعو لي عاد