تبييض الاسنان معلومات مهمه ياعرايس

1. والله افرشها دايم بس قبل التقويم كنت استخدم الخيط السني واله

اليوم رحت المستشفى العسكري بجده
اليوم 1-3-1431 كان عندي موعد تنظيف اسنان
انا مركبه تقويم لي سنه و4 اشهور
مشكلتي اسناني كلها اوك بس عندي الناب ايسر كان طالع فوق وخلعت واحد جنبه ونزل شوي وكان مسوس من يوم طلع لانه كان فوق وصعب انظف لما اجي انظفه الثه تنزف دم لانه لصق بالثه
لما نزل طنشت اسويله حشوه لين وصل العصب
وقال دكتور التقويم بفكلك السلك وروحي سويله حشوة موقته وثابته ولازم يشفطون الخراج وبعدين تسوين تنظيف لااسنانك وتسوين تركيبه للناب لان نصه انكسرر
وكمان اسوي تركيبه الربوع ذا عندي موعد مع التركيبات سويت التنظيف لااسناني وسويت الحشوات للناب الثابته والموقته
كل هذا بشهر 2 بواسطه طبعا كلمت دكتوره وشرحت وضعي وقربتلي المواعيد لان زواجي بشوال وابغا افتك من التقويم
ني برمضان بشيل التقويم شهر وارجعه عقب شهر
وبعدين الفك عندي مو بارز ولا شيء بس مشكلتي الناب وبعد موعدي الربوع للتركيبه للناب عمليه يسحبون الناب لين يصير بمستوى الاسنان
موضوعي مو هذا
موضوعي اهم من هذا كله
يشهد الله اني اذا عرفت معلومه مابخل فيها لكم
نبدء
اليوم 1-3-1431
سالت الاخصائي الي سوالي التنظيف قلت ينفع بعد التقويم اسوي تبييض قال لا نصيحه لا
قلت ليش قال لان اسنانك شفت 2 او 3 منهم اسفل السن طبقه لونها طباشيري كنها بيج
سببها ضعف بالاسنان والسبب يااما بغذاءك او السبب سوء تنظيف الاسنان

والله افرشها دايم بس قبل التقويم كنت استخدم الخيط السني واله

وبعد التقويم صرت ماستخدمه لانه حدايد وبهذله استخدم فرشاة التقويم وغسول وافرش
قال غلط قال اصلا فيه بكتيريا بين الاسنان ماتخرج الا بالخيط السني وحتى لو انتي حاطه تقويم لابد من الخيط السني وطريقه استخدامه تدخلينه بين الاسنان وتلفين بشكل نصف دائره بحيث الوصخ وبقايا الاكل الي على الثه تطلعينها لان لو ماطلعتيها بيجيكي التهاب بالثه
وقال حتى لو استخدمتي الخيط ونزف دم عادي اهم شيء تنظفين بين الاسنان
لان يابنات الخيط السني ريحته نعناع وبكذا بتضمنين رية حلوه
وقال ايش الغسول الي انا استخدمه قلت بيتادين قال غلط ترمينه بالزباله
قال بيتادين سيء يصبغ لون الاسنان
قال افضل غسول للفم يحتوي على الفلورايد
وكتبلي اسماء غسولات للفم منها
فلوراسبت
فرش تاك
ليسترين
والمعجون يقول تاخذينه من اي صيدليه لازم يحتوي على فلورايد
والفرشاه يقول لازم تكون ناعمه عشان ماتسبب التهاب للثه افضل فرشاه حقت شركه سسنوداين
ويقول لازم بين الفطور والغداء تفرشين انا افرش بس اكل بينهم يقول غلط
كنك ماسويتي شيء
يقول حاولي تكون اسنانك اكبر وقت ممكن نظيفه مافيها اكل لان الشاي والاكل يصبغ بالاسنان اذا طول مافرشتيها
وكمان يقول استخدمي المسواك وكل ماكلتي شيء تروحي تفرشي يقول مو بس تفرشين بالفرشاه العاديه لا
تفرشين اسنانك وتغسلين بالغسول وتمضمضين بمويه وملح تعقم
وتستخدمين الخيط على الاقل يقول 3 مرات باليوم
والله بسمع الكلام وبجرب الخيط دكتوري حق التقويم غبي ماقالي استخدم الخيط والله كنت اقول الي حاط تقويم مايستخدمه ورب الكعبه ان الخيط يطلع بلاوي متلتله بين الاسنان
ويقول الي مايفرش اسنانه لمدة اسبوعين مثل اخوي الصغير يقول
تتكون طبقه البلاك الشفافه لاترى بالعين المجرده وبعدها تصير طبقه قاسيه لونها ابيض متحجره وبعدها تصفر بعدين تصير لون بني بعدين تسوس
والبلاك ببداية مراحله يسمى بلاك بنهاية مراحله يسمى جير
ويابنات والله اسناني قبل التقويم نظيفه والثه ماكان فيها التهاب بس جاني التهاب بالثه وخراج بالناب لامي ماكنت استخدم الخيط وراني طريقه استخدمه مو بس تدخلينه بين الاسنان وتخرجينه لا
لازم تاخذين لفه يمين ولفه يسار عشان تتاكدين من خروج الاكل
والصبح وبالليل غرغره بمويه وملح يعقم وغرغره بالمر المر يشد الثه
اتمنى افدتكم واي سؤال ابشروا
بنات اسناني مافيها بلاك ولاجير بس اصفرار بسيط بالناب وباخر ضرس باليسار والسبب ضعف عندي قال حاولي تاكلين معادن وفيتامين وخس واكل مفيد ومقوي وحليب ولبن
على فكره وزني 45 طولي 160 فقر دم ونقص كالسيوم وغده ماعندي الحمدلله