تجاربكم للرؤية الشرعية تكفون عطوني حل لمشكلتي

السلام عليكم ورحمة الله وبركاته
كيفكم جميعاً ؟
إن شاء الله بخير
بنات ..
تكفون ساعدوني بمشكلتي ..
وأدعولي الله يخليكم أن ربي يتمم علي
واللي ماعندها حل للمشكلة ترفع الموضوع بدعوة من قلبها وتتذكر أن الملائكة تقول ولك مثله !
أنا مخطوبة
والرؤية الشرعية حقتي الاسبوع القادم
ومثل أي بنت ترتبك
أنا مرتبكة شوي
بس اللي مزود هالارتباك
أن أم المعرس تقول : ولدي يبي نحيفة وقصيرة مثل بنتكم ( تقول هالحكي لأمي )
وأنا أحس أني مب نحيفة الشئ المطلوب لأني قصيرة شوي وأحس أني رويانة مب ذاك النحف
يعني طولي 150
وزني 51<<<<<<< أتمنى أنكم فهمتوا .. عظامي مب جبرة بس أحس أني ممتلئة
وأمه كأي وحدة كبيرة بالسن تحسبني نحيفة مثل رغبة الشباب
عشان كذا خايفة من الرؤية الشرعية
وإلا الملامح كويسة وكل شئ كويس وأنا واثقة من نفسي وجمالي
بس مب واثقة من ذوقه
و الوزن مرة خايفة وشايلة هم
أنا عندي أهون ولا أني أشوفه ويهون عني
كذا بتكون صصدمة لي .........
بنات تكفون عطوني رايكم ... تجاربكم
وهل يمدي أنحف شوي ؟
أبي يصير وزني 45 عشان ما أصير سمينة
شكراً للجميع