تجربتى مع الرجيم يابنات واللى تحب تشاركنى

هاى يافراشات انا ح اقول لكم عن تجربتى مع الرجيم واللى تحب تنضم معى ونتعاون عشان نكمل ان شاء الله ع خير ونوصل ونشجع بعض لحد الوزن المناسب
انا بدأت الرجيم فى 1-1-2008 عند دكتور ايهاب ابو النجا عندنا فى اسكندرية انا رحت له بعد ما سمعت عنه كتير من ناس جابوا معاه نتائح هايلة
كان وزنى 107.700 دبدوبة كتير
المهم وصل وزنى دلوقتى 103
ح اقول لكم رجيم الاسبوع الاول ولو فى اللى يحب ينضم لى يبقى كويس ح اكتب لكم رجيم الاسبوع التانى
الاسبوع الاول :
الفطار والعشاء :
2 جوافة او 2 برتقال او 2 يوسفى او 2 تفاحة او عصيرهم
الغداء:
سلاطه بدون طماطم + ربع كيلو لحمة
سلاطه بدون طماطم + 1/2 كيلو سمك
سلاطه بدون طماطم +1/2 جمبرى (الروبيان)
سلاطه بطماطم +2 علبه تونة مصفاه
بين الوجبات ممكن تتناولى 1/2 كيلو فاكهة موزع على بين الوجبات
وكمان ممكن تتناولى الشاى الاخضر والشاى والنسكافيه والبيبسى الدايت
كمان لازم تشربوا مياه كتير وكمان رياضة 30 دقيقة على الاقل يوميا
يلا يا بنات اتمنى افيدكم يارب بتجربتى ولو حد حابب يكمل معى ردوا ع موضوعى وح احط لكم رجيم الاسبوع التانى اللى انا ماشية عليه ونشجع بعض