تجربتي الخآآآآيسه مع كارمن 2 الله لايسامحهم

1. مرحبا حبايبي


2. انا بقول وانتو احكمو وبذمتكم بعد ..


3. والذهبي يمشي معاه روعه ومع الاضاءه في القاعه بيجي روعه ...


4. اه بس رجعت لها عدلت منا ومنا ومنا ابد مافيه فايده الا زاده الطين بله

مرحبا حبايبي

اول شي احب اقولكم اهم نقطه في الموضوع وهي اني كتبت هالموضوع عشان انقل لكم تجربه صارت لي ويمكن تكون ماصارت لكثير غيري بس والله والله والله ويشهد علي رب السموات السبع اني ماكتبت هالموضوع عشان اسئ لهم او بيني وبينهم اي شي لا والله اني ماكتبته الا صدق وبكتب لكم اللي صار معاي بالضبط بدون تغيير ولا ازود فيهم شي ماسووه معي والله على ما اقول شهيد
الموويهم اتووقع تتذكرون قبل حوالي شهر نزلت موضوع استشير فيه بنات جده عن المشغل الافضل
منه سنتر او كارمن 2 .. وللامانه اكثر البنات رشحولي منه سنتر بس سبحان الله الظروف ماخلتني اروح له بما انه بعيد من بيت اهلي وانا مو من اهل جده اساسا ..
توكلت على الله وحجزت عندهم (( الحجز الخرطي )) ههه تاخذ رقمك وتريش فيك واذا رحتي كانها ماتعرفك ولا تعترف بحجزك << طيب اذا نظام مو مشكله مقبوله لكن اذا انتو اساسا ماتعترفون بالحجز ليه الكذب الفااضي وتقبلون الحجز وتسالون عن موعد الخرجه وتاخذون ارقامنا ؟؟؟؟؟؟؟؟؟؟؟؟؟؟؟؟؟؟
ماعلينا هذا كله يهون عند شكلي كيف صار عندهم الله لايسامحهم ولايحللهم في ال 485 ريال اللي خذوها مني
والله يابنات ورب البيت رحت انا وخواتي الساعه 12 الظهر طبعا 12 وانا بالمشغل لقينا فلبينيه ممده رجولها فوق المكتب رمت علينا ورقه قالت اكتبو اسمائكم لقيت قبلي 16 وحده فيهم عروستين قلت الله يستر مو مشكله جيت اكلم الفلبينو ذي قلت الحين وين نروح ناظرتني بنص عين قالت استريح مدام مافيه عاملات ؟؟؟
ياليل قلنا متى يجون قالت(((( في الطريق ))))) << ركزو على هالكلمه بالذات قلنا زين ع بال مانختار تسرياحات يكونو وصلو ...
جلسنا نفرفر في الكتالوجات ال3 خ مافيه الا 3 بس وواحد مجله بعد ... ننتظر وننتظر وننتظر الساعه 1 >>>>>>>> 1 ونص <<<<<< 2 <<<<<<<<<< 2 ونص ههه وربي وربي ماظلمتهم الساعه 2 ونص بدو يجوون وحده وحده طبعا كان اهم شي اللي بالاستقبال عشان تسوي الفواتير وطبعا تاخيرها سبب زحمه مو طبيعيه ... جلست تسوي فواتير جا دوري حوالي الساعه 3 وربع
طلعت فوق لقيت قدامي اللي قبلي ونتظر المويهم ماطولنا بزياده بدأنا الشغل وما ادراكم مالشغل
انا عن نفسي كنت مستآآآآآآآآآئه من شكلي لابعد حد والله والله مو مدح بنفسي بس بجد لو حطيت روح وبلاشر وكحل ورسمت حواجبي بنفسي كان طلعت كالعاده احلى بكثير مع خبصهم

انا بقول وانتو احكمو وبذمتكم بعد ..

لون فستاني كان درجة البينك اللي على موف يعني مثل ايس كريم الفراوله الغامق .. تمام
جيت اول مانسدحت واستعديت للميك اب سالتها بس سوالين قلت لها الحواجب ابغاها شاينيز مرفووعه وسالتها وش بتحط لون مع لون فستاني قالت وش رايك نيلي ..؟ قلت ام دايم اجرب النيلي غيري قالت اخضر قلت اوكي الاخضر خفيف مع درجه البينك الغامق يجي خقق سالتني وش لون اكسسواري قلت فضي قالت اوكي
الموويهم استسلمت لها وهي تحوس وتحوس وقبل لاتنتهي غمضت عيوني مدري وش كانت تبي تسوي يوم افتح الا واشوف الدنيا تلمع قدامي خ سالتها ليش اشوف لمعه ؟؟ قالت حطيت شوي اكلين ؟؟؟ خي ير ترا مااتو اللي كانو يحطون اكلين ع الجفن حسيت من قبل ما اشوف نفسي اني بصير مثل (فتون) ذيك اللي بالمسلسل مدري وش اسمه المهم كانت اخت مانع ودواس ههه قلت قليتر لا مابي قالت لا لا خفيف وروعه انا تكلمني وانا ادور عيوني يمان يسار ابي اعرف وش سالفه هالقليتر كني كني كني لمحت لونه على رموشي لمعه ذهبي قلت خليها تخلص واشوف يمكن حلو مع اني ما احب الاوفر
يوم خلصت يابنات قلت يعطيك العافيه ومن هالكلام ورحت اشوف المرايه اقسم بالله العظيم بغيت ابكي
من جد من جد انصدمت وين سمعه كارمن ووين الشغل المرتب وربي ماظلمتهم ويشهد علي رب العالمين بهالساعه الفضيله اول شي لون الشدو اسود غامق داخل فيه موف محروق وخط اخضر تحت عيني ؟؟؟؟؟؟؟؟؟؟ خير خير خير وين البينك ؟؟ وش دخل ام هالالوان
لا لا لا والقليتر شي ثااني يوم اغمض الا جفني كل ابوه لماع ذهبي ؟؟ يمين بالله بغيت ابكي وش ذا وهاذي وش تحس لوني بينك غاامق يعني فوشي تقريبا واكسسواري فضي وش دخل هالذهبي طيب؟؟
والحواجب اه بس الله لايسامحهم نكدو عليه بزواج اختي اليوم كله وانا نفسيتي زفت وكل شوي ابكي
حواجبي والله العظيم جايه خطين يمين ويسار لاهي شاينيز ولاهي حواجب اوادم عاديه طيب يختي حرام انا دافعه فلوس ماتعرفين لاتسوين ؟ صح والا لا
لا وحاجب من بدايته مرفوع والثاني لا يعني باختصار وربي وربي انهم خياس وان ريالين فيهم حرام لو سويت ببيتنا ابرك لي المويهم رجعت لها قلت وش ذا ليه الذهبي وانا اكسسواري فضي وليه الموف بالاسود قالت والله كذا احلى ولان فستانك فوشي ماينفع احط فوشي لازم اكسر اللون ...

والذهبي يمشي معاه روعه ومع الاضاءه في القاعه بيجي روعه ...

هي وين احنا ع بالها اني بنغالي وش اللي مع الانوار وهذا احلى قلت بليز مابي كذا عدلي ماحبيت شكلي وضبطي حواجبي وربي يابنات يوم طلعت من غرفه المكياج كل اللي برا يسالوني من سوت لك ع بال عجبهم اثاريهم يبون يغيرون حجزهم اذا هي نفس اللي سوت لي خ
لا وكله كوم ووحده مسكتني بالكافتيريا تحت تقول اختي ممكن شوي قلت تفضلي قالت روحي للي سوت لك خليها تعدل حواجبك من بعيد واحد طالع واحد نازل اعذريني بس والله حرام انتي حلوه وشوهتك وانتي دافعه فلوس ماحبيت اشوف شي غلط وما انبهك يمكن انتي مانتبهتي ..
يوه تمنيت الارض تنشق وتبلعني من جد قهر 500 مارجعو لي منها الا 15 ريال ويشوهوني ؟

اه بس رجعت لها عدلت منا ومنا ومنا ابد مافيه فايده الا زاده الطين بله

طلعت من عندهم والله يابنات وانا الدمعه بعيني بس ابي احد يدوس طرف ثوبي وابكي من جد تعشمت واخر شي كذا خلوني اكره مشاغل جده كلها الحين بالعيد زواج اختي الثانيه ومدري وين اروح صرت مره خاايفه بجد مابي احد يتعلم عليه وربي كذا حرام انا رجعت البيت ومسحت وعدلت الف مره في مكياجهم والحواجب وربي اخرتها انا سويتها بقلم حواجب عاادي مسحت نص شغلهم وفوق هذا كله ليته صار حلو ..
للامانه انا ما اتكلم ع الكل فيه عندهم منال شغلها راقي ومرتب واشجان مسكت اختي شغلها روعه ومرتب بس مو بالمستوى اللي انا كنت اتخيله بصراحه
تسريحاتهم للامانه كلهم اووكي بس للامانه للامانه للامانه وكلمه راح اتحاسب عليها يوم الدين في الحواجب والله ماشفت وحده ضبطتها مدري عن العرايس شفتهم مرتبين يمكن الزباين العاديين مايهتمو الله اعلم بالرغم من انه يومها مو ذيك الزحمه لا عادي ماحسيت انو زحمه بزياده
لكن الله لايسامحهم في اللي سووه فيني نكدو عليه باحلى يوم
سامحوني طولت عليكم بس حبيت انقل لكم تجربتي الفااشله معاهم واللي خلتني ابكي بيود توقعته بيكون احلى واسعد يوم .....