تجربتي الغبيه مع موقع للزواج

السلام عليكم و رحمة الله و بركاته
بنات انا شخصيتي رومنسيه موت من ايام الطفوله و انا اتمنى يكون لي حبيب
لكن كنت منشغله بالدراسه و اللحين انا متخرجه
بنات كل يوم ابكي تعبت تعبت تعبت قسم بالله
محتاجه رجل بحياتي والله ما ني قادره استحمل
والله ابكي و دموعي على خدي محتاجه احد احبه
قسم بالله ما كلمت شباب ولا غازلت واخاف من الله مع حاجتي الشديده للحب
بنات خلاص خلاص ما اقدر استحمل
بنات جماعتنا كلهم تزوجوا حتى اللي اصغر مني
عمري 24 و بدخل ال 25
وما فيه احد من شباب قرايبنا في سني كلهم اصغر مني
وبعد ما قريت تجربة اختنا حلوه مثل القمر في موقع زواج رحت طيران للموقع و سجلت فيه و مبسوطه واتوقع اني بلقى العريس على طول
المهم اول واحد كلمني كان مواصفاته اللي كاتبها روعه رومنسي وطيب ويحب الهدوء و يحترم المراه
انبسطت مره و سحب مني كل المعلومات الشخصيه وقسم بالله يا بنات من كثر لهفتي للزواج جاوبته بدون حذر او تفكير و اكتشفت انه من نفس قبيلتي و يعرف اهلي
المهم لما عرف المعلومات طلب رقمي و طلب يشوف صورتي و رفضت و قلت له اعطيك رقم ابوي
قال لا ابي اكلمك اول قلت له مستحيل تعال اخطبني
تخيلوا لما رفضت راح و لا عاد رد علي
بنات انا اللحين توني اصحى من غبائي
خايفه موت انه يفضحني او ينشر معلوماتي او يتكلم عني عند الشباب
بنات قسم اني محافظه على صلاتي و لا اسمع اغاني و ساتره نفسي ولا اكلم شباب ابدا
معقوله بهاذي السهوله تصير سمعتي بين الشباب
لاني اكتشفت بس انه يغازل ولا في نيته زواج ابد
بنات اكتب و انا ابكي يا رب ما عاد ابي شئ بس الستر
والله اني ادور الحلال الحلال و بس
يا رب انا تعبت تعبت
با رب اموت و ارتاح
تكفون ادعولي ادعولي ادعولي بالستر و الزواج
واحذر اي بنت لا تدخولون مواقع الزواج لانهم مغازلجيه