تجربتي مع الليزر استفيدو يآعرآيس

السلام عليكم ورحمه الله وبركاته كيفكم صبآآيآآ ؟؟
آيش آخبآآركم ؟؟
وكيفكم مع التجهيز والدبش وحوسه الزواج
آنآآ حبيت آنقلكم تجربتي بالليزر لمنطقه البكيني
وكمآآن تجربتي مع عمليه الانتراليزك للعين
خلينآ نبدآ اولآ الليزر لمنطقه البكيني طبعآ زي كل عروسه لازم اهتم بديك المنطقه بذآت وآنآ كبدايه كنت اشيل بالموس ماكنت احب الحلاوه من الكلام الي كنت اسمعو عنهآ
المهم لما قرب الزواج قلت لا يابنت عيب تشيلي بالموس لازم تبدا تشيلي بالحلاوه وطبعآآ بس حطيتها وبدات اشيل انصرعت وبدات الحرب وحسيت اني اتخدرت خلاص وقفت ماقدرت اكمل
وانا كمان بتصفح المنتديات لقيت انها ترهل وتموت الاعصاب وتسبب برود قلت لا لا ياامي مع نفسها
وقلت لازم الاقي حل وفكرت باليزر وبذآت اني آنسآنه كسوله فآبعد الزواج مره صعبه كل شويه انط الحمام اشيل ديك المنطقه وربش فسآلت على احسن مكآن لليزر في المدينه وسآلت برضو بنآت عمي الي جربو طبعا لما كانو عرآيس وخآلتي برضو وكلهم كآنو مره يمدحو فيه
آتوكلت على الله ورحت عيآده الكآفي والصراحه مره انبسطت وماندمت آبدآ آني اخذت ده القرار اولا حآجه الدكتوره اسمهآ سعآد وتعآملهآآآ جدآآآ جدآآ رآآآئع
وغير كده عندهم عرض مره حلو جلسه بي 400 وجلسه مجانا وكده والي احلا من ده كلوو
انو تعطيكي الجهاز وتعلمك عليه تدربك على يدك وبعدين تقولك اذا تبغي تشيلي بنفسك ولا هيا تشلك
انا في البدايه كنت مستحيه فقلتلها خليني انا اشيل بنفسي ودربتي على المفاصل في اصابيعي وشالتلي الشعر فيها وكمان مشت الجهاز على بطني انا عندي شعر في نهايه بطني طبعا ده كلو مجآآنآآ مع جلسه البكيني من عندهآآ والشنب كمان
وانا بدآت آشيل المنطقه وبعدين خلصت وقلتلها تعآلي وشيكي وشيكت على المنطقه ومشت كمان على الفخد وقالتلي بعد اسبوعين بيطلع الشعر وبيطيح من حالو ونهايه الشهر عندي الجلسه التانيه وممكن تكفي من 3 جلسات لين 4 الصرآحه مره رآحه بذات للعرايس
وآذآ شفت منكم تفآعل بكمل تجربتي مع عمليه الانتراليزك للعين لضعف النظر