تجربتي مع خبيرة التجميل نوره

السلام عليكم ورحمة الله وبركاته كيفكم يا فراشات انا حبيت اكتب لكم عن تجربتي مع خبيرة التجميل نوره اللي في مركز ندى ...والله يا بنات اني ما عرفها لا من قريب ولا بعيد ويشهد علي ربي اني تعرفت عليها عن طريق العضوه السمرا هنا في المنتدى..كانت ما اخذه عندها دوره اخذت منها الرقم وقلت خلني اجرب ايش بخسر واشوف شغلها اذا اعجبني اخذت عندها دوره واخذت رقمها من السمرا واتصلت عليها يوم الاثنين اللي فات وربي يابنات كانت بقمة الذوق معاي ..وحجزتها على يوم الخميس كان فيه زواج مو مهم عندي لانه زواج صديق اخوي وماعرف احد قلت بجرب شغله ويوم جاء يوم الثلاثاء اتصلت علي تسالني تاكد الحجز ولا لا واكدت عليها اني بحضر في موعدي معها ومع الوالده الله يحفظها لي..اخذت العنوان منها وجاء موعدي معها وحضرت اول ما دخلت من الباب انفجعت من الزحمه اللي عندهم وربي الحريم مضارب عند المحاسبه ..وانا ماعرف شيء اول مره اجي للمركز اتصلت عليها جوال وقلت انا عند الباب وينك فيه وربي يابنات انها تركت شغلها وطلعت لي مع ان كان عندها زبونه ..وعملت اللبنت مكياجها كانت طالبة مكياج عيون بس كان ثقيل وحلو مثل سحر الشرق والالوان كثير انا ما احب هانوع من المكياج وانتظرتها تخلص لما جاء دوري .. قلت لنوره انا ما احب ها النوع من المكياج انا ستايلي البناني السموكي قالت اوكي المهم سالتني عن لون فستاني وبدت تشتغل في وجهي وربي مكياجها ماركات كله وانا ساكته المهم جالسه تسالني انا ايش احب وايش ما احب .. وانا اقولها انا ابي ذووقك ابي اشوف شغلك صلحي اللي يعجبك انا مسلمتك نفسي صلحي اللي تشوفينه ينا سب وجهي وعمري ..وانا متعمده اقولها كذا عشان اشوف شغلها حتى ما حبيت اطالع في المرايه لين انتهت واخفت لي الحواجب وصلحت لي المكياج لما شفته في المرايه ...واو يابنات انبهرت منه بصراحه خيال شغل مبدعه وانا من كثر ما انا مبسوطه اني حصلت وحده تفهمني وتعرف ذوقي قلت لها انتي بصراحه ما شاء الله عليك يانوره يدك تنلف في حرير ..واستلمت امي بعدي وامي عكس ذووقي تحب الخليجي الثقيل كمان اعجب الوالده وحبت نوره عشان تعاملها الراقي ..ورحت اصلح شعري بعد ما انتهيت من الميك اب ..وربي يابنات كل الحريم اللي بالمركز عيونهم علي وربي خفت على نفسي ..حتى المغربيه اللي تصلح شعي لاحظت وقالت انتي طالعه جنان..وتقولي اقري على نفسك الحريم يطالعون فيك وطفشوني كل شوي جايه وحده تسالني مين عامله لك المكياج اقولهم نوره ..قالو انتي اللي طالبته ولا هي قلت لا انا اللي طالبه كذا ويطلبون مثلي ...اعرف طولت عليكم وحكيت قصة حياتي بس وربي لانها البنت تستاهل وقمة في الذووق والابداع ..وتستاهل نشجعها بذات انها من بنات البلد ومنا وفينا ..وبس هذي تجربتي مع خبيرة التجميل نوره وانا اشكرها على تعاملها الراقي وابداعها ..واشكر اختي السمرا لانها عرفتني عليها وساعدتني كثير وهي اللي شجعتني اني اكتب تجربتي مع خبيرة التجميل نوره..
ملاحظه انا ماراح اكون متواجده هالايام في النت بسبب ظروفي الخاصه ..اي استفساراسألوو في العامه واختي السمرا ما راح تقصر معاكم ..وانا ان شاء الله اذا رجعت من السفر اكمل معاكم استودعكم الله