تجربتي مع سيباميد

1. طبيعة شعري : مو ناعم حيل سآيح يعني وطبعن مو خشن مستحيل :*_*:


2. ثقيل .. جاف ..


3. للون الشعر استبدلت الصبغات <<<< بالحنا طبعن ..


4. الصابونه اخوي جربها ويمدحها عاد اخوي مافيه شي يعجبه


5. هذي للاطفال شامبو الجسم ..

سبحآن الله
سبحان الله
سبحان الله
السلام عليكم ورحمة الله وبركاته
ازيكوم يآبطه انتي ويآها ....
المهم بدخل في الموضوع على طوول ..

طبيعة شعري : مو ناعم حيل سآيح يعني وطبعن مو خشن مستحيل :*_*:

ثقيل .. جاف ..

على مدار العشر سنوات احس اني اهلكته يعني يوم كنت بثانوي ماكنت لا اصبغ ولا هم يحزنون ولا حتى اقص وشعري ماشاء الله كان طويل وفيه حيويه وتقيل حيل يوم جات الجامعه بدا اللعب والقص والصبغ الين ماقال ارحميني . . عشان كذا انا قررت اني استخدم شغلات طبيعيه او طبيه بعيدن عن الكيماويات والقلويات ومن هالكلام ..
يعني صرت استبدل حمام الزيت والبلسم <<<<<<<<<< شغلات طبيعيه البيض العسل الزبادي السدر شغلات كثيره للي تناسب شعري .. والحمدلله مرتاحه عليها

للون الشعر استبدلت الصبغات <<<< بالحنا طبعن ..

وانا مرتاحه عالجدول طبعن .. بس ناقصتني شغله ابغى شامبو للشعر والجسم يكون طبيعي او طبي مو مثل الشامبوهات اللي موجوده حالين وربي تهلك الشعر تداومين على شغله معينه ثم تتركينها وتجربين غيرها والشعر مسكين يشتكي وعلى فكره فيه معلومه من اخصائي يقول مفروض تغيرون الشامبو ومعجون الاسنان كل فترره لانك اذا استمريتي عليه ماراح تحصلين نتيجه ايجابيه مثل الدوا الحين يوم ندمن عليه يجي يوم مانحس انه يآثر فينا بدل مانا اغير من شامبو للثاني استخدم شغله طبيه او طبيعيه وبلاش اغير واتعب شعري..
نصحتني صديقه لي باستخدام منتجات سيبامميد تقول ممتازه ويكفي انها طبيه المهم رحت وشريت شامبو الشعر والجسم واخذت شامبو الشعر للاستخدام اليومي والله ماكذب عليكم انا قبل يوم اتروش واستخدم الشامبو المعتاد كنت استشور بس من قدام القصه بس وشعري جاف والحين والله احس رجعت لمعة الشعر واحس بثقل الشعره نفسها
ميزة المنتج انه طبي يعني مافيه القلويات ومن هالكلام ماراح يضر الشعر باذن الله .. وحتى فيه منه للاطفال .. راح انزل الصور ..
هذا اللي استخدمته للاستخدام اليومي وحجمه 200 مل وسعره معقول
هذا للامانه ماستخدمته مرطب شفايف ..
غسول للمنطقه الحساسه ..

الصابونه اخوي جربها ويمدحها عاد اخوي مافيه شي يعجبه

هذي للاطفال شامبو الجسم ..

بالنسبه لصورة شامبو الجسم ماحصلتها للاسف بس انا استخدمته واو يالريحه تثبت في الجسم ماشاء الله .. نصيحه تستخدمون لجسم شغله طبيه لان اصلا القلويات والمواد الموجوده في الشامبوهات العاديه تسبب الحساسيه وحتى تسود الجسم لانها تدخل داخل المسامات وتسبب اغماق البشره ..
طبعن انا كتبت تجربتي مو اقول روحوا غصب اشتروه واذا ماناسبكم تدعون علي
كل وحده وطبيعة شعرها ومدى قابليته .. وتحرص تختار النوع اللي يناسب شعرها يعني جاف دهني مش عارف ايش ..
وان شاء الله مع الايام ادخل واقولكم نتيجه مداومتي عليه انا استخدمته بس اسبوع بس الحمدلله مرتاحه ..
يسلمو يآؤطط
ارفعوا الموضوع لو بدعوه..