تجربتي مع ضعف المبايض

السلام عليكم ورحمة الله ..
كيفكم بنات ..؟؟
حبيت أكتب لكم تجربتي عشان تستفيدوا ..
لي سنة وسبع شهور متزوجة ...قبل يمكن 8 شهور رحت للدكتورة أبغى أنظم دورتي..
وأعطتني حبوب تنظمها .. الصراحة أخذت نصها بس وبعدين أهملتها ..
وكشفت على وقالت عندي ضعف في المبايض ..وعندي مبيض متعدد البويضات ..
يعني سبحان الله في بويضات كثيرة بس صغيرة كلها ..
قالت خذي حبوب منع حمل عشان تختفي وتعالي لي بعد شهرين أعطيك منشط ..
قلت طيب
وأخذت حبوب منع الحمل بس لمدة 15 يوم .. بعدها سافرت ونسيتها ..
لكن من بعدها دورتي انتظمت ..تقريبا .. يعني تتأخر 5 أيام بالكثير
لكن بعدها صرت استمر على البردقوش وشوية ميرمية ..وسويت لي نظام غذائي لأني نحيفة ..
والتزمت المأكولات اللي تنشط المبايض ... زي الخس الطماطم الأناناس(عصير)
وكنت أقرأ سورة البقرة .. إللي أقدر عليه .. مو كلها ..
واستغفر كثير ... تصدقت باللي قدرت عليه ..
وفي نفس الشهر اللي حملت فيه كنت مقررة أروح لداية .. لأني كنت خلاص محبطة ..وأحس أني ما بحمل بدون علاج ...لكن سبحانه قدرته فوق كل شي ..
..
أعراض حملي..
كنت أحس قبل الدورة وأيامها بصداع مستمر ..لدرجة أخذت حبتين مسكن وأنا ما أدري أني حامل
قبل الدورة بكم يوم كنت أحس بآلامها ..صدري ثقل .. وكانت تجيني حكة خفيفة فيه ..
وبعد ما مر على موعد الدورة 5 أيام سخنت .. سخونة خفيفة لكن تعبت ..واللوز ما هي راضية تروح لأني حامل ..
جاتني عصبية زيادة عن اللزوم .. وحساسية زايدة ..
وبس حللت وطلعت حامل .. ولا كنت حاطة ببالي ولا واحد بالمية اني حامل ..
أصلا حللت احتياطا بس لأني كنت باخذ أدوية السخونة ..وربي سلمني ما أخذتها..
وبس هذي قصتي ...وأتمنى من ربي أنه يثبت ,, ويتم ,,ويكون سليم معافى يارب ..
قبل أقل من أسبوعين كنت أدخل هالقسم أدور أشياء تفيدني ...الحمد لله الذي لا رب غيره ..
الحمد لله .. ربي ما عبدناك حق عبادتك وما شكرناك حق شكرك ..
دعواتكم لي ربي يثبت حملي و..لكل محرومة يارب بالذرية الصالحة ...
لا تيأسوا .. ربي سميع مجيب الدعاء .. سبحانه ..
,,