تجربتي مع مشغل بيت الاصيل في عنيزة

السلام عليكم ورحمة الله وبركاته
صراحة مدري وش اقول الى الان مصدومه من اللي صار معاي
لا تروحون له لان صاحبة المشغل مره ابد ابد
تعاملها مايشجع ابد بصراحة اللي يشوفها يقول عمرها مامسكت ريال ماسكة الدنيا بااسنانها
واهم شي بالمشاغل حتى لو شغلها توب التعامل الراقي مو زي ماشفنا للاسف
تعامل مره سوقي
همها الريال ماهمها تكسب زباين او تكون سمعة حلوة للمشغل لا همها تحط الريال في جيبها وبس
صراحة وشفنا ظلمها للعاملات حرام والله
خلاص حطينا عليها هي ومشغلها اكس
ومااتوقع بعد عاملاتها بيستمرون عندها ويصبرون ع جشعها
واتوقع قريبا راح نقرأ المشغل للتقبيل اذا هذا اسلوبها استغفر الله بس
من جد تعامل مو محترم ابد ابد
اول شي الله يسامحها تكذب عيني عينك
اول مادخلت عليها قالت سوي بروفه اذا عجبك الشغل حياك والبروفه تصير مجانيه واذا ماعجبك ادفعي قيمتها وتوكلي
ويوم جينا وسوينا وخلصنا
قالت لا ياماما انا قلت العروس مو انتي شووف الكذب عيني عينك قلت لا انتي
قلتي هالكلام قبل لااقولك ان اختي عروس
وكنت بشهد العاملات اللي كانو موجودات بس كنت مستعجله وقلت حرام اسبب لهم مشاكل
لان صاحبة المشغل بس مانسمع ع لسانها الا بخصم من راتب استغفر الله بس اول مره بحياتي يمر عليك ادرة مشغل بالسوء هذا قسم بالله تفشل
واول مره ادري ان الاداره هي اللي تحدد السعر
اكبر المشاغل فالرياض والقصيم العاملات هي اللي تحدد السعر لانها هي اللي تشتغل مو المديرة
والعروس نصبت علينا حسبي الله عليها وهي شبكة مو زواج يعني كل شي بسيط
تقول 1000 بس عشا نا بتخليها 800 ويالله قويناها 600 وكل المشاغل واكبر وافخم المشاغل سعرهم 400 500 للشبكه والزواج 1000 تحسبنا ماعمرنا دخلنا مشغل ماتدري ان كل مشاعل القصيم والرياض
ولا الله يقهر صدق يوم جت العروس تطلع ماقالت مبروك الله يوفقك
قالت هاتي قيمه بودرة الجسم
خير ان شاء الله اجل دافعين 600 على ايش صدق ان لم تستحي فأفعل ماشئت
واستشوار شعر بنت صغيرة عمرها 4 سنوات شعرها مرره قصير ومرره ناعم تقول 50
ويوم قلت للعاملات بكم قالت 20 رحت جبتها من البيت بس انصدمت يوم خلصت قالت 50
لا وبعد
تحلف بالله انها تخصم من رواتبهم قدامنا بعد --->مافي اخلاق ابد ماتحترم حتى عاملاتها تعاملها كذا قدام الزباين
وانا استشور شعرها عند 5 مشاغل في عنيزة ب 25 والاعياد 30
وامي قالت للعامله سوى لي تسريحه مره بسيطه وناعمه ب150 ريال
قالت طيب
قامت صاحبة المشغل تخصمها من راتب المسكينه تقول لا 200
العامله قالت سويت لها تسريحة ب150
قالت والله لااخصم من راتب من جد لاتعليق
وتجلس تصارخ وترفع صوتها ع امي مااحترمت سنها ولا شي لو انا موجودة كان عرفتها ان الله حق
حبيت انبهكم انتبهو ترحون لها انا حلفت رجلي ماتعتب مشغلها
لان اهم شي حسن التعامل ولاحترام والمصداقيه قبل الشغل الزين
بس ارجع واقول ان لم تستحي فأفعل ماشئت