تجون نحسب المطلقات في المنتدى

السلام عليكم ورحمة الله وبركاته
اختي الكريمة بالعكس فكرتك وايد عجبتني على الأقل الواحد ياخذ بالأسباب لطلاق ومايظلمون المرأه ، لأن المرأه المطلقة مظلومة وللاسف وصعب اي رجل يتزوجها وكأنها نحس ،، الله يسامحهم على فكرة
انا كنت مطلقة بس قبل خمس أشهر عقد قرآني والحين عروس وان شاء الله ، الله يوفق كل مطلقة لأن الرزق بيد الرزاق سبحانه وليس بيد الإنسان،،
اما سبب الطلاق ما ارتاحيت له وكنت متسرعة بقرار الزواج منه والحمدلله الله عوضني ،، وبالنسبة للفترة اللي تميت معاه انا فقط عقد قرآني ولم يخلو معاي يعين خطوبة وقعدت على ذمته 3 اشهر فقط
ومشكورة على الموضوع

أما انا فحكايتي حكاية....تزوجت بدري وعلى طول جو العيال وماكملت العشرين إلا ببنتين والثالثة ببطني وبسرعة جاء الرابع والخامس.... وفي ليلة من الليالي وأثناء الشهر الأخير بطفلي الخامس صحيت من ألم قرب الولادة إلا وأشوف الرجال يتسحب وراح للشغالة.... وما كأني شفت شئ طنشت الموضوع وتحملت كا ل الأهانات وطولة اللسان وزي ما يقول المثل رضينا بالهم والهم مارضى بينا ودارت الأيام وزودها وفي النهاية طلعني من البيت وأخذ بناتي وترك بحكم القاضي الولدين واليوم لي سبع سنوات من تطلقت والحمد لله عايشه حياتي صحيح حاسه بنقص عشان بناتي بعيدين عني ومحروقه عليهم مره ... بس مابيدي شئ غير أدعي لهم
والحمد لله لو ما كنت موظفة ما أدري كيف كان حالي؟؟؟

لايوجد مطلقات

أختي ليش تردي بصيغة الجمع ( لا يوجد مطلقات )
وكأنهم مو من البشر حرام عليك ذي النظرة
لا أظن في الموضوع إساءة لأي من عضوات الموقع بل على العكس قد يزيد من ترابطنا

انا دخلت وماابي اطلع بدون تعليق يارب (عيناك قدري) تحفظها وبناتتها وتصلح حالها.

انا الصراحه متزوجه بس دخلت ابي اشوف الموضع وبدعي لعيناك قدري يارب يصلح حالك وبناتك ابدا ابدا
ماراح ينسونك
والي تقول مافي مطلقات وين عايشه انتي ,,مادام فيه زواج اكيد فيه طلاق وانتي عارفه النسب المرتفعه
حتى بعضهم مايكملون السنه وكلها نصيب من ربنا

الله يعوضكم بالأحسن منهم يارب ويخلي لكل وحده عيالها
وصدقوني يابناات الرجال مافيهم أمان الا من رحم ربك
ودمتم بخير يا حبيباتي

انا متزوجة والله يحفظ لي زوجي وعيالي بس ما حبيت ادخل بدون كلام..
يا مطلقات الله يعوضكم عن ازواجكم باللي احسن منهم والله ان الرجال هم اللي خسرانين..وبالعكس الاحترام للجميع المطلقات والمتزوجات والكل ما احد يقول انهم مو بشر..

انا متزوجه بس حبيت ادخل وادعي لكل المطلقات
الله يعوضكم بأحسن منهم يارب
ويخلي لك بناتك ويحفظهم لك ياعيناك قدري