تحت عيونك فيه سواد و تحطين كونسلر و اساس وبودرة و بعد يبين دشي اعلمك خدعة

السلام عليكم
شلونكم بنات شخباركم ,, بنات ساعات في ايام تقومون للدوام وانتوا كنتوا سهرانين الليلة الفايتة
و لما تحطون مكياج تحت هالعيون التعبانة يبين السواد و الانتفاخ ,, وساعات تحطين كونسيلر
و اساس و فوقها بودرة و هم يبين
ف قلت ليش ما نحط شدو أصفر ,, ادري تستغربون ,, بس خل اقولكم على شغلة
الحين كونسيلر ماك ليش لونه مايل على الصفار ؟
لانه اللون الاصفر يخفي السواد
فأنا جربت الطريقة حطيت شدو اصفر تحت العيون و النتيجة
المنطقه صار لونها موحد بعد ماكان فيه سواد خفيف ,, بنات الطريقة سهلة و انتوا جربوها بس حطوا شوي شوي كل ما
تبين تخفين السواد حطي شوي اكثر عشان لا ما يصير وايد و يبين
واحلى شي لما توزعين الشدو بالفرشاة عشان ما يتركز اللون بمكان ولا يخترب مكياجج
ادري موضوعي بسيط بس قلت خل افيدكم ويا بنات اذا عجبكم الموضوع ادعولي