تحذير جديد وخطير يا عروسات ويا بنات الشرقية احذروا احذروا 2

1. وانتوا لا تقبلون لا تقبلون بأي عذر او اي حجة مهما كانت


2. هذا حقنا وما نبي احد يستغفلنا

السلام عليكم ورحمة الله وبركاته
مبارك عليكم الشهر وعساكم من عواده
طبعآ كلكم تعرفون موضوعي الشهير اللي كتبته
http://alfrasha.maktoob.com/alfrasha124/thread1492107/
امس الفجر كلمتني وحدة على برنامج الواتساب ومادري كيف حصلت رقمي والرقم طلع بإسم وهمي لكن مرجعه لمدينة الخبر في الشرقية ، واضح انها كانت جدا مهتمة بموضوعي اللي فوق لان فاقت زياراته الآلاف بحمد الله
برفع لكم كلامها معي على الواتساب وانتوا احكموا بنفسكم
تقول البنات ما همهم وين تتحمض الصور ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا اليوم اشدد اشدد انكم تنتبهون من المراكز الكبيرة تحديدا اللي عندنا في مدينة الدمام والخبر لان بحثي كان حولها واكرر (المراكز الكبيرة في الدمام والخبر )
واشدد اكثر انكم لازم تطلبون بشكل صارم انكم تشوفون صور البوماتكم الحرارية والمجلات ( تحديدا ) وهي تنطبع على شوف عيونكم ، لا يصيبكم المل او الزهق او التعب ولا تنحرجين ولا شي
واول ما يقولون لكم منوع فورا فورا اتركوا الاستديو و ودوروا غيره على طول بدون نقاش
لايقولون ممنوع ولا يقولون هاذي سياسة عمل ا مايصير او خصوصية ( هاذي صور زواجي ماهي حق غيري) ولا يقولون اي حجة لا تقولين استديو معروف ولا ذي الخرابيط واصلا المصايب ماتجي الا منهم

وانتوا لا تقبلون لا تقبلون بأي عذر او اي حجة مهما كانت

هذا حقنا وما نبي احد يستغفلنا

اللي تقول جيبي ميموري وخل المصورة تصورك وتسلمك قبل لا تمشي ، انا صديقتي قبل شهر طلبت من استديو هذا الشي .. فوتو وفيديو ، قالوا لها لازم تجي تستلمينهم من المركز بعد ماننزلهم لك في سيدي !! ردت عليها: يا اختي انا ودي استلمهم وزوجي محرص قبل ما تتحركون وتطلعون من عندي ابي استلمهم وزيدوا سعر الذاكرات على المبلغ ! تقول لها لا منوع !!!!!!!! ايش رايكم ؟؟؟؟؟؟؟؟؟؟
قبل فترة وحدة كتبت مقال في جريدة تقول : ( لازم ماتوثقون بالمصورات اللي مالهم مراكز ، يا وزارة الداخلية وبمساعدة الهيئة لازم تساعدونا احنا اصحاب المراكز اننا نحصل على ثقة السعوديات .. لان غير السعوديات من عمالة اسيوية وغيرها يسربون الصور ) !!!!!!!!!! في حين انها لم تذكر اي شي عن اماكن الطباعة !!
وانا اختكم سارة بحثت خلف هاذي الصحفية ما حصلت لها اي وجود لاسمها
وماحصلت لها الا هذا الموضوع المكتوب في الجريدة ، و هذا المقال ماهو موجود مثل كل مقالات الجريدة الكترونيا !!!! وراسلت للجريدة استفسر عن الكاتبة من شهرين الى الان اكثر من 13 ايميل ولا ردوا خير شر !!!!
واضح انها صاحبة استديو في مدينة الاحساء
انا اتعب علشانكم لانكم خواتي ، وانا ابذل طاقة كبيرة لكم في سبيل الله وكلامي سأحاسب عليه يوم القيامة
وبإذن الله لن اقول الاالحق ولن اقف الا في وجه الباطل وببقى اتابع هذا الموضوع الى اخر يوم في عمري للني احب التصوير في كل مناسبة ولاني احب نفسي وابي استرها
واللي ما قرات موضوعي الاول الرجاء تقرأه
واللي تبي تعرف الاسماء برسل لها خاص
اذن الخطوات الصحيحة :
1- تطلبين من الاستديو ان طباعة البومك عادي او حراري تحضرينه بشكل شخصي واذا قالوا ممنوع تتركين المكان وتطلعين
2- تطلبين انك تشوفين الذاكرة او الاشرطة اللي يسجلون عليها يوم زواجك وهم في الزواج عندك
3- تتاكدين انهم بيسلمونك النسخ الاصلية بدون اي مبلغ اضافي
4- تكتبين في العقد انك لازم تحضرين الطباعة وتحطي تحتها خطين
الله يحفظكم ويحفظنا