تخبلت وتجننت وساعدوني

لو يكون الشئ اسلامي ..
ويزاكم الله كل خير

هلا والله والله يوفقها ان شاء الله
حبيبتي انا زواجي بالصيف ان شاء الله ومن الحين بدايه استعد للحفله في وحده خطيره جدا جدا عندها افكار رهيبه بالرياض بس اسعاره شوي غاليه لانها تساعد من قلبها اذا تبغي ارسل لك القم على الخاص

الاخت نوره يا ريت ترسليلي الرقم علي الخاص حتي انا زواجي بعد كم شهر ومشكوره

حبيبتي نوره
انا زواجي في الصيفيه الجايه ياليت ترسلين لي رقم لي ع الخاص عشان استفيد
والله يوفقك ياربي

السلام عليكم روحمة الله و بركاته
غاليتي انا جبت لج مجموعة من الاشياء الي ممكن تفيد صديقتج
أولا: افكار لبطاقات العرس:
** كيس ا لورد المجفف **
كيس صغير بحجم (كف اليد ) من التل أو الأورجنزا ، بداخلة وردد مجفف
معطر ، وشرائط من الساتان أو الأورجنزا ، والألوان مايناسبك .
أقترح عليك:: ( الكيس أرجنزا عنابي ) والشرائط ( تركواز أو كموني)
. ( الكيس سكري ) والشرائط ( ذهبي أو عنابي ).
وتثبت البطاقة بالشرائط عند لفها على الكيس ....يكون لونها مناسب .
وهذي الصورة قريبة من الوصف .....
** بطاقة اللوح البلاستيكي **
تكون الدعوة مكتوبة على قطعة بحجم ( كف اليد ) من اللوح البلاستيكي
أو الزجاج ....لكن الزجاجي مكلف ، وتوضع داخل ظرف مقوى وعليه
إسمك وإسم عريسك .
أقترح عليك :: ( اللوح طبعاً شفاف اللون ) والكتابة ( الذهبي ) والظرف
( بيج غامق ، كحلي ) .
** بطاقة المخطوطة **
تكتب الدعوة على قطعة من الجلد ( إما صناعي أو طبيعي ) ويثبت في
أعلاها عصى صغيرة في طرفها ريشة ، وتلف بشكل إسطواني ، وتوضع
داخل علبة على شكل مستطيل صغيره وتربط بشريطة من الساتان.
أقترح عليك :: الجلد ( بني ) والكتاب ( الذهبي) والعلبة ( بني)
والشرائط ( بيج فاتح ) .
** بطاقة الورد **
تكون البطاقة على شكل ملف صغير يفتح وفي داخلة الدعوة وعلى
البطاقة من الخارج ورد صناعي مثبت بشكل جميل على أحد الزوايا.
أقترح عليك :: البطاقة( كحلي ) والورد ( ذهبي ، أصفر ، بيج ) .
مثل هذه الصورة تقريبا ً ......لكن مع تنسيق أفضل على طرف البطاقة.
ثانيا: الزفات الاسلامية: (ماعليك الا الضغط على الرابط و تتنزل عندج الزفة)
http://www.a7lalailah.com/s/islamic/dofof_islamy.mp3
http://www.a7lalailah.com/s/islamic/...h3r_dofoof.mp3
http://www.a7lalailah.com/s/islamic/islami_2.mp3
http://www.a7lalailah.com/s/islamic/new/6.mp3
http://www.a7lalailah.com/m4/2.mp3
http://www.a7lalailah.com/m4/1.mp3
ثالثا: كوشات الفرح:
ونصيحة اخيرة، حبيبتي احلا شي في العرس انه يكون كل شي في العرس يتناسب ويا بعض
يعني الكوشة و الزفة يتناسب مع مكياج و فستان العروس و حتى البطاقات
وان شاء الله تنال هذه المشاركة على اعجابك
وادعولي بالزوج الصالح

شكرا جزيلا يا رمش الغلا ..
أسأل الله لك التوفيق فقد اسعدني ردك وافكارك التي استفدت منها كثيرا ........
وسال الله لك الزوج الصالح وباسرع وقت..

العفو غاليتي القاسمية
لا شكر على واجب
اذا حابه اساعدج في اي شي ثاني انا حاضرة

بس عاد تعبتج وايد
الله لا يحرمني من خيرج