تخلصي من تساقط الشعر إلى الابد أنا عندي الحل دخول

تخلصي من تساقط الشعر إلى الابد ؟؟؟؟؟ أنا عندي الحل ؟؟؟ دخول
بسم الله الرحمن الرحيم
السلام عليكم ورحمة الله وبركاته
أنا مثل ما استفدت حبيت افيد أنا شعري طويل ويتساقط وايد .... عرفت وحده ما شاءالله عليها شعرها غليظ سالتها شو تستعملين حق شعرك ... قالت لي تستخدم زيت الزيتون ... تحطه في راسه لمدة نص ساعة إلى ساعة ..
بس على فكرة أنا صرت أستخدم الزيت الزيتون والحمد لله صار شعري ما يتساقط بس شعرتين
( بس على فكرة أنا استخدم الزيت الزيتون الاصلي الطبيعي الطازج إلي يكون من سوريا لانه يكون مفيد وايد إما الزيت الزيتون إلي بالاسواق أنا ما اعرف عنه إذا كان مفيد للشعر وإلا لا ؟؟؟!!!
يا بنات ملاحظة (( أول أسبوعين راح يتساقط شعرك مثل أول ولكن بعد فترة لا تكثر عن شهر راح تحسون بالفرق )) .
وأنا الحمد لله صرت مستخدمتنه ثلاث شهور لحد اليوم وصار شعري أحسن من قبل وايد
يا بنات لازم تتبعون هذا الجدول في استخدام الزيت لشعركم
يوم السبت .... استخدمي الزيت
يوم الاحد .... لا تستخدمين الزيت
يوم الاثنين .... استخدمي الزيت
يوم الثلاثاء .... لا تستخدمين الزين
يوم الاربعاء .... استخدمي الزيت
يوم الخميس ..... لا تستخدمين الزيت
يوم الجمعة .... استخدمي الزيت
(( وعلى فكرة لازم يغسل الشعر كل يومين مره وحدة عشان تخف القشرة من الشعر ))
(( إنشاءالله مثل ما استفدنا نفيدكم ))