تسريحات دلع وبسيطة تغنيك عن الكوفيرات ودفع الفلوس

1. الطريقة الأولى

سلام حبيباتي
في كل مناسبة او عزيمة او سمرة او جمعة عادية حتى لازم ابدع بشعري لانة بصراحة اساس الكشخة..صح او لا؟؟؟.......... لا حظوا اللي دايم شعرها مرتب ماودك تبعدين عيونك عنها ,,
المهم انا عندي طرق كثي ي يرة لتزيين الشعر شي اخذتة من البنات بالجامعة وشي من قريباتي وشي من المجلات وشي من النت.......الخ.
و اليوم بقول لكم على حركة خطيرة للشعر .. بس بشرط جربوها وردوا علية بكرة اوبعدة بالكثير
وعلى حسب ردودكم وتفاعلكم انزل حركات ثانية احلى واحلى.. موافقين؟؟ لانو بصراحة ما يشجعون البنات..

الطريقة الأولى

( استشوري شعرك استشوار جامد" يعني ما تمررين الاستشوار علية تنفشينة وبس" لا استشورية كويس...ثم حددي كيف تبغين شكل الغرة(القُصة) يعني يا تفرقين لليسار او اليمين او من الوسط أو اذا ودك ترفعين شي بسيط منها على شكل بف وتثبتينها بالبنس وبعد ما تخلصين من الغرة....خذي خصلة صغيرة ابتداء من اخر الراس لقدام وحطي بوسطها شوي (بلسم) <<< بالوسط اقصد لا تحطين لا جهة الفروة ولا باطراف الخصلة بس ادهني وسطها.. ثم لفيها ببنس شعر من تحت لفوق (لبرى مو لجوى).. وكملي باقي شعرك بس حاولي تكون الخصل كثيرة عشان يصير الشكل احلى.. واتركيها كم ساعة و قبل ما تمشين للعزيمة فكي البنس بهدوء)
جربيها وخلي الكسل عنك وردي لا تنسين وابشرو بحركات ثانية سهههلة وخطيرة