تشقير الحواجب

السلام عليكم
لقيت هذا المضوع -عن تشقير الحواجب الي تعبني- ونقلته لكم
بصراحه الموضوع مره عجبني وان شاء الله اجرب هذي الطريقه
والي عندها طرق ثانيه ياليت تفيدنا بعد
مساء الخيرات .. يااحلى بنوتات في المنتدى
هذي أول مشاركة لي بالمنتدى..واتمنى تقبلوني صديقة لكم
كثير بيسألوني عن حواجبي ... والكل بيحسب اني بشيلها ...
ودايم سؤالهم يتكرر فين عملتيها ,,, وعند مين ... وفي اي صالون....
ويوم اقولهم انا,,, ما احد يصدقني....
بعلمكم اليوم طريقة التشقير خطوة خطوة على طريقة (( سلهمة))
نحضر مايلي:
بودرة تشقير بلوندر من ويلا // اوكسجين الاعشاب من ويلا 20% // صبغة لون بني غامق او اسود
وصبغة لون اشقر رمادي مطفي // فازلين // صحنين بلاستيك صغير للخلط // فرشاة صغيرة //
اعواد اسنان // كريم ضد الحساسية
طريقة التشقير :
اولا : ادهني المنطقة المحيطة بالحواجب بالفازلين
ثانيا: ارسمي الشكل الي تبغيه لحواجبك بقلم الحواجب بافتراض هذي هي الرسمة اللي تبغيها
ثالثا:اخلطي بودرة التشقير مع الاكسجين بحيث يكون الخليط كريمي الشكل وكمان اخطلي نسبة بسيطة من الصبغة البني او الاسود مع الاكسجين بنفس الطريقة وكل خلطة في صحن بلاستك
رابعا : باستخدام الفرشاة او ريشة صغيرة ,,, حاولي انك تشقري المنطقة المحيطة بالرسمة اللي انتي رسمتيها لحواجبك واذا طلع اونزل التشقير حاولي انك تعدليه باعواد الأسنان ... خذي وقتك وعلى اقل من مهلك ... اهم شي تطلع الرسمة اللي في بالك ..
خامسا : لمن تتأكدي من الشكل المطلوب .. الحين جا وقت التعبئة ,, وهي انك تعبي المنطقة الداخلية ((اللي انتي رسمتيها بالصبغة المعدة مسبقا.. وباستخدام عود الاسنان))
وخليها تتشقر لمدة بين 20 دقيقة للحواجب الخفيفة الي30 دقيقة للحواجب السميكة
سادسا : بعد انتهاء المدة لازم ((تشيكي )) على التشقير باستخدام الريشة.. يعني لازم يصير لون الحواجب اشقر ومائل للبياض
وبعدين اغسلية زين.. والحين جاء دور المطفي
نستخدم (( المطفي علشان نطفي اللون الاشقر اللي يطلع بعد التشقير )) وطبعا هو اللي يخلي اللي يشوفك يشك انك شايلة حواجك وهو عبارة عن لون صبغة اشقر رمادي مطفي ,,.
بعد ما نغسل الحواجب .. خذي نقطة من الصبغة على طرف اصبعك وامسحي فيه مكان التشقير بسرعة البرق وعلى طول اغسليه ... (( لو طولتي عليه بيصير لونه رمادي غامق وكانك يابو زيد ما غزيت))
وبعدين نشفيه وحطي كريم الحساسية للاحتياط علشان مايتحسس