تطلقت وبدون سبب وكنت ادعي وربي تعالو شوفو

السلام عليكم
موضوع قصير وبختصره قد مااقدر لاني مشغوله وبطلع
بس ابي افهمكم يااخواتي
الظلم من ظلمات يوم القيامه
والمظلوم الله بينصره لو بعد حين
سبحان الله
انا تزوجت وماجلست عند زوجي غير شهرين وزياده هو مسكني عند اهله
وكان في شهر العسل طاير فيني بينهبل مستانس مني بقوه
بس يوم وصلنا لديرتنا وبحكم اني ساكنه عند اهله وامه
فااوالله كل مايدور كان يقول لها وكانت هي تحرشه وتحرضه علي
تخيلو لين خلته يكرهني وصار يتكلم نفس كلامها
لما اتعب يروح يقولها وتقوله تتدلع عليك لا تعطيها وجه
لما بروح لاهلي تقوله خلها مره بالاسبوع
ومره كنت بنام عندهم وارجع من بكرا وهو وافق ولاكن هي قالت لا وبعدين هو قالي (لا)
والاحظه مره مع مره تغير مو ذاك الادمي على انو ربي يعوضني بس شهرين جلست عنده بس بشهر العسل كلامه ومعاملته ونظراته لي غير
والله انه ينزل لهاا يقعد بالساعات الله واعلم ايش كانت تقول له
على انو عارفه هي سبب الي صار طبعا مو في طلاقي لا هي سبب جعلته يكرهني ويفكرني اني امراه دلوعه ومسرفه ووقحه وكثيره طلبات وطويله لسان بنظرها لانه يحكي لها كل شي وهي كانت تملى راسه علي
وتقوله المراه ماتسوي كذا وماتسوي كذا والمفروض ماتطلبك فلوس كيف ماطلبه وهو زوجي
وحتى هو قام يتكلم كلامها
المهم يابنات
تطلقت وهي كانت سبب كرهه لي وليس بطلاقي هي شافته طيب جدا فخافت اني اغيره عليها او احطه في جيبي واخليه خاتم في اصبعي
ولاكن شي اكيد ماتبغى ولدها يتطلق بس كان تبغاه يعاملني معامله شينه ولا يسمعني ولا يطلعني ولا يعطيني
المهم
اني تطلقت ومدري الى الان ماارسل الورقه ولاكن كل شي انتهى
والي بقوله
يابنات انا فرشت سجادتي بالثلث الاخر من الليل وقلت يااربي انت اعلم من الي فرق بيني وبينه يارب ورني بالي فرق بيني وبين زوجي عجائب قدرتك
والله يابنات لما صحيت من باكر وصلني خبر بحكم انهم يصيرون لنا فا وصلتني اخبارهم
وصلني خبر ان رجلها منكسره كسر مو طبيعي وتحس بعوار شديد وغير اكتشفو فيها فشل كلوي وهي كاانت تتمتع بصحه جيده ولاكن فجئه
سبحان الله دعوه المظلوم
والله ماقصدت بها اذى ولاكن احس قلبي الي يدعي مو لساني
لاني فعلن انظلمت وش ذنبي بالي صار
حسبي الله ونعم الوكيل هاذا الي اقول
اتقو دعوه المظلوم فان ليس بينها وبين الله حجاب
انا مو مستانسه بالي صار لها ابد ؟؟؟ ولاكن اول كنت شاكه فيها وتاكدت
وعساها من الحاله ذي واردا
مثل ماحرقت قلبي ان ربي يوريني فيها يوم
وخلته يكرهني وانا على نياتي وصغيره ياليت قدرت سني بس وعاملتني مثل بنتها لاني كبر بنتها بالضبط
وماترضى على بنتها يسوي فيها زوجها مثل مايسوي ولدها فيني
ولاكن شقول
للحين احس قلبي نار ماراح تنطفي