تعالوا يافراشات عندي لكم حاجه تنقص الوزن وفي نفس الوقت ماتشعري بآلام الدورة

1. مرحبابكم يافراشات ......


2. كيفكم ياحلوين ..


3. تشربيه على الريق وقبل ماتنامي ..

مرحبابكم يافراشات ......

كيفكم ياحلوين ..

بنات والله العظيم اني يابنات مجربتها بنفسي...وشربتها عشان أنحف فجأة اكتشف انه آلام المغص الدورة ماحسيت فيها ....استغربت ايش السبب ...فعرفت انه من اللي شربته ..وبالفعل شربته من شهر رمضان نقص وزني 5 كيلوا وشربته بعد العيد كمان ولحد دحين نقص وزني 21 كيلوا ...وباقي 4 كيلوا اوصل للوزن المطلوب ....
ياحبيباتي اللي شربته مغلى البقدونس .....
كل صباح وعلى الريق أخد نصف حزمة بقدونس واغسلها واقطعها صغير مرة مو فرم تقطعيها بالسكين ..بعدين تحطيها بكوب شاي وتصبي عليها ماء حار وتغطيها لمدة ربع ساعه نص ساعه وتصفيها وتشريها وهي دافئة ....
بس اول مرة حتحسي بغثيان بعدين عادي ..
انا أشربها اقفل خشمي (أنفي) واشربها ...
بس والله صرت ملتزمة عليها قبل الدورة بأسبوع وأنا أشربها كل شهر ...وانا كان يغمى علي من آلام الدورة ....وتلبسني مامتي والله اموت من الالم........بس من يوم صرت اشربوا وانا مايجي الم في بطني ..

تشربيه على الريق وقبل ماتنامي ..

حتى اكبر دليل انه انا من الاسبوع الماضي وانا أشرب فيه ..وكنت نايمه يوم الاربعاء في العصر وصحيت الله يكرمكم ورحت الحمام اقول ايش هدا الدم مو معقوله تكون الدورة لسه باقي كم يوم عنها ..وجلست أفكر اكيد طحت اكيد فيا حاجه بعدين اكتشفت انها الدورة بس كنت متلخبطه في التاريخ ......وبدون الم ..
طولت عليكم بس حبيت اوضح لكم الهرجه من طقطق الى السلام عليكم ........
جربوها وحتشوفوا ........