تعالوا يا متزوجات سؤال مهم

والله ياأختي حالي قريب من حالك الله المستعان خصوصا مع البيبي الجديد مشغلني مرة أتمنى يفيدونا الأخوات الكريمات

اهم شي تكونين نظيفه متسبحه وحاطه لوشن
والله يوفقك يالغلا

حسب مودي

ع حسب مزاجي بس لازم من النظافة واحط لوشن بريحه هذا اساسي عندي

انا عن نفسي احب اكون مرتبه لازم على الاقل مكياج خفيف ولازم استشور شعري والعطر كل شوي بس مودايم البس قمصان نوم احيانا بيجايم بيت

بالعكس بعد الدوش لازم مع روب النوم استشوار ومكياج ناعم واحلا عطر علشان الوحده تكون زينتها كامله وبقمة الإغراء لأنه لاحظي عزيزتي لو لبستي روب النوم بدون ماتحطين مكياج وتستشورين بصراحه بتلاحظين فرق كبيربمظهرك مهما كان والوحده تتغلب على الكسل وتظغط على نفسها موظروري كل يوم لكن تتعود تكون بكامل زينتها قدام زوجها

اهم شي والله نظافة الجسم والنعومة تراها اهم حتى من ريحة العطور
المهم انة مايشم منك الاريحة طيبة وهادية خصوصاً قبل النوم لاتحطين عطوور قوي لانة مو وقتة حطي عطور خفيفة
اتمنى افدتك

لالالا قلبو غلطانة بس تلبسين و الباقي تخلينه.. اساسا زوجج ماراح يهتم بالي لابسته اهم شي انتي..
شوفي عمري انا عن نفسي لما عارفة اني على طول راح انام البس بيجاما نعومة حتى لو قطن موب لازم اغراء و اثارة و شعري ماعرف انام و هو مربوط فلازم افتحه.. و اكون ماخذه شاور و حاطة لوشن فريحتي تكون حلوة موب لازم عطر
ولو عارفة راح يصير شي البس شغلات تغري و شعري لو كشة استشوره او اكويه على خفيف ((بس موب اغسله من جديد و استشوره كاني رايحة عرس و هو اصلا بينغسل مرة ثانية بعد ساعة ولا ساعتين خ مايسوى)) يعني بس شوي ارتبه.. و لازم اللوشن انا عندي اهم من العطر لان الريحة تكون في كل مكان و المسك طبعا و العطر.. مكياج موب لازم اصلا زوجي مايحبه يقول حرام عليج تسمميني.. بس الماسكارا ضرورية و بعد مورد الشفايف و الخدود من بودي شوب ((ههه ذيلين مايدري فيهم على باله شكلي الطبيعي))
اما اكسسوارات الجسم و الشعر مستحيل احط.. لان عادي تتقطع و تتكسر خ و اخسرها
بس اهم شي مايكون في تكلف و مبالغة و بنفس الوقت ماتهملين نفسج
بس الريحة اهم شي تدوخ حتى لو ماكنتي كاشخة

اختي حالتي مثل حالتك لاني برضو مشغولة مع البيبي الجديد بس برضو البس قصير واحيانا افرد شعري واحيانا لا ... واتعطر طبعا بس مكياج مو كثير لانه زوجي يحبني بدون مكياج