تعبت وتعبت زوجي معي

بنات بقول لكم مشكلتي بس أتمنى من أي وحده بترد علي تخلي نفسها مكاني الله لا يحطكم بموقفي............ تزوجت المره الأولى وعمري 17سنه وجلست مع زوجي 8شهور وتطلقت بسبب ضعف شخصيته وتدخلات أمه في كل تفاصيل حياتنا وكثرة المشاكل وعدم حبي له وجلست 7سنوات تقدم لي فيها الكثيرمنهم المتزوج والأعزب والله كتب لي أوافق على زوجي الحالي وكان عمره34 سنه وعنده 4 أولاد و؟أنا وافقت عليه بعد ماسمعت إنه بيطلقها لأني ماأبي مشاكل المهم تزوجت منه وتفاجأت إن الحياه صعبه جدآ بحكم إني جلست عند أهلي عشان وظيفتي وهو مع زوجته وعياله وكان مقصر معي في المكالمات والجيات والهدايا بماإني توني عروس وكانت الصدمه الأولى لي إنه بعد شهر ونصف راح هو وزوجته العمره وماعلمني ودريت من الناس وحاول يخبي علي بس الله كشفه لي ويوم قلت له قال بوديك بعدين وكان يشتري لها الهدايا ويقول لي أنتي بعدين والله يابنات كان ياخذ بطاقتي ويشتري لعياله ويقول برجع لك الفلوس بعدين والى اليوم ماشفتها وكنت أعاتبه بهدوء وكان معجب بشخصيتي جدا جدا وكان يذم في زوجته عندي مع العلم إنها أكبر منه ب10 سنوات وكانت بشهادة الجميع ماتحترمه وترفع صوتها عليه وعلى أهله وكانت مشاكلهم كثيره وأحيانا توصل السالفه بينهم للضرب وهو طلقها مرتين والثالثه رجعت له بعدشهرين لأن الشيخ حللها له وكان يقول أنا صابر عليهاعشان عيالي المهم الصدمه الثانيه سافروا مدينه ثانيه ومادريت إلا من ولده والولد قالها عن حسن نيه وهو ماتوقع إني باعرف وسألته قال لي إن شاء الله بوديك المهم أنا نقلت وصرت عنده وكانت حياتنا مشاكل في مشاكل لدرجة إني طلبت الطلاق لأنه كان غير عادل بيني وبين زوجته وبين عيالي وعيالها والكل يشهد على الشي هذا ومن الأمور اللي خلته يطيح من عيني إن زوجته تكلمت في عرضي وقذفتني في شرفي والله يشهد إني بريئه مما قالته وماحرك ساكن إلين قلت له أنابشكيها لأنها قذفتني قال لي أنا باخذ لك حقك منها وإلى اليوم ماشفته أخذ لا حق ولا باطل وللأمانه وداني عمره ووداني سفره ثانيه لأنه وداها وطبعا هذا بإلحاح مني المهم في السنه الثالثه من زواجنا أكتشفت إنه يشوف أفلام إباحيه وكسرت الرسيفر وناقشته وانحرج لأنه كان مستغبيني وفباله إني ما أفهم شي وبعدها اكتشفت إنه يكلم بنات من جواله ومن تليفون بيتي وكشفته الفاتوره واللي موتني قهر إنه يكلمها بالساعتين وأنا أتمناه يكلم ربع ساعه مايكلم وكان يراسلها بالشات في قناه فضائيه ويسجل قصايده ورسايله معها بالفيديو ولقيت الشريط واحتفظت فيه وبرسايل بخط يده لوحده المهم حلف لي إن ينهي علاقته معها ومن غبائي صدقته والسالفه هذي قبل4سنوات وخلال هالفتره اكتشفت إنه متزوج مسيار وبعدها إكتشفت إنه لازال على علاقه بالبنت اللي كان يكلمها أول بس اللي ذبحني إنها متزوجه والرسايل بينهم كلها جنس وقلة حياء وكانت تسأله متي يجامعني وهو يعلمها بالطريقه وبكل وقاحه ومن بعدها وانا إحس إنه قتل فيني كل شي حلو وإن الثقه فيه انعدمت للأبد مع إنه حلف لي ووعد ني إن كل شي بيتغير بس خلاص الشك دمرني ودمر حياتنا الزوجيه للأبد والمشكله الأخيره الي حصلت بيننا نتيجة الشك وقلت له خلاص أنا بجلس في بيتك مربيه لعيالي وانت ماعاد لك حقوق ولا أنا لي حقوق وروح لزوجتك لأني والله تعبت منه ومن مشاكله واستهتاره لأن أشتغلت فيه عن صلاتي وعبادة ربي والله إني أعيد صلاتي أكثرمن مره لأن بالي مشغول فيه وفمشاكلنا وما ادري وش قلت في صلاتي ويعلم الله إن فيه أشياء كثيره ما قلتها لأن لو بتكلم ماتكفيني مجلدات واليوم كتبت مشكلتي أبيكم تقولون لي رايكم ووش تشورون علي به لأني تعبت وأتعبته من كثر التحقيقات وتفتيش الجوال والمشاكل................سبحانك اللهم وبحمدك أشهد أن لا إله إلا أنت أستغفرك وأتوب إليك.
ودمتم