تغيير بسيط يعني لنا الكثير

1. ليس الموضوع فقط بالمنهاج ...


2. الموضوع هو عده امور متفرقه ..


3. وفي المدرسه مافي من جنسيتنا غير 6بنات كبار...؟

السلام عليكم ورحمه الله وبركاته
الى كل ام مثقفه او مدرسه
الرجاء المشاركه وابداء الرأي وطرح الافكار
متغربه هنا في السعوديه وادرس بناتي منهاج غريب علي بكل شي

ليس الموضوع فقط بالمنهاج ...

الموضوع هو عده امور متفرقه ..

مثلا... لم يشاء الله ان اتعرف على ناس سعوديين لسوء حظي ولا احتكيت فيهم غير في المستشفيات والاسواق عندما ادخلت ابنتي للمدرسه كان مشكلتها هو عدم فهم اللهجه السعوديه اطلاقا مما جعلها منعزله وغير مشاركه ستقولون مو مشكلتنا مشكلتك؟؟ طيب هيه مشكلتي ومشكله الاف المغتربين هنا بس معليش نحنا بحاجه الى صبر المدرسات على بناتنا والتفهم لهل النقطه محتاجين مدرسه تعطف على البنت الاجنبيه وتحب على راسها عشان تتونس وتفهم انهم مش اغراب بلهجتهم هم لطيفين ومابيخوفو المدارس الخاصه مو كلنا منقدر ندخلهم خاص ؟؟ او حتى روضه..
كنت كل ماازور الفصل وأسأل عن بنتي تقلي المعلمه بنتك ايش فيها لاتشارك ولا ترفع يدها ولا تتكلم وبصراحه مستواها تحت ومحتاجه اهتمام منكم في البيت و؟؟؟ طيب معقوله بنتي نور عيني ومااهتم فيها وخاصه اني فرحانه فيها اول سنه بشوفها طالبه ؟؟ قلتلها ان شاء الله وبحكم اني امراه خجوله ماطلع معاي غير اني اكتب رساله للأبله بعد فتره اطلب فيها اانها تهتم شوي ببنتي وتخليها تشارك باسلوب ولسان حلو وتتقرب منها لانها خايفه والله كانت بنتي تجي تبكي ان ابلتها ماعطتها صوره بكراستها ولا هديه وعطت باقي البنات وانتو بتعرفو حساسيه الطفل بهل السن وباول سنه اروح بنفسي واشتريلها اجمل الصور والهدايا واخبيهم عندي وكل مالقيتها مستجيبه الصق واهديها واقلها صورك احلى مانبغى صور الابله خليهم للبنات حرام
بنتي في البيت ممتازه وتحفظ ماشاء الله تبارك الله بسرعه بس مشكلتها عدم فهم كلام الابلات والطالبات حتى لو قالولها اجلسي تفضل واقفه لانها مابتعرف معنى اجلسي يصرخو فيهاويجلسوها غصب..وتجي تبكي

وفي المدرسه مافي من جنسيتنا غير 6بنات كبار...؟

طيب والله العظيم انه بناتي في البيت ماشاء الله حفظهن رائع وانا اتابع تفاصيل كل امورهم بنتي صارت صف تالت ومازالت بعض المعلمات بهل الاسلوب معاهامن يومين بس رحت المدرسه قال عشانها هادئه حطتها مع مشاغبات؟؟ والمشاغبات صارو يشتتو انتباه بنتي؟؟؟ ليه في احد يكره الطفل الهادىء؟؟وقلتلها ليش ماتكتبي لي انها لم تتقن في الماده في دفتر واجباتها عشان اشد عليها قالت مابتكتبلي عشان المشرفات مايشوفو ويعرفو انها مقصره ويضغطو عليها؟؟؟؟ مافهمت بصراحه ياريت تفهموني هل النقطه المشرفات يضغطو على بنتي ؟؟ ولا عل الابله؟؟؟
المهم الحمد لله على كل حال تعلمت ومشيت معاهم لكن المعامله التمييزيه مازالت على انها طالبه اجنبيه ..
لااظلم الجميع انا اتكلم عن فئه قليله من المعلمات الله يجزيهم الخير اخلاقهم رائعه بجد ويعجبني كلامهم العسل وذكر الله مايفارق لسانهم بجد والله بحبهم من قلبي
االواجبات ؟؟تجي مو عارفه شو عندها عشانها مابتفهم طلبات وكلام الابله والابله مع الوقت صارت ماتكتب بدفتر الواجبات غيرالملاحظات طيب انا من وين اعرف شو الدروس وايش الواجب المقرر عليها ؟ بتقلولي عادي افتحي الكتاب وشوفي طيب انا مابعرف شو طلباتهم بالظبط حتى تدريسهم غير يلي انا درسته..وعندنا شيء ثاني بصراحه مابيعطو درس جديد الا لما يتأكدو بان الدرس الاول انفهم وانختم من الجميع مع عمل مذاكرات عل السبوره وبالاوراق واسئله فجائيه وتمارين وبعدها ننتقل لدرس اخر هنا غريب كل يوم حرف كل يوم درس كل يوم املاء طيب بس تاكدو اخر الاسبوع انه الاحرف ال4او ال3 اترسخو في ذهن الطالب منهاج صف الاول كله حفظ يجي الطفل من دخلته البيت ياكل وعلى الدراسه ليين وقت النوم.. رياضيات حل تمارين القراءه تدريب <املاء يومي>حفظ القران حفظ الفقه او التوحيد حفظ العلوم نشيد صف اول اسبوعين دوام لسا و تاخذ املاء ثلاث كلمات .. زرافه ودب وزرع ؟؟ طيب لسا ماوصلنا لحرف العين والتاء المربوطه ولا تعلم الطفل توصيل الكلمه؟؟ طيب اعملو املاء بالاحرف اول سطر احرف ؟؟ونعلم الطفل توصيل الاحرف بحكايه كانو عندنا في المدرسه يحكولنا حكايه عن مثلا حرف الباء انه طلع شجره وكسر ايديه وصار بوسط الكلمه ولما تحسنت صحته صار بيد وحده باول الكلمه وكذا الطفل يلخبط بين الدال والذال والاحرف المتشابهه حرام بجد ضغطنا على ولادنا باول سنه لدرجه الضرب ومع هيك الملاحظات من الابله الرجاء الاهتمام المتابعه لم تحفظ النشيد القران ال... طيب ارحموه الطفل وعطوه مهله يوم ثاني يحفظ كان اكره يوم عندي يوم السبت تجي بنتي كل كتبها فيهم واجبات وحفظ طيب قسمو الجدول بشكل يكون الحفظ مقسم مو كله يوم السبت وسامحو يلي مايجي حافظ اول يوم وشوفو تاني يوم كيف بيكون شاطر
ثاني شي موضوع انهم بنات ومافي ترفيه ولاحصه ترفيه غير الرسم ؟؟ ويادوبك مهتمين فيه للصغار ..
ليش مافي رياضه؟؟ العاب خفيفه بس تنشط البنات وتعودهم على الحركه كره مضرب نط على الحبل العاب منافسه ترفيهيه خفيفه اوسباق جري؟؟مافي ابدا انشطه؟؟
كنا نستنى حصه الرياضه بفارغ الصبر عشان التنافس والجري واللعب ونغير جو الكتب والحفظ العقل بحاجه ياجماعه والرئتين والعظام خلي هل البدانه تخف ويتعودو الرياضه تقلولي لباسهم مايسمح طيب تحت المريول يلبسو ملابس رياضه محتشمه وخلاص او نمشيها بالمريول المهم الفايده
طيب بلاش حصه رياضه ..الطابور الصباحي اعملو فيه تمارين يوميه قبل الدخول للفصل عن طريق رفع وخفض الذراعين والنط بالمكان وتحريك الاقدام تكون في قدامهم معلمه تعطيهم الحركه وهم ينفذو؟؟
طيب مكتبه بالمدرسه تساعد في اللغه والتعبير وحب القراءه؟؟ لو انها بسيطه كل طالبه عندها قصه مش بحاجه لها تجيبها وتحطها في المكتبه او اطلبو مبالغ من الطالبات لشراء كتب وقصص مفيده وتعملوبطاقات للاعاره كل بنت تستعير قصه نعطيها بطاقه باسمها وتفضل معاها كل ماارادت اخذ كتاب تعطيكم بطاقه المكتبه كهويه لها وتاخد الكتاب ولماترجع الكتاب تاخد البطاقه وكدايصير في كتب وتستعير الطالبات الكتاب تقراه وترجعه وتسجلو اسمها في دفترمخصص مع تاريخ الاستعاره وبس ترجعه تحذفو الاسم..امور والله بسيطه محتاجه اذن واعيه وقلب رحيم هل البنات بحااجه للتغيير والحركه
طيب اعملو نشاطات اخرى مثلا معارض للرسم تتجمع لوحات الطالبات واعمالهم الفنيه بغرفه واسعه مزركشه ملونه وتنعرض لباقي المدارس ناخد بناتنا معرض مدرسه الفنون مثلا بباص كبير تتقاسمو اجرته من الطالبات فيتوزع المبلغ ويصير خفيف عليكم ويغيرو جو ويشوفو ويتشجعو على الانجاز والانتاج...والتخيل نعمللهم فرق تنشد او ترتل القرآن او نعمل مسرحيات هادفه اوفكاهيه وندعو باقي المدارس يحضرو ويشاركو من عندهم بطالباتهم بفقرات حلوه ؟؟
انا يمكن مزودتها شوي بس ياريت نتعلم من الغرب الشيء الجميل المنظم ..اهتمامهم بالاطفال اكثر مايلفت الانتباه وتوفير الاجواء والمواد للطفل في اليابان مثلا قمه التنظيم والرقي مع المحافظه على التقاليد ...يهتمون بالاطفال بشكل مكثف لانهم عارفين انه الصقل منذ صغرهم ينمي عقلهم وقدراتهم ويبرمج الامور اللي يحتاجونها في المواطن ويلغي الامور الغير لازمه من صغره...
لااعرف انا طولت عليكم كتير ويمكن كلامي سخيف وماله طعم وغير مقبول هنا سامحوني يبقى مجرد رأي وطرحته وقلت يلي عندي ويممكن يلقى اذان صاغيه تقدر تغير الامور الى الاحسن فالاحسن بناتنا امانه عندكم انتم امهاتهم منكم يتعلمو اكثر مما يتعلموه مننا فغيرو حياتهم للافضل واصبرو معنا شوي
الله يجزيكم الخير يارب وتلقونه في الاخره بميزان اعمالكم ان شاء الله
تقبلواموضوعي برحابه صدر وعذرا ان كان كلامي ثقيل ...اختكم لجين
[]