تفضلوا افيدكم من تجربتي

1. عند الدكتور روبرت وجيتة بعد التسقيط قال مافية سبب معروف شئ من الله


2. المهم ارتحت ثلاث شهور بعدين راجعتة وسويت تحاليل دم وكلها سليمة


3. قالت بنتجاهلة وريحي اربع شهور بعدين تعالي


4. انا قلت شكل ماعندهم سالفة

هلاخواتي كيف حالكم
بابدا بالسالفة لان ماعندي اسلوب التشويق
انا الله يطول باعماركم حملت قبل 4سنوات وماتم الا اسبوعين فقط ونزل وسالت عن سبب التسقيط قالو مافية اي سبب
طبعا انا اعالج عند مستشفى القاعدة البحرية بالجبيل

عند الدكتور روبرت وجيتة بعد التسقيط قال مافية سبب معروف شئ من الله

المهم ارتحت ثلاث شهور بعدين راجعتة وسويت تحاليل دم وكلها سليمة

بدا معي بالكلوميد وكل مرة اسالة هاه كيف التبويض يقول كويس ان شاءالله حمل المهم راحت ثلاث سنوات بين كلوميد وراحة وابر تنشيط وفي النهاية مليت منة احس انة مايبردقلبي ويطمني وخلالها سويت اشاعة الصبغة المهم بعدين الموعد الثاني طلبت الدكتورة انصاف سودانية واستشارية
ومن اول مراجعة قالت عند ك كيس دم صغير فوق المبيض طبعا قالت الكلام مابعد سوت السونار بس روبرت كاتبة في الملف وهذا الي رفع ضغطي زيادة قلت كيف وماقالي قالت معقولة ماقال قلت لا

قالت بنتجاهلة وريحي اربع شهور بعدين تعالي

انا قلت شكل ماعندهم سالفة

واخذت موعد مع الدكتورة سهام بسعد وقالت صحيح فية كيس بس باعطيك ابر منشطة وبنتجاهل الكيس وبعد خامس ابرة شافت مبيض يتجاوب والثاني الي فوقة الكيس ماتجاوب وعطتني موعد بعد الدورة وجيتها وشافت السونار قالت لازم ينشال الكيس عشان مايعيق شغلنا
طبعا تكلفة المنظار عندهم عالية 12 الف ورجعت للعسكري قلت عندي كيس وابي اشيلة قالو مافية الا فتح بطن ماعندتا منظار واروح واسال عن دكتور كويس للمناظير ولقيت في مستشفى المانع في الخبر عند الاستشاري علا عز الدين ورحت لة وقال اوكي نشيلة وعطاني موعد وجيت المستشفى وسويت المنظار ولله الحمدوطلعت اليوم الثاني قال بنسوي زراعة للنسيج وبنشوف نوعة ومر علي اسبوعين اصعب ايام حياتي وانا انتظر النتيجة المهم جيتة وقال عند بطانة مهاجرة قلت كيف وانا عندي بنت قال هذا الي عندك وعطاني ابرة تمنع الدورة مدة شهر
ورجعت لدكتورة سهام على نهاية الابرة الاولى وصرفت لي ابرة ثانية تمنع الدورة شهر ثاني وعطتني موعد وبار وح ان شاءالله واسال الله العلي القدير انة مايحرمني وياكم والمسلمين اجمعين
وللعلم ارجو من كل اخت ماتستملر عند طبيب واحد تغير بين فترة والثانية لان اليعض تشخيصة غلط ويستمر علية وهذا الي حصل معي
ودعواتم لي انة مايجي رمضان الا وانا حامل
ومنصار عندها بطانة مهاجرة وحملت ابي اتطمن