تكفون احرصو على أزواجكم و انتبهو من العين

كلامك صحيح العين حق والمفروض اننا مانتكلم عن أزواجنا عند أي أحد

حق في اللي تقوليه أني مثلك كنت أقول كل شي عن زوجي وعن إهتمامه فيني وكنت أفرح وأني أتكلم وبعدين حسيت بشي غريب بيني وبين زوجي والله يحفض الجميع من العين

السلام عليكم ورحمة الله وبركاته..
انا بعد .. مرات تمر بعض السوالف نذكر افعال وافضال ازواجنا ومرات كلامهم الحلو.. ومره احد صديقاتي واعز صديقاتي يعني ظامنه عدم مظرتها لي.. قالت لي فلانه والله انتي غاليه علي بس اخاف لمن تقولين لي شنو يقول لك زوجك او اشلون يدللك اخاف انظلكم.. لان عين الحبايب تكون مرات حاره اكثر من غيرها.. وانا ادري انها ما تقصد انها تحسدني انما من حبها لي... وبعد مرات نتجمع اهل زوج ، تظل وحده دائما تسالني عن اغراظي وتقول لي زوجك شراها لك؟؟ ولك؟ ومرات اهو بعد يخلي لعيون علينا لان اذا يا ايي يقعد يمي مو اي مكان يشوفه... ويظلون يناظرون
غريبة نت شكرا لك والله يبعد العين عن المؤمنين والمؤمنات وسبحان الله للمعوذات فوائد منها ابعاد العين.. عليج ابها...

صادقة حبيبتي غريبة عيون الناس هاليومين تخوف عن جد مايخلون احد بحاله الله يحفظنا واياكم من عيون الحاسدين.

الله يكفينا ويكفي جميع المسلمين من عيون الحساد
وانصحكم بتحصين انفسكم وتحصين ازوجكم واولادكم
وربي ان شاء الله يحمينا

صج والله الله يحفظنا باذن الله من كل شر وعين
وجزاك الله خيرا

انا مثلك على نياتي ... واللي حولي ما يرحمون بس احاول اني انتبه للساني

صح كلامك الله ياحفظنه من كل عين

غريبه انا عارفه حالتك زين وابي اقولك ومن زمان وانا اقولك انتبهي من الهرج عند بعض الناس...
انتي تشوفين حالتهم وعيشتهم شلون وتسولفين قدامهم بعيشتك مع زوجك اكيد عيونهم بتطير عليك والدليل ..
انهم دايم يسألونك شتسوين معاه عشان يصير كذا ؟؟؟ صح ...
من ردي لك تعرفين انا مين ...
وابي اقولك عليك بالقران والله يشفيكم ويشفي المسلمين يارب
اشتقتلكم موت وسالفتك على فكرة ضيقت خلقي ...