تكفون الفزعه

معليش مقدر افيدك بس ماحبيت اطلع بدون مادعيلك الله يشفيك

اهلين حبيبتي
شوفي انا رايحه عند اكثر من دكتوره
بالمانع والمواساه واللؤلؤ وسعد
وما شفت اي نتيجه
كلها مواد كيميائيه وخرابيطهم وما فادتني بشيء تعب على الفاضي
مالك الا المواد الطبيعيه
بإذن الله بتلقين كل الفايده
انا بقولك اللي اسويه وربي حاسه بشعورك خصوصا لو كان شعرك يجنن وسبحان الله تدهور مره وحده
وربي الشاهد انه متحسنه عن اول ولله الحمد
اول شيء استعيني بالله واحتسبي الاجر ولا تيأسين
بعدين
انا استخدم زيت الخروع وزيت اللوز الحلو خالطتهم مع بعض
حطي كبدايه اذا كان شعرك مرره متدهور حطي مرتين او ثلاثه بالاسبوع
يا انك تسخني الزيت شويه وتحطيه براسك او انك تحطي الزيت وتجيبي فوطه وتغمسيها بمويه حاره وتحطيها فوق راسك انا اخلي الزيت بشعري تقريبا 8 ساعات
واحط خلطه كل اسبوعين وهي
بيضه + زبادي + زيت زيتون + مايونيز ( انا استعمل مايونيز بالثوم )
وتخلطيهم وتحطيهم بشعرك ساعتين ثلاث ساعات وغسليه
ومشطي شعرك يوميا بكل الجهات عشان تنشطين الدوره الدمويه
واستعملي حبوب زيت كبد سمك القد مره مفيده هي عباره عن فيتامينات مكمله لفيتامينات الجسم اسالي الصيدلي عنها بيقولك مالها اضرار ابدا داومي عليها
انا استعملها مرتين يوميا
ولو عندك فراغات بشعرك حلو لها الثوم بس لا تفركي فيه ترى يموت الجذور قطعيه وحطيه بالخلاط مع شويه مويه حتى يصير سائل وحطيه
وسبحان الله هو اللي يعطي وهو اللي ياخذ اللهم لا اعتراض
وكل شيء يتعوض ويرجع ان شاء الله
دعواتك لي اختي
اتمنى لك ولي ولجميع المسلمات كل صحه وعافيه وتحسن
اتمنى اشوف لك موضوع بعد فتره تقولي انه شعرك تحسن

انا نفس حالتك يااخت بنفسج صار شعري يتساقط بشكل مريع وكل سنه اقل من اللي قبله
ومشكوره اختي علاها ابوها على الفائده
والله يعوضنا خير

مشكورين خواتي والأشياء الطبيعية والله زهقت منها ماخليت ثوم ولاخل والزيوت الطبيعة ما قول غير الله يعوض صبري خيرويعطيكم العافية.