تكفون حلوها خبصتها

السلام عليكم فروشاتي الغاليات
كيف الحال وش اخباركم وكيف عيالكم ومن يعز عليكم >>>>>استخفت
أي والله اني على وشك هم هرجاجيل خلو لنا عقول مير الله يهديهم
احس من الوضع النفسي الي انا فيه كما المصخن ويهذري من الحراره >>>>>لا استخفت رسمي
رسمي ولا كجول ههه <<<وتمزح بعد
بنات حريم ساعدوني اول مره ارز خشتي عندكم مدري شسوي انا جبت المشكله لبيتي استاهل
السالفه يا طويلات العمر انه امس طلعنا انا وبعلي مشوار طيب بعد ما خلصنا مشوارنا وقف عند سوبر ماركت بيشتري اغراض وياليته ما وقف
نزل وطول ما جا ميت قام نقزلي الشيطان الله يخسيه وسوسلي وانا ما يحتاج حرك تبلش وقالي الي هو الشيطان انتي يا متخلفه <<<<<ويهزء بعد
قال ليش ما تفتشين سيارت زوجك وتشوفي معقوله هو مو من زي الشباب الي معهم جوالين وجتمعت والوسوسه مع التغير الي سرت اشوف من زوجي
سمعت الكلام من هنه الا ويدي لا شعورين بدت تحوس بسياره من الدرج الى الطبلون >>>>هذا الي فيه الدركسون للتوضيح
لين وصلت يدي الكريمه الى تحت المرتبه ولا انا امسك ذاك الشي واخرجه يوه تتوقعون اش طلع
جوال انا هنا سارت عيوني كذا وتحولت انا على الهزاز ارتجفت بشكل مو طبيعي
وفجه القى زوجي عند الباب كنه خارج من تحت الارض ما شفته وهو جاي معن المسافه طويله بين البقاله والموقف ويم وص
ل الا انا توني اقوم سالني وش جالسه اسوي تحت اتهمت المسكين ولدي انه طيح جوالي ونزلت اجيبه المهم مشينا وانا اسوي نفسي عادي وصلنا البيت ما نزلت لين نزل زوجي عشان ما يفتش وراي<<<<مسويه فاهمه الخبله
نزلنا طلعت البت وعادي ماكان شي حصل جهزت العشا وتعشينا اضحك واسولف عادي قال زوجي النفسيه كنها متحسنه لئني وانا خارجه كنت طفشانه وبعد الصدمه والجوال كني رقت مدري ليه<<<ماشيه بلعكس اختنا في الله
المهم سويت اعصار في البيت لين نامو عيالي وهوه اخيرا نام وما نام وانا ابي من نفسي شي ذبل كبدي
قامت رذاذ تشغل كيد النساء وتفكر كيف تفتح الجوال دورت في النت كيف افتح مالقت حل خمنت ما فتح ظلت على هلحال لين حرقة الشريحه<<<<هنا حسيت بغبائي المصتعصي
قلت في نفسي احسن محد قاله يخونني <<<طيب يا ذكيه وشوله حكمتي انه يخون
مدري يمكن بس عشان محس بذنب
المهم نمت ذيك اليله بمشقه وهو في الهنا نايم
اليوم الثاني راح داوم المحروس ورجع البيت الساعه10 مو عادته وثوبه كله شحم من السياره سالته وش ذا قال شحم قلت من ايش قال من مقعدت السياره مسكت نفسي لا اتوطى في بطنه وقلت وش تدور هناك
قال ان الفراش ضيع جواله معي ونزلت ادورله انا هنا مدري ليه عقلي الباطن قال كذاب مدري هو عقلي والا الشيطان
واصلن حسيت انه يبغى يسالني عنه كل شوي يلمح ويسكت يفكر قهرني المم انا طنشته ما علقت على الموضوع
بس بعد ما خرج حسيت بتانيب الضمير على الهندي مدري تهقون صادق
المشكله يوم بديت اتفيلح واشك ماراح فيها لا هلهندي والله حزني
ها بنات ادري غثيتكم بس شسوي شورو علي وش اسوي
الجوال خلاص يستخلف ربي فيه ماراح اعطيه لين اتاكد انه موله اذا له اكيد بيطلع ثاني صح يوه احس راسي بينفجر بنات تكفون لحد يلومني الي فيه يكفيني