تكفون يامتزوجآآآآآآت ساعدوني ربي يجزآآكم خير شعآر إهتمام من الإشرآف

1. المهم


2. ومرا من المرات <-- مازلنا بشهر العسل


3. المهم بدت الدراسه وبدا الكرف تزوجت ب 6/29 <-- السنه ذي


4. المهم بدت الدراسه وصرنا نروح انا وخواته للجامعه مع بعض والوضع طبيعي


5. يوم الجمعه ذا تكلمنا وكلامنا ونقاشنا دايم بغرفة النوم


6. وكان على البدايه يتغزل ابتسمت على جنب وجلست اكمل بحثي


7. قال وشنو تشوفين بعيوني وسالتك بالله تاجوبين بصراحه على كل اسألتي


8. والله وبالله وتالله يابنات جلس على السرير واعطاني ظهره وهو يتكلم


9. بدت تتغيرنبرة صوته وصار بكثر يتنحنح <-- اتمنى عرفتنه

السلام عليكم ورحمة الله وبركاته
كيفكم بنات
مااعرف للمقدمات
انا من ظمن الزوار للمنتدى وماسجلت بالمنتدى هذا الا لأن شفت فيكم روح التعاون والأخوه وان شاء الله تبقون كذا وابقى معكم كذا للأبد
بدخل بالموضوع على طول والموضوع نوعاً ما طويل ووبداء فيه من بدايته عشان تفهمون الموضوع زين
قبل مااتزوج ب سنه و3 شهور بالضبط كان حدى اخواني متملك على بنت عمي ( أخت زوجي ) وبعد ماملك عليه ب كم شهر انفصلو عن بعض لأنه رجع ل طليقته ( زوجته حاليا) هو ماكان يبغى الطلاق وكان عنده استعداد يتزوج ثنتين وثلاث لكن بنت عمي طلبت الطلاق وبعد محاولات لإصلاح الأمر الا انا فشلنا بالمحاولات طلقه وبدت المشاكل صارت بيني وبينه لأنه كانت من النوع اللي يكذب ويفرق وانا هجري الأشياء مااطيقه ومااتحمله ابد ف كنت اتهاوش انا وياه على الشي ذا وصار مرا موقف بيني وبينه ماسلمت عليه
وجلست شهر كامل مااتكلم معه ولااسلم عليه مع انه كانت له محاولات انه تتكلم معي بعدها رجعنا وفتحت صفحه جديده انا وهي أنا مااكذب عليكم يابنات وربي كنت اتعذب وانا اعمل فيها كذا هاذي بنت عمي تربينا مع بعض وعشنا مع بعض هي اكبر من بسنتين يعني اختي ياناس كنت اشتاق لها اشتاق لجمعاتنا قبل ول صفا قلوبنا قبل المهم على فكره هي له سوابق مع ناس بكذب وفتن والخ

المهم

بعد طلاق اخوي وبنت عمي ب كم شهر خطبني ولد عمي ( أخوه ) بغيت انهبل لأني اكرهه مااطيق اشوف وجهه من الله كذا اكرهه طبعا يصير اكبر اخوانه وكانت كثير ناس من جماعتنا يقولو ان فيه مشاكل بينكم ( اهلي ) وبين اهل عمي وحنا كنا نقول كذب وكذلك اهل عمي صحيح كانت فيه امور تعكر صفو حياتنا الا كنا حنا نتغاضى وهم يتغاضو ونطنش والاهم ان كل واحد منا مايبغى يوضح الشي ذا ل الناس الثانيه المهم حاولت ارفض والخ لكن ماكانت فيه اي علامات تدل على اهلي انهم مقتنعين لرفضي
تكلمت مع اختي عن موقف حصل بيني وبين ولد عمي لما كنت ب سادس ابتدائي وانا حالياً آخر سنه في الجامعه انه قد تحرش فيني وحاول وكنت اهدده ب ابوي لأن ابوي كان شديد وانا اتكلم مع اختي كنت ابكي وبحرقه ( مع انن كنت متأكده اني بنت لأني قدرت افلت من يدينه ) الا اني كنت ابكي وانا اتذكر الموقف وكأنه جالس يحصل فيني حالياً قالت اختي عادي تصير التحرش من الاقارب احياناً والخ وانه عادي والاهم انك بنت ومادري شنو والخ ( الموقف ذا مكرهني فيه ومن بعد هجري الموقف صرت اكرهه ومااطيقه صرت اشوف انه انسان جنسي لأقصى درجه صرت اشوف انه انسان وقح ومهما يسوي مايعجبني شي فيه <-- نظرتي فيه قبل مااتزوجه)
المهم كنت خايفه ان زواجي منه مجرد انتقام لأخته لااكثر ولا اقل <-- بتقولو مجنونه بقولكم تفكيري غريب ومو غريب مادري بصراحه
ملكنا وكنت احاول اتقبل الموضوع وان تفكيري مجرد وساويس والخ ماكان بين ملكتي وزواجي الا شهر بس 30 يوم بالضبط
تزوجنا وب لليلة الزواج كنت خايفه منه بقووه وانا اشوف شكله دار بينا حكي انه ولد عمي وانه بيحافظ علي وبيحطني بعيونه بس ماكنت قادره اقتنع بكلامه او اصدقه ( قلته قبل ماكان يعجبن اي شي يسويه لأني اشوفه انسان وقح ) مريت ذيك الليله بسلام
شهر العسل حاولت اتقبل الموضوع مو قادره صرت ابكي كل لليله بحرقه وربي لما ينام اقوم وارح ب اي مكان واجلس ابكي وكثير كان يلقاني نايمه بالصاله ب اي مكان غير غرفة النوم

ومرا من المرات <-- مازلنا بشهر العسل

كان نايم وطلعت على البلكونه برا بالهواء وجلست افكر سمعت صوته يتكلم معي كان واقف عند باب البلكونه ( تكلم بنبره تبعثرني اذا سمعته من اي احد مادري كيف آصف النبره بس دايم اذا سمعته ابكي ايش من كان الشخص اعرفه او مااعرفه اسمعه يتكلم ب النبره ذي على طول ابكي احس اشياء بقلبي تتحرك وتكون سبب بكائي )
المهم غصب عني طلعت دموعي وبغزاره حطيت ايديني على اذاني وقلت لاعاد تتكلم معي بالنبره ذي ودخلت وتركته ( مع ان كلمته كانت : ش فيكي مانمتي ) دخل وعلامات التعجب براسه حاول فيني يعرف وماقدر
رجعنا وصرت ساكنه عند اهله واهله كانو لساتهم مخلصين بناء البيت وكان دور واحد ومايمديهم يعملو لي جناح ف كنا متشاركين بكل شي ماعدا غرفة النوم ودورة المياه وانتن بكرامه
( خالتي <-- امه عسسل .. أخته اللي اصغر مني مرا متدينه وعسل .. اخته الي اكبر مني طليقة اخوي )
استمريت على حالي مو قادره اصدقه ب اي كلمه يقوله اشوف بعيونه كلام غير غير عن اللي يقوله لي حتى اذا بديت اركز زين بعيونه وهو يتكلم معي يتهرب ب نظراته عن عيوني وكأنه خايف اعرف شنو بعيونه
كنت لما اصير عند اهلي واتكلم مع خواتي وابكي يقولو منتي صاحيه مجرد وساويس ومادري شنو واختي تقول لاتخلي الموقف اللي بينكم وانتي صغيره يأثر على حياتك ( وولمعلوميه من قبل مانتزوج وانا اقول فلان مستحيل آخذه لو شنو يصير حتى عند صديقاتي وسبحان الله ماخذت غيره )

المهم بدت الدراسه وبدا الكرف تزوجت ب 6/29 <-- السنه ذي

المهم بدت الدراسه وصرنا نروح انا وخواته للجامعه مع بعض والوضع طبيعي

هو يفطر مع اهله وانا متعوده دايم ماافطر من يوم كنت عند اهلي مع انن احياناً اقوم قبل خالتي واجهز الفطور للعائله كله <-- لاتعتبرنه شكوى بالعكس استمتع وانا اشوف دعاوي خالتي وعمي لي وهم قايمين يصلون قبل الفجر ويدعون لي <--- الله يطول ب اعمارهم يارب
ارجع من الجامعه يتغدى مع اهله برا واحيانا اطلع اتغدى واحيانا لا لأني مليت من الطلعه كل يوم برا
المهم مشت حياتي على هجري الشكل ملل x ملل وعدم تغيير بحياتي وبنظرتي له

يوم الجمعه ذا تكلمنا وكلامنا ونقاشنا دايم بغرفة النوم

وكان على البدايه يتغزل ابتسمت على جنب وجلست اكمل بحثي

فمسك اوراقي وبعثرهن بالغرفه ( بتقولون غلطانه بقولكم صح غلطانه بدال مافرح وابداء اتغزل فيه طنشته وكملت بحثي لكن ماقدرت تكفون حسو فيني تعبت وربي مااقدر اشوف بعيونه كلام غير غير عن اللي يقوله ) قالي بعصبيه فيه وحده زوجه يتغزل فيها تطنشه وتهتم ب شخابيط على الورق
وكنت لحظتها جالسه اجمع اوراقي اللي بعثرها التفت له قلت اتمنى اصدقك <-- كيف قلتها مادري كنت متحفظه على هجري الكلمه انه ماتطلع مني لكن مادري كيف قلته ( كنت خايفه من المستقبل تأثر على حياتي ومازلت خايفه انه تكون بيوم من الايام ضدي )
صار وجهه كذا كيف ماتصدقيني
قلت لأني اشوف بعيونك كلام غير <-- وكنت لحظتها برضوا اتهرب عن ملامح وجهه ب اوراقي اللي ماليه الغرفه ( وذي اول مرا ماابغى اشوف عيونه وهو يتكلم

قال وشنو تشوفين بعيوني وسالتك بالله تاجوبين بصراحه على كل اسألتي

وطلبت اانا برضوا منه نفس الطلب الصراحه وماابي الا غير الصراحه اللي ممكن تريحني وتخليني اقدر اعيش حياتي مثل الباقين
قلتله اشوف غير عن كلامك لي انت تقول احبك لكن انا مااشوف الحب ذا بعيونك ولا انا قادره احس بمصداقيتك باكلمه ذي وانت تقوله مو قادره احس معك بالامان اللي كل زوجه المفروض تحس فيه من زوجه انا اخاف منك مو خوف من عنف اواواولخ اخاف من مستقبلي معك اخاف من زواجنا والى اي نهايه بتكون حياتنا لأن احس فيه اشياء تدور في بالك ونفسي اعرف شنو

والله وبالله وتالله يابنات جلس على السرير واعطاني ظهره وهو يتكلم

بدت تتغيرنبرة صوته وصار بكثر يتنحنح <-- اتمنى عرفتنه

وقال بالحرف الواحد كل كلمه قلتيها صحيح وكل تفكيرك صحيح وتهربي عن نظراتك دايم لأني كنت اخاف تعرفين تفكيري شنو وانا هجري الشي ذا ماابغاه لكن من شهرين تعرفين صرت احبك والله اني صادق فيها احبك تزوجتك بس عشان اهدمك واكسر خشمك صحيح بنت عمي وعمي له المعزه والحشيمه لكن كذا تمنيت اكسر خشمك اللي عند الكل كنتي معروفه برفعة الخشم ( والشي ذا صحيح بس والله مو كبره يابنات انا شكلي كذا اللي يشوفني يقول متكبره لكن اللي يدخل معي يقول غير شسوي بعمري اذا شكلي يهيئ اني متكبره اذا ابتسمت بوجه احد قالو يوه ابتسامة سخريه اذا سكت قالو مامعجبه شي شسوي فيهم ) المهم
وكنت ابي ارد الصاع لأخوك بطلاقه لأختي هنا انا انفجرت فيه قلت انت عارف اختك طلبت الطلاق قال ايه طلبت الطلاق بعد مافريتي راسه
طلعت كاذبه عليه اخته وقايله اني انا قايله له اطلبي الطلاق وربي يابنات ماقلته ولافتحت افمي بكلمه بالموضوع ذا ولاتدخلت لا بطلاق ولابغيره
يقول اختي ندمانه بطلاقه منه لكن انتي هدمتي مستقبله وخليتيه مطلقه <-- يحملوني ذنب مو ذنبي
يقول اخذتك ناوي عليك ناوي اعذبك واحسر فيك ناوي اخليكي تشوفي نجوم الظهر وبعده اطلقك لكن ش صار فيني مادري قلبتي حالي فوق تحت غيرتي فكري بهداوتك وبرقتك وبتعاملك مع اهلي
وجلس يبكي وربي يابنات جلس يبكي ويقول صدقيني بكل كلمه قلته لك الحين ( الأخ معروف دايم عند اهله انه من النوع اللي يبكي بمواقف عادي مع انن ماتعودت على الشي ذا عند اخواني )
كرهت نفسي يمكن مو عشانه يمكن لأني ماحب اشووف اي رجال يبكي
تكلمنا كثير وطلع وتركني وهو يحاول يبرر وانا استفسر منه
ومن يومها ماصار بيني وبينه اي نقاش او اي كلمه هو بحاله وانا بحالي قدام اهله بس انا مع بعض ومانتكلم مع بعض الا ب سؤال قدام اهله اذا كانت الاجابه عندي والعكس
بغرفة النوم مابيننا اي حكي مع اننا نتشارك الفراش الا انا بطرف السرير من جهه وهو بطرفه من جهه الثانيه
قايمه بواجباته عادي اطلع لبسه اغسل اكوي
ودي اتكلم معه ودي مااتكلم ودي اصدقه ودي مااصدقه
خايفه ومحتاره ومتردده
قولن رايكن بنات تكلمن قولن اي شي مو عارفه شنو ابي بالضبط