تم بحمد الله القضاء على

1. قال تعالى (علم الانسان مالم يعلم)


2. ملحوظه:

قال تعالى (علم الانسان مالم يعلم)

بصراحه يابنات كنت في حال مايعلم فيه الا رب العالمين ازمه نفسيه سبتها (الصراصير )انا اكرة اشوف صوره الصرصور على علبه البف باف واكرة اشوف دعاياته وربي اني انقرف
بعد فترة نفاسي رجعت للبيت للأسف لقيت فيه صراصير وخصوصا في المطبخ يعني بالله كيف اقدر احط شي على الطاوله او حتى اترك الاشياء اللي ماتصلح تكون بالثلاجه على طاوله المطبخ حتى معد اقدر اجهز شي واتركه في المطبخ لاني صرت اشوفهم بكل مكان حتى غلايه المويه لقيت فيها واحد ورميتها ماتحملت ابد ابد صرت اغلي المويه في ابريق غلي والباقي ادخله الثلاجه تخيلوا والمشكله انهم الصراصير صغيرة يعني لو بيجي في شي من الاكل يمكن مااشوفه وربي بعضهم كبر النمله من جد تأزمت وخصوصا ان عندي بنت صغير وتعرفون الصغار اي شي باالارض على طول بالفم
ماخليت شي ماسويته بف باف بودرة ولا نفع وقالوا لي بايجن بودرة يطردهم والله انهم يمشون عليه زي السلام عليكم علما بأني كنت مهتمه بنظافه مطبخي وهذا السبب اللي خلاهم يطلعون بالفترة اللي ماكنت في البيت كلوركس وديتول و المهم عجزت فيهم كلما قلت ايه اليوم ماشفت شي بسم الله يطلع لي واحد واذا قلت الحمد لله ماقد شفتهم في هالدولاب يطلع لي فيه كم واحد وتعوذت منهم ،،والشي اللي ماساعدني اني ساكنه بشقه وطبعا تسليك المواصير مو لي لحالي لا لكل العمارة المهم اني سألت وبحث وقريت عن العجينه السحريه لطرد الصراصير والحشرات وقريت ان وحده قالت ماشافتهم لمده سنه كامله بعد ماحطتها قلت خلاص بسويها مابقى الا هي وحصلتها جاهزه في محل اسمه مدينه الاحلام حق الكماليات بس مايبي لك الا تحطين عليها ملعقتين زبادي وخلاص تعجنينها وتقطعين منها وتحطينه بكل مكان تشوفينهم يطلعون منه او تتوقعين انهم بيجون فيه مكتوب عليه تختفي الحشرات خلال خمسه ايام من وضع العجينه وتقدرين تسوينها انتي في البيت (((حامض البوريك - لبن بودره - سكر - دقيق نسبة ( تخلط المقادير بالتساوي)
ونقوم بخلطهم معا بالماء بكميه صغيره جدا حتى نكون من الخليط كرات صغيره ومتماسكة .
ونزع الكرات فى مناطق مختلفة من المكان التى تتواجد فيه هذه الحشره
وسوف تنتهى نهائيا بإذن الله

ملحوظه:

حامض البوريك متوافر فى الصيدليات او المحلات التى تبيع المواد الكيماويه )))
حطيتها حتى بالفتاشات الله يكرمكم حقت المطبخ والحمامات وعلى اطراف الابواب بكل مكان ماخليت على قولتهم مغز ابرة ماحطيت فيه وابشركم الحمد لله والشكر لله من جد اني صرت اقول علم الانسان مالم يعلم سبحان الله العظيم بس الله يتمم من جد صرت انام وانا مرتاحه وربي اول اني احلم فيهم من كثر ما انا شايله همهم بس الحمد لله زال الخطر ههه
اتمنى انكم تستفيدون من تجربتي وفيه وحده لقت العجينه هذي في الصيدليه ومثل ماقلت تحطين عليها ملعقتين زبادي