تنبيه للبنات وخصوصا بنات ملف المخطوبات والعرايس والكل بشكل عام

السلام عليكم
كيف الجميع
اولا لازم الكل يعرف انا هنا مو اتهم احد عشان مااتحمل مسؤلية بس هذا تنبيه
اغلب البنات متذكرين موضوع كان هنا لوحدة كان عمرها 13 وتقول انها متملكة وتبغى البنات يساعدوها الموضوع انحذف لانه كان في شكوك حولة (نية واضع الموضوع مشكوك فيها)
طبعا صاحبة الموضوع هذ ملفها
http://alfrasha.maktoob.com/member.php?u=517784
اطلعوا يابنات على مشاركاتها حتلاحظوا انها دخلت ملف حوامل وتدعي انها حامل في الخامس
طبعا واضح مايحتاج ازيد المهم انا اللي مخليني احط الموضوع دا مو هذا المعرف الكل عرف انه في شبهة حوله لكن الموضوع الاخطر هو معرف تاني اللي هي انا ليدي اوسكار
هذا المعرف سجل هنا بعد قصة مسفرة مانحذفت تاني يوم ودخلت ملف العرايس وادعت ان ابوها يعرف خطيب البنت وان كلامها صدق (مسفرة12) هنا احنا شكينا فيها ونبذناها
لكن وين راحت راحت ملف المخطوبات ودخلت فيهم عرض خلال تلات اسابيع اتعرفت على بنات واخذت جوالاتهم لا مو بس كدا فتحت لها مجموعة خاصة وتحكيهم فيها بغرامياتها مع خطيبها وطبعا
غراميات ثقيلة
انا نبهت البنات اللي معاها في المجموعة وقلت لهم ان دخلتها فيهم غلط مهما كان حتى لو هي صادقة وانا ظالمتها لكن نصيحة لكل بنت لا ثم لا ثم لا ثم لاتدي اي شيء خاص فيك لاحد عن طريق النت
ولا ثم لا ثم لا تقولي خصوصياتك واسرار حياتك مع خطيبك او زوجك (المقصود هنا الاشياء الحميمية بين الزوجين ) لاحد لانه دا اصلا منهي عنه شرعا يابنات مو حكاية اثق فيها ولا مااثق حرام
فكيف وحدة تحكيك وتبغى منك تحكيها ولا كمان ماتعرفيها إلا من النت هذا مصيبة يابنات المفروض اغلب اللي هنا امهات مستقبليات مهمتهم تنشئة جيل كيف افرط في خصوصياتي على صفحات النت والله اعلم مين يشوفها
انا حبيت انبهكم وخصوصا البنات اللي لهم علاقة بدا المعرف خلوا كلامكم عام وسوالفكم في حدود الرسمية لاتتجاوزي لخصوصيات ولاتنغري عشان اللي تكلميها بنت هما البنات ملائكة؟؟
مافي بنات يخربوا بيوت
انا قبل كدا كلمت مشرفة عن موضوع انا ليدي اوسكار
قامت حذفت مشاركاتها في ملف عرايس 10 و11 و12
وقالت لي حطي موضوع عام انا وقتها قلت الكل متحذر منها مايحتاج وطنشت
لكن لما شفت المجموعة الخاصة اللي مسويتها والكلام اللي تقوله قلت لازم احط موضوع عام واتمنى ماتنط وحدة وتقول اثبتي ولا حاجة انا مو كاتبة الموضوع الا تنبية من ليدي وغيرها
انا اقولكم لاتدوا معلومات خاصة لاحد ولا صور وجوالات ولا عناوين وبس وانتبهوا يابنات
وتقبل الله من الجميع صيامهم وقيامهم