تونيك وبخاخ زين الاتات للشعر

اهلين انا مجربه المجموعه كلها حبيبتي وانصحك فيها وهو اكثر شي عند زين الاتات نفعني وعلى فكره انا من النوعيه الي مجربه اشياء واجد بس هذا هو الشي اوحدي الي نفعني مااقولك انه نتيجه خياليه وابالغ بس طلعلي شعرات صغار من قدام عند الغره مو كثير مره بس احسن من ولا شي وحسيت فعلا انه فيه شي بالمستحضرات هذي سحري غير عن باقي الاشياء الي استخدمتها قبل توكلي على الله واريها بس لازم الاستمرار والمواظبه لمده سته اشهرواي سؤال انا حاضره

حبيبتي انا جربته والحين لي اسبوع وما تغير شي في شعري لكن راح استمر واشوف النتيجه واحب اقلك عن حاجه اذا كنتي سمعتي بالتونيك الفرنسي يمدحونه ويقولون تطلع النتيجه بعد 28 يوم من استخدامه ياليت اذا عندك فكره عنه وتعرفين وين القاه تخبريني عنه واذا ماعندك اي فكره عنه اتمنى اني افدتك واسفه عالاطاله

الوفا معليه حبيبتي بس ابي وضحلك شغله مافيه شي اسمه تبين النتيجه من اسبوع او حتى شهر والي يقولك كذا كذاب هذا صار سحر مو علاج وهذا التونيك الفرنسي انا من يوم قريت انه خلال 28 يوم وانا غاسله يدي منه ولا فكرت فيه نصيحه لك لاتستعجلين لى النتايج اعتبري شعرك مثل النبته يبيله انك تسقسنه كل يوم وبينبت شوي شوي يعني النتيجه باذن الله بتبين من الشهر الثالث بالذات اذا كان شعرك مره تعبان عيبنا يالبنات انه احنا نستعجل على النتايج ونمل ونترك الشي نصيحتي لكم المواظبه

دانه الدانات الخبر
=============
مشكورة ما قصرتي على الافادة .... بس عندي بعض الاسئلة بما انك مجربته
س1 : كم صارلك من استخدمتي ؟
س2 : الطريقة بالتفصيل لإستخدام التونيك والبخاخ ؟
س3 : طريقتك في وضع التونيك والبخاخ على الاماكن الخفيفة ولا فروة الراس كلها ؟
وجزاج الله خير وبارك الله فيج واعذريني على كثرة الأسئلة .
=======================================
*الوفا*
====
مشكورة اختي على الرد .... وشي طبيعي بأسبوع ما راح تبين النتيجة انا سألت وقالولي الكورس عبارة عن 6 شهور ومثل ما قالت اختي دانه الدانات الخبر ... استمري وان شاءالله راح تشوفين النتيجة اللي ترضيج .
اختي الغالية بالنسبة للتونيك الفرنسي انا ما اسعملته ولا احد من اهلي او صديقاتي مجربه بس قلت لازم ارد عليج وسويت بحث عنه ولقيت هالروابط
التونيك الفرنسي لتطويل الشعر ( لبنات المملكه )
التونيك الفرنسي لتطويل الشعر ( لبنات المملكه )
التونيك الفرنسي لتطوتل الشعر ا لنتيجة تطلع بعد 28 يوم فقط بالصورة
وان شاءالله اكون افدتك وما نبي منج غير الدعاء لي بالتوفيق
اختك في الله : دموع الكويت
=======================================

انا جربت البخاخ والشامبو وبالفعل طلع شعر جديد لان ذيك الفتره كان شعري يتساقط بالهبل ومره نفعني

الزمن القريب
============
مشكورة يا الغالية ما قصرتي ..... شجعتيني على استعماله (: جزاج الله خير

^^دموع الكويت^^
اهلين حبيبتي من استخدمته صار لي سنتين والحمدالله بعدها مااشوف شعري يتساقط
بالنسبه للطريقه انا مو ناسيه التونيك عشر ايام على كل الشعر والفروه وبعدين ترمينه وعلى فكره اذا انتي مسويه هاي لايت ترى بيتغير لونه شوي بيصير على اورانج وبعد ماتخلصين العشر ايام تستخدمين البخاخ
وبالنسبه للطريقه مكتوب عليه كم بخه باليوم انتي حاولي انك تبخين بكل المناطق لاني ابي شعري يكثر من جميع الاماكن
انشالله قدرت افيدك

اخواتي بليز ابي اعرف كيف تجيبون خلطات زين الاتات بليز

حبيبتي احنا نشتريها جاهزه من محلاته واسمحلي دموع الكويت لاني جاوبت بدالك