ثالث سنه مع الخلطة السحرية كوين هير

مرحبا
من فترة 3 اسابيع تقريباً استخدمت أعشاب كوين هير لفرد الشعر الأصلية وماراح اذكر منين اخذته علشان لا احد يفهم اني اسوي دعاية او اخرب على احد
عموماً اتمنى اللي استخدموه يخبروني بتجاربهم انا الى الان ماشفت نتيجة مرضية بالعكس احس متضايقة منه كثير لأن رائحته مو حلوة ومع ان صار لي 3 اسابيع إلا ان الرائحة باقية وحاولت بشتى الطرق ابخر شعري واعطره لكنها ثابته
شيء ثاني اللون الاسود مازال ينزل من شعري ومأذيني يصبغ في كل مكان في الفوطة لما اجفف شعري وغيره
واللي استخدمته كان لون بني لكن للأسف شعري صار لونه اسود سواد الليل !!
الفايدة الوحيدة اللي استفدتها من هذي الاعشاب ان الاستشوار ماياخذ شيء عندي وبسرعة استشوره ويصير شعري حلو بعد الاستشوار
لكن حسب اللي سمعته في المنتديات ان هذي الاعشاب يطلع فيها الشعر ناعم طبيعي ومايحتاج استشوار
فهل شعري راح يصير كذا بعد فترة او شنو
اتمنى من اللي استخدموا الاعشاب يفيدوني واكون لكم شاكرة
تحياتي