جايبتلكم المواقف المحرجه مع اهل الزوج

1. نبدأ


2. تقول وحده ..


3. البواري ..!!!


4. اللي ما ادري وشلون اطلعت


5. طبعا رحت لدورة المياه وقعدت اصيح يا عمري كنت صغيرة ما كملت 17 سنه ..


6. وحده تقول


7. وتقول اخرى

السلام عليكم
حياكم الله
اليوم جايبه لكم مواقف محرجه حصلت لبعض البنات ...
حصلت اهم عند اهل الزوج يعني الحموله ..
واللي عندها مواقف تتحفنا وتشاركنا ..

نبدأ

تقول وحده ..

انا مره في رمضان وانا حامل وجالسه افطر عند اهل زوجي وفيه خواته بعد ما خلصت وشبعت لكن الدبابه الله يكفينا شرها اشتهيت اخذلي كاس فيمتو زيادة قلت لاخته صبي بس شوي .. وانا اشرب فجأة شرقت واقعداكحكح كح كح كح اح اح اح المهم قلت في نفسي خلبني اطلع برى للمغسله من زود الادب على بالي لايطير عليهم كم شراره من فمي مع ذا التكحكح .. ياليتني تفلت وسعبلت عليهم ولاقمت ان كان اهون وانا قايمه اركض بسرعه للمغسله
وهم بسمله عليك
عطوها مويه
عطوها مويه
وانا اركض وكح كح
الا ذيك

البواري ..!!!

اللي ما ادري وشلون اطلعت

طاط طاط بيب بيب مع التكحكح والتنحنح ما عاد قدرت امسك نفسي وبعد ما غسلت ورجعت الا كلهم وجيههم حمراء ما سكين ضحكتهم وانا بكل ثقه كاني ما سويت شي بس عيوني ما غير تدور تدور خشمي وبقايا وجهي اللي ظاح من الفشله والله ما يسوى علي ذا الفيمتو ...
وتقول وحده اول مره ازور اهل زوجي توني عروس ثاني يوم عند بيتهم حفر والحبيب مقرب السيارة عند الباب وانا احب المشاوير رايحه من ورا السياره وكاشخه بالكعب وطرراخ طحت طيحه مدري وشلون قايله كاني وحده ترقص ههه وقلت اي قال بسم الله عليك ما حد شاف قومي بسرعه انا انبسطت يوم قاله قلت اكيد موب قايل لاحد
وادخل واسلم على امه قال لها دخليها غرفتك
تنظف عبايتها وتعدل ملابسها توها طايحه انا استحيت قلت مايخالف ما دري الا امه عادي
شوي الا جات اخته قالت سلامات يقولون انك طايحه قلت بنفسي هين محد شاف بس الكل دري .. والله فشله ولاكل فتره يرجعون يتذكرونه ويضحكون ..
وحده تقول انا يوم كنت عروس كانو مجتمعين كلهم وحاطين القهوه وحلا وكنا جالسين في الارض بعدين اوجعتني ارجولي من الجزمه قمت طلعتها من رجلي واخذت الجزمه بيدي بطلعها برى الغرفه
مدري
كيف طاحت الجزمه من يدي
على الحلا وتعالوا شوفوا الفشله

طبعا رحت لدورة المياه وقعدت اصيح يا عمري كنت صغيرة ما كملت 17 سنه ..

وحده تقول

الموقف اللي ما انساه ما حييت .. عند اهل زوجي غرفتي وحمام مشترك لاخوان زوجي يسكر عليهم باب يعني كانه جناح المهم دخلت اخذ شاور وانا بالشهر التاسع طلعت لافه المنشفه الا ينفتح باب الجناح انا انهبلت حسبته واحد من اخوان زوجي رجعت الحمام بسرعه وش حصل ؟؟
زلقت وربي يابنات طلعت كاني لاعبة باليه الي رجل باقصى اليمين ورجل باقصى اليسار وربي حسيت ولدي بينزل ..طلع اللي فتح الباب
الشغاله
وصراخ على زوجي مدام طاح المسكين جاء يركض متروع عالاخر قال اسلمي وش فيه وش صار
ما صار شي بغيت اولد بالحمام
..

وتقول اخرى

هذا الله يسلمكم كان زوجي عازم رجال على العشاء وبنتي الكبيره عمرهل 4 سنوات سوت بالمنديل كورتين كبار وحطتهم في بلوزتها وراحت لابوها جنب الرجال تقول بابا طالعني صرت مثل ماماصرت كبيرة خ والرجال حاولو يمسكون روحهم لكنهم انفجروا ضحك في النهايه ..
ومره نفس بنتي ماخذه الاندر وير حقي ونفس الحركه حطته بين فنيلتها الداخليه وبلوزتها وكنا معزومين ببيت اهل زوجي على الغداء وانا كنت مستعجله ولا انتبهت
وتخيلوا كانوا اخوان زوجي وابوه كلهم متجمعين وخالتي ماسكه بنتي حاطتها على رجولها تقولها ويش حاطه بملابسك والا تطلعه الا الكلوت حقي وانا وجهي الوان مسكينه خالتي انحرجت وحطته تحتها وجلست عليه خ وانا ماكاني شفت شي
شرايكم بهالبنت بالله ..
اتمنى اعجبتكم
لكم مني ارق واعذب تحيه
منقول للقهقهه