جايتني ضيفه ومسويه حميه ساعدوني

حطي لها اول شي
سلة فواكه
وبعدين جيبي قهوة مع تمر..احسن من الحلا وخرابيطه
وشاي مع فطاير بالتوست لاسمر واللبنة مع زيتون سويها بشكل حلو
واعتقد كذا كفاية ..
تقبلي مروري

سوي لها سلطه الذره مره لذيذه و سعراتها قليله
و تمر و قهوه
او سلطه فواكه بدون سكر طبعا

ممكن اتسوين لها جم نوع من الصلطات وفتوش بدال ما تقلين الخبز اتحمصينة في الفرن وتسوين مشويات مشكلة ممكن تسوين لها جاي نيز يعني مثلا دياي وخضرة و الزيت يكون قليل واستخدمي الاشياء الي يكون قليل الدسم وسندويجات محشيات حشوة خفيفة والحلويات سلطة فواكة بدون سكر وموز والشراب سويلها عصير الانانس والكيوي والافضل مو يكون الانناس مب معلب لان فية وايد سكر وحاولي تزينين الاكل بخس او خضرة علشان يبين انة صحي وانشاللة اذا تذكرت شي برد اكتبة لج انشاللة اكون افدتج

مشكورين بنات والله يكثر من امثالكم يارب وجزاكم الله خير الجزاء افدتوني كثير حلوه فكرة سلطة الفواكه ان شاءالله ناويه اسويها هذي متفقين عليها كلنا
سحر الحنان
حلوه طريقة ترتيبك وشكلي راح اعتمدها
nicerose
اول مره راح اقدم قهوه من غير ما اسوي حلويات معه العاده اسوي نوعين غير التمر بس ايش اسوي حكم الرجيم الله يعينها
جرحي بقلبي
راح اعتمد طريقتك بسلطة الفواكه حلو يكون العصير تبعها اناناس وكيوي بالمره تستفيد من اللي عملته لها وكمان سندوتشات خفيفه مع الشاي راح اسويها و حلوه كثير فكرتك بالفتوش
وعلى الله يابنات الوقت يكفي لانه ساعه صعب الوحده ترتب ضيافتها فيها الله يهديها كان خلت زيارتها باليوم المفتوح علشان احس اني اتشرفت معاها واكرمتها كما يجب اكرام الضيف بصراحه من الان مالي نفس ارد زيارتها وهي عملت معي الموقف هذا بجد احرجتني كثير العاده بقدم عصير طازج كوكتيل او برتقال وبعده قهوه بنوعين حلا وياخذون راحتهم وعلى اقل من مهلهم وبعده الشاي والمعجنات والمقالي وبعده حلا بارد وبالاخير بخور بس المره هذي مالي وجه وحاسه اني مقصره وهي لسى ما جات
والله يرضى عليكم وينورلكم زي ما خدمتوني يارب

والله انا حاسه اني تورطت وتلخبطت كيف انتي عاد؟؟!!
الله يعينك وماشاء الله البنات ماقصرو يعطيهم العافيه

مانيكير احمر
لي حبيبتي حاسه انك تلخبطي وتورطي احكيلي ايشبك

هي قاعده ساعه بس يعني التمر مع القهوه كفايه

لا تحاتين ولا شي
حنا لو فكرنا..بنلاقي ان اشياء كثيره صحيه و تتقدم للضيوف..
الفواكه ..السلطات الخاليه من الدهون و الزيوت و المايونيز و المقالي و ياكثرها..
منها:/السلطه اليونانيه..
و مقاديرها سهله و ما راح تكلفك اي مجهود..
خس مقطع+ خيار مقطع مكعبات+زيتون منزوع النوى و مقطع شرائح+فليفله ملونه يعني فلفل رومي+جبن أبيض خالي الدسم و قليل الملح تلاقينه بأي سوبر ماركت..الظاهر ان اسمه جبن قريش..
قلبي هذي المكونات مع بعض..و عند التقديم ضعي الصلصه اللي هي عباره عن:/عصير ليمون+ملعقتين خل أبيض..
ماعتقد هذا يأثر على الرجيم..
المعجنات ما انصحك فيها لان بصراحه عني انا ما اقدر امسك نفسي و لا أقدر اقاوم..لما اشوف المعجنات قدامي انسى الدنيا كلها^_^ جد والله المعجنات ابعدي عنها..
و على ما تخلصون الفواكه ,,او ممكن سلطة فواكه..و تسولفون ..و ممكن تكون الموالح سلطات صحية..حتى لو فتوش بدون زيت و بخبز محمص بالفرن خبز بر بدون ولا قطرة زيت للتحميص..و من بعدها الحلى تمر و قهوه ..و ممكن بعد تجهزين شاي اخضر او شراب الزنجبيل..يعني تفنني بهذي الامور ولا تاخذين الموضوع بأنه صعب.. لا بالعكس..لان توترك راح يأثر على تصرفاتك لما تجي.. و بالتالي راح تحسسينها انها ضيفه ثقيله عليك..و انتي اكيد ما تبين يجيها هالشعور..
و لو شفتيها نحفت عن آخر مره شفتيها فيها ..قولي ما شاء الله تبارك الرحمن و امدحيها و شجعيها تستمر..وان شكلها صار احلى..و بانت أصغر بالعمر..جد والله..يعني إكرام الضيف مو بالاكل مثل ما يعتقد الكثير منا...بل بالكلام الطيب ..و الوجه المبتسم..و النفسيه المرتاحه و الاعصاب المروقه..
و الله يوفقك دوم يا اختي..و يوفقها و توصل للوزن اللي تحلم فيه يارب..
في أمان الله

توني ارجع للموضوع اعذروني
حبه الحلووه
بن+هيل=أحلى قهوة
من جد والله كلامكم صح بس احنا تعودنا نكرم الضيف اذا بالاستقبال او الضيافه والراحه كمان ومانقدر نشوف ضيوفنا جالسين ومافي شي قدامهم بصراحه مره صعبه تجيك ضيفه واول مره وماتكرميها حتى لو بالشي البسيط او تمشي وهي ماتعشت
تصدقون عاد جلست الين الساعه 11 يعني ارتاحتلي ولله الحمد لانه طولت ماشاءالله وانبسطنا كثير بمعرفتنا لبعض ونسينا الوقت بس بجد ماشاءالله تبارك الرحمن ولا حبة تمر وسلطة الفواكه رغم انها خاليه من السكر واي سعرات زايده ما اخذت غير ملعقه وطول وقتها تشرب قهوه وبس الين راحت الله يساعدها مسكينه انا اشوفها حلوه وكفايه كذا المفروض تريح لانها طولت لها سنين وهي تسوي ريجيمات حرام تعبت و هي جاده جدا بالريجيم ماشاءالله تبارك الله ياليت كل اللي اوزانهم زايده كذا مايتعبون او يلعبون بالاكل والرجيم ويارب توصل هي وكل وحده زايد وزنها للوزن اللي تبغاه بأذن واحد احد