جربتي تشترين من النت دمج موضوعين

أهلين أختي
أنا مدمنة شرا من النت من الدرجة لأولى من يوم دخل النت بالسعودية قبل 8سنين جربت أطلب كل شي تتخيلينه حتى الحلاو
فيه شركات مرة كويسة بالتعامل وفيه شركات زبالة وغالبا غالبا غالبا الشركات البريطانية أفضل في تعاملها واحترامها للمواعيد من الأمريكية لأن الأمريكية يقولون لك شهر ويقعدون 3 شهور ويشفطون أكثر من ثلاثة أضعاف سعر الطلبية للشحن وبالأخير يرسلونها لك عن طريق البحر
عشان كذا دايم حتى لو كانت الشركة الي بتطلبين منها أمريكية حاولي تدخلين على فرعها (اللنك) المخصص لبريطانيا لأنهم أقرب وبيخف عليك تكلفة الشحن والوقت المستغرق
بالنسبة لملابس الأطفال أنا للأسف ما عندي أطفال بس أختي توها طالبة لعيالها ملابس روعة، لكن لأن أكثر الشركات اللي طلبت منها ما توصل للسعودية عشان كذا سوت لها صندوق وهمي بشركة وسيطة في بريطانيا وأمريكا والشركة هذي هي اللي توصل لها وعندنا هنا فيه شركة كويسة اسمها (آرامكس) وأكيد فيه بقطر وحده تشابهها
المهم قبل ما أعطيك اسم الشركات بانبهك لأشياء أولها:
* شكل الموقع لأنه يدل على قوة الشركة ومصداقيتها كل ماكان تصميم الموقع احترافي كل ما دل أنها أحسن وإذا شفتيه خريبيطي تراهم متلاعبين حتى لو كانت بضاعتهم حلوة لأن أتفه شي ممكن يصير أنهم يتأخرون عليك بالطلبية وأكبر شي أنهم ممكن يكونون نصابين ويسحبون عليك مبالغ كبيرة
* استعملي بطاقة بنكية يكون الحد الأعلى لها قليل يعني ما يزيد عن 2500 ريال سعودي مثلا عشان لا قدر الله ما حد يهكر ويسحب عليك مبالغ
* انتبهي للأسعار المكتوبة خاصة بالمواقع الأوروبية لأنهم أحيانا يكتبونها باليورو وأحيانا وبالجنية الاسترليني وطبعا فيه فرق كبير بين الاثنين لأن الأول يساوي 4.51ريال والثاني يساوي 6.999ريال
* لا تستعجلين بالطلب أدخلي أكثر من مرة واقري كل شي وشوفي زين لأنه أحيانا ما يشمل السعر كل القطع المعروضة وتجيك البدلة ناقصة
*اجمعي طلباتك دايم في قائمة الأمنيات بالموقع (wish list) عشان تراجعينها باليوم الثاني وتتأكدين زين بعدين تشترينها وما يضيع وقتك بتجميعها ثانية
* انتبهي دايم لسعر الشحن لأنهم أحيانا يحطون مبالغ خيالية ما تسوى، واختاري أطول مدة شحن إذا كنتي مو مستعجلة لأنه يطيح عليك كثير في التسعيرة حقت الشحن
الآن ن أحلى مواقع ملابس الأطفال:
بس المشكلة أختي هالحين مسافرة ما أقدر آخذ منها المواقع نفسها اللي طلبت منها لكن راح أحاول أطلعها لك أنا وبعد شهر انشالله إذا رجعت باسأله عالباقي
أولا: جيمبوري وهذا مرة روعة تطقمين لبناتك كلهم زي بعض من الألف للياء مهما كان فيه بينهم فرق بالعمر ويحطون كذا موديل من القماش الواحد :
http://www.gymboree.com
ثانياً: أويليلي بس موقعهم ما يوصل لكن بضاعتهم موجودة عندكم بقطر وموجودة على عدة مواقع
موقع أويلي وتقدرين تلقين فيه عنوان فرعهم بقطر:
http://www.oilily-world.com/
موقع يبيع ملابس أويليلي:
http://www.childrensalon.co.uk/index.php?cPath=3033
وفيه مواقع كثيرة مرة وثقة لكن أختي عجازة ما تطلب كثير يعني ما جربتها عن طريق النت ولكن قد شرت منها يوم كانت بالخارج، بس إذا حبيتي ممكن أعطيك عناوينها وأنا متأكدة بإذن الله أنهم ثقة لأنهم شركات كبيرة ماراح يغامرون باسمائهم ولازم يرضون الزبون
خسارة اختي غربة كان نفسي أن عندي أولاد عشان أفيدك، بس أنا عندي خبرة عميقة في شراء كل من:
-الكتب (صرت موسوعة بالمكتبات الإلكترونية هالحين من كثر ما طلبت كتب كلفتني آلاف الريالات على مر السنين)
-الأدوات الفنية (تخصصي تربية فنية)
-الألعاب
-المجلات
-الحلويات
-الكاتالوجات المجانية لكل الشركات
الملابس بس مو كثير لكن ناوية السنة هذي أطلب بس أدعوا لي تكفون أتوظف واستلم الراتب استحيت من اهلي والله حرام خست ما خليت شي ما سويته الدراسة وطلعت الأولى عالدفعة وكملت دراسات عليا وخذت الماجستير وللحين ما حصلت وظيفة هيئ هيئ ؛(
(وحده خشت موضوع ثاني ههه)
المهم ملبوس العافية انشالله معليش طولت عليك بس لو بغيتي المحلات الثانية علميني وأجيبها لك
فمان الله

مشكورة أختي
بصراحه انا من زمان ودي اجرب اشتري من النت وخاصه لبنتي لاني ابيها تكون مميزة وغير

أختي الفراشة المنتفشة .................سؤال لك الله يعطيك العافية بغيت لو عندك مواقع لملابس نسائية من ملابس السهرات و الشغلات السبور والانجري والشنط ..........يعني .........من ..........والى ...................ابغى موقع متميز بخدماته واهم شي خامته ويكون يبيع شغلات راقية وتكون على الموضة وحتى لو كانت اسعارها غالية ياريت لو تعرفين تفيديني وتعطيني الموقع

هلا والله اختي الفرشه المنفوشه
والله جزاج الله خير ماقصرتي نفعتيني واايد
نصايحج ذهب
والصراحه انا كانت تايهه عني سالفه البطاقه الخاصه بالتسوق على النت باروح اطلع لي وحده اسلم لي
وذا قدرتي تجيبين لي المواقع اللي شرت منها اختج ماتقصرين والله
والله ايوفقك واينولك اللي في بالك يار ب
لك محبتي

السلام عليكم يا بنات نظرا لكثرة الأسئلة عن المواقع اللي مجربة والطريقة باكتب الرد التالي مفصل بكل شي بس الله يعينكم عاد عالهذرة لآني مااعرف اختصر كلامي...
أولا: بالنسبة لطريقة الشراء:
تدخلين أي موقع تبينه
أول شي تتأكدين أنهم يوصلون لبلدك أو لبلد عندك صندوق فيها...
تسجلين (log in) وتحطين إيميلك وعنوانك وكل شي يطلبه (طبعا ما يطلب رقم البطاقة البنكية هالحين) عشان بعدين يجمع لك بضاعتك وما تضيع عليك لو دخلتي ثانية
تتجهين للصفحات اللي تعرض البضاعة وتبدين تتفرجين حسب طلبك
وكل ما شفتي شي عجبك تضغطين عليه وتقرين كل بياناته بالتفصيل وإذا كان كتاب فيه بعض المكتبات تحط خاصية تصفح بعض صفحاته، تصفحيها لا تحقرين شي لأن أحيانا يكون الغلاف حلو بس اللي جوا غير قيم أو تكون الصورة فيها أشياء كثيرة لكن إذا قريتي لينها مو مشمولة بالسعر...
بعدين إذا كان ملابس راح يكون فيه على جنب خيار المقاس واللون وخلافة حطيه على كل شي تبين وفيه خيار العدد يعني مثلا لو تبين قطعتين أو ثلاث من نفس الشي،
المهم إذا اخترتي كلش تضغطين على زر يكون دايم ظاهر جنب أو تحت الصورة مكتوب عليه كلمة بما معنى (شراء أو ضع في السلة أو العربة أو ماشابه بالانجليزي put in cart- or shopping basket - or buy) "معليش سبيلنج حقي دايخ يمكن فيه عندي أخطاء ههه"
المهم اضغطيه مرة وحدة فقط لأنك لو ضغطتيه أكثر من مرة راح يحط لك حبتين من البضاعة
حاله خاصة:
في أكثر المواقع راح يكون فيه زر جنب زر الشراء مكتوب عليه (أضف إلى قائمة الأمنيات add to wish list) هذا أنا أفضل تستخدمينة بدل زر الشراء إذا كنتي توك عليمية بالشراء بالنت... ليش؟؟؟
لأنه راح يجمع بضاعتك كلها ومو لازم تشترينها اليوم ولا بكرة انشالله ترجعين لها بعد سنة راح تلاقينها (على فكرة هو وظيفته أنه يوري أصدقائك وش الأشياء اللي عاجبتك عشان هم يشترونها لك في المناسبات الخاصة أو أنتي ترجعين لها بعد مدة) وبهالطريقة تعطين نفسك فرصة تراجعين طلبيتك على كم يوم وبعدين تطلبين لأن الشراء بالنت والله يتعب أكثر من الشراء بالسوق لأنك تفنجلين عيونك زين بالصور والمعلومات ههه
تكملة الشراء:
بعدين بعض المواقع إذا ضغطتي على زر الشراء أو الأمنيات بينقلك لصفحة ثانية عشان يأكد لك أنك حطيتيه، وأنتي بتكملين لسا شرا أضغطي زر الخلف عادي ما راح تروح الحاجة اللي حطيتيها، وممكن بعد تتسوقين في الموقع وانتي فاتحته على أكثر من شباك (أكثر من صفحة تصفح) ،..عادي يستوعب ويحطها لك كلها بسلة وحدة لأنه يتعرف على جهازك فورا
إذا كنتي بتشترين فورا خلاص راح تلاقين زر مكتوب عليه عربة التسوق أو CHECK OUT أو ما شابه تضغطين عليه وبيطلع لك صفحة فيها كل مشترياتك ..
هنا راح تبدا عملية الشراء الحقيقية وغالبا تكون 3 خطوات لكنها لا تتم إلا بالأخيرة راح أذكرها تحت لما أذكر طريقة التكملة بعد دخول قائمة الأمنيات ...
معليش مضطرة أوقف هالحين لكن لي عودة ثانية بإذن الله وأكمل... فمان الله
المحاور المتبقية:
التأكد من سياسة الترجيع والشحن والأسعار؟
التأكد من مدة وطريقة الشحن؟
كيف تعودين بكرة لقائمة الأمنيات وتكملين الشراء؟
خطوات الشراء الثلاث (مراحل إنهاء العملية)؟
متابعة الطلبية؟
لو صار مشكلة وانغشيتي وش تسوين؟
مواقع حلوة شريت منها والتزموا بالمدة:
مواقع حلوة شريت منها بس ما التزموا بالمدة وطولوا علي:
مواقع حلوة ناوية انشالله اشتري منها:

ننتظرك تكفين لا تتاخرين ياعسل

مشكورة اختي انا بصراحة ماغامرت وشريت ملابس لكن شريت كنب للصالة وجاء في نفس الوعد وعلى حسب الطلب واغراض البيت من مقاضي فدايم من النت وان شاء الله اغامر بعد ماتنزل اختي فراشة المنتفشة

ياعمري الفراشة المنتفشة
الله يسعدك
بس هذا أنا فاهمته حبيت أسأل عن الصندوق اللي مفروض يكون عندي عشان يصلو عنده البضاعة وكيف أعرف انهم ممكن يوصلولي
فكرة الاستلام هي اللي مش فاهمتها فهمتي علي أنا ماعندي لا صندوق ولاشي كيف يتم الاستلام؟؟؟

http://www.purseboutique.com/
^
^
هذا هو الموقع اللي اشتري منه الشنط ... إلى الان اشترين منه 2 فقط
الاولى لي و الثانيه لأختي ..
و هذي صور الشنطه
صورتها على السريع ... لها عدة مسكات و اشكال
ممكن تشلينها على الكتف بشكلين
و الصوره الثالثه تشيلينها على الرسغ من مكان الدواير .. تصير صغيره و كيوت
طريقة الشراء كانت عاديه .. بالفيزا كارد و ارسلوها لي بالبريد عادي .. استلمتها في طرد