جريمه تقترفها الفتاه لنفسها

السلام عليكم ورحمة الله وبركاته ...
يغمرني الأسى ويحز في نفسي أن أكتب لكم وأصف جريمة تقترفها الفتاة في حق نفسها
الظاهرة التي انتشرت وبشكل فظيع وهي
كتابة عبارات سفيهه ومبتذله على عبايات النساء منهم من تكتب على العباية
Follow me
أي إلحق بي <<<< وكأن الناس مايفهمون باللغة
واللي تكتب إسمها وتزخرفه كأنه نك نيم والا بطاقة جامعيه
واللي تخط حرفها بالخط العريض اللامع على ظهرها
واللي من كثر الإعتزاز بقبيلتها تكتب (اسم قبيلتها ) وأفتخر
خلاص كل الناس تفتخر بأصلها وبقبيلتها بس مالقيتى الا هالطريقة تتفاخرين فيها
والأدهى
والأمر
واللي يصرع
اللي تكتب لك (( إذا في أمك خير إلحقني ))
أما أنها تهدد <<<< وكأنها تقدر تضارب
وأيضاً البنت اللي كتبت عنها حتى الجرايد الخليجية
واللي كانت كاتبه على عبايتها
((أتحداك تلمسني ))
عرض صريح
ماناقص الا تكتب عليه تخفيضات 50% على اللي يلمسني
واللي عباتها عليها صورة الملك عبد الله وسيفين ونخله ...
طبعاً بالألوان .......... !!
اذا أنتي وطنيه سوي العبايه وخليها بالبيت ؟
حبيباتي
القضية هنا ما تمس العادات والتقاليد فقط
تمس الدين أيضاً
الظاهرة هذي نتاج شخصيات متقلقله تافهه غير واعية فاقدة للتمييز شخصية يطلق عليها مايسمى بالإمعه
فهي بدأت ومن ثم انتشرت وكيف انتشرت؟؟
كل هذا نتيجة لسطحية التفكير وضعف الوازع الديني وفقدان السيطرة على زمام الأمور وإيجاد حل للمشكلة بعقلانية وتروي وإنضباط
هذي نتيجة ........ ارخاء العصا وعدم مسكها من النص
ماهي الفتاة بدون عفه وحياء وشرف؟؟
وماهو الحجاب إن لم يكن يؤدي الغرض الذي شرع من أجله؟؟ .....
السؤال...أين أولياء الأمور ...
أين الأب؟ ...من اشترى تلك العباءة؟ ....
لكن ما أ قول غير ((حسبنا الله ونعم الوكيل والله يهدي بنات المسلمين ))
منقول