جهار العروس مصور

1. لانك ما تستخدميها >>> يحبونك بالنوم ربي كما خلقتني


2. 4- المكياج


3. قلتي حبيبتي انو بشرتك دهنية أنا كمان بشرتي دهنية بس مو حيل


4. تلاقيه بمكياحي علبه فيها 30 لون سعرها مناسب


5. محلات عادية مو ماركات


6. ========================


7. العطورات


8. كمان ستار حلو


9. ========================


10. 5- الصيدلية :


11. + مهدئ + كلوتات الدورة للاستعمال الواحد ....


12. ==========================


13. 6- الحمام


14. الباقي ممكن تجيبي لك كذا لون بس شرط تستعمليها


15. ====================


16. 9- متفرقات

هذا الموضوع نزلته لعيون حلوتي سيرين :ق1::ق1:

• اتمنى كل من تدخل تدعي لها بالتوفيق
• وتساعدها باللي تقدر عليه

====================================
مساء / صباح الخير يا حلوتي
صراحة أنا حبيت اساعدك عشان أنا أحب السوق وما يتعلق به
وأحسن شي بالدنيا لما أروح مع عروس تتجهز ..... جنان لما كنت أروح مع أخواتي عشان جهازهم
كانوا يعتمدوا على بحاجات كثير بالأخص المكياج والتنسيق >>>> جعل ربي يوفقهم دنيا وآخره وإياي وإياك
كل شي حسب ذوقي وتجربتي مع أخواتي , وأنت خذي اللي يناسبك عاد
على فكرة أنا ماني متزوجه للحين بس أحب هالعلوم .... أدعيلي تكفين يرزقني ربي بزوج وأطفال
= = = = = = = = = = =
أولاً : مو ممكن أي عمل ينجح دون تخطيط , وصبر >>> هذي أهم نقطه باللي راح أقوله كله
ثانيا :استمتعي قد ما تقدري لانها ايام ماراح تنعاد حتى لو هي متعبه
شي مهم لازم يكون عندك نوته صغيرة وقلم معك وين ما تروحين تكتبين أي شي يطرى عليك
وتكون مقسمه عشان تسهل عليك قسم الملابس - المكياج - العطور .... إلخ تكتبي أي غرض أو أي فكرة تطرى عليك
أو تسمعيها من حد
لما تخلصي مرحلة تجميع الافكار بيضيها ورتبيها زين بأقسام عشان لما تروحي السوق يكون كل شي قدام عينك ولما تشريه تحطي عليه إكس
ولو لسا يحتاج شي اكتبي جنبه
هذي راح تختصر عليك وقتك وجهدك
حتى بالسوق لا تروحي تشتري شوي من الصيدلية - بعدين تنطي بملابس النوم - وشوي الا انت بمحل الجزم
لا خليك بالترتيب كل مكان لحد ماتخلصي الأهم بالأهم
الملابس - بعدين الاكسسوارات والجزم والشنط - الحاجات تبع البيت والثانويات
========================
1- يوم العرس

• فستان العرس هم ولو راح بكل مستلزماته ارتحتي

( فستان - الطرحة أو التاج - الجزمة - طقم الذهب الخاص بالفستان - الساعة - عطر - عود )

• حجز الكوافيرة عشان ما يجي قدام العرس بشوي تقولي ما فيه وحدة زينة
• زفتك والملبسات اللي توزعيها بإسمك أنت وأهلك

هذا اللي يهمك بالعرس واظن بقيت الاشياء على اهل العريس
مثل القصر - تجهز الطاولات - الدي جيه - الطقاقات وما إلى ذلك
===================
2- الملابس
أ- ملابس الخرجات :

• فستان الصبحية لو انت عند اهله يكون فخم شوي بس لايق للصبح لأن أكيد راح يكون الجيران وبعض الاقارب موجودين

ولو حبيتي تحجزي كمان كوافيرة عاد هذي براحتك
لو على اهله ماله داعي بس لو راح يكون فيه حضور احس لازم بس مكياج هادئ جدا
أما لو لوحدكم جبيلك فستان نعوم قصير يبين حلاوتك >>> على فكره الحمر يجذب الرجال حيل

• لو انت من النوع اللي عسل قصير بعدين تردو لأهله يعني راح يكون فيه عزايم

يعني لازم يكون معك فستان حلو عشان العشاء اللي راح يسوون هله وهلك لكم لما تردون

• طقمين فخمه لأهم ناس راح تروحين لهم وتتوقعي يعزمونكم زي عمانه مثلاً وخواله
• _ بعض الناس ما عندهم هاأشياء مثلنا يعني لو رجعت هي بس عزيمت اهلي واهله واجيب لها فستان حلو عليه القيمة

اما إذا كنت من هالنوع راح تضيع فلوس كثير

• تايورات ناعمة حسب الحاجة لو رحتي لحد لو احد جاك

ب _ ملابس البيت >>>>>> لاتنسي الشباشب النعومة حق
البيت خذيلك كم لون محايد يناسب اغلب الملابس حلوين بلاسينزا وروز
لا تسرفي فيها لأنك راح تملي منها بسرعة - وكمان هوه لما تنزلو مع بعض السوق كل ما شاف شي راح يشريه لك
لانه نفسه يشوفه عليك - انت يلفت نظرك اشياء جديدة - بالتالي راح تملي من اللي عندك

• لبس اول ليلة بعض البنات تروح تجيب لك قميص ابو قطعتين بالآلاف

أختي منهم تقول ما لبسته ساعة على بعضها تقول بعد 4 اشهر لبسته عشان نتذكر ذيك الليلة
ولما دخلت عليه قال مرة حلو من وين جبتيه قالت ما عرفته قال لا
قالت هذا تبع أول ليلة قال لها عاد انا دريت ذيك الليلة وش كنت لابسة كانت اهم شي عندي انت وغيرك ما شفت
يعني باختصار دوري أي قميص حلو هادي لأول لليلة مو لازم تخسري فلوس أو خذي من وحده من قريباتك أو ربعك

• القمصان اللي نص الساق - الترينقات والبجامات سواء طويله أو برموده >>>> هذي من حكي المتزوجات أكثر شي ينلبس ويريحك

عشان كذا خليك كريمه فيها شوي بختلاف الخامات حرير - قطن - شيفون

• قمصان النوم : القصيرة حيل اللي بعضها ما يغطي الكلوت وبعضها لنص الفخذ هذي لا تكثري منها

لانك ما تستخدميها >>> يحبونك بالنوم ربي كما خلقتني

• البناطيل طويل وبرمودا والتي شيرت تبعها جيبي لك كم بنطلون لا تكثري وممكن تركبي على الواحد كذا تي شيرت
• التنانير القصيرة مو حيل لأنا مو مريحة
• الشورتات أنا عن نفسي اشوف انها تجيب الهم ومو ممكن البسها

الفساتين القصيرة تبع البيت مره حلوه ومريحة >>>> جنان في برومود وزارا و بالذات مانجو
ج _ الملابس الداخلية

• _ ملاحظة : بعض البنات تروح تشتري لكل لبس كلوت وسنتيانه تناسبه >> هذا تخلف

لانك ما راح تلبسيها لانها مو مريحه وبعدين مايحب الرجال في الاوقات الخاصة وجود حواجز يعني بتخسري فلوس على الفاضي
روحي خذي سنتيانة ( لحمي ) كبيرة وحلوه للخرجات >>> تقولي ليه لحمي لأنه يناسب ولا يوضح تحت الملابس الشفافة زي الاسود
وحده ثانيةاصغر شوي للبيت على الفساتين والتي شيرتات
أنصحك خذيها من نعومي صراحة خيال صح ممكن غالية شوي بس مو خسارة فيها
تجيك الربطات تبعها بلون السنتيانة وكمان ثانية شفافة

• الكلوتات جيبي مجموعه ملونه لإستخدامك العادي ومجموعة للدورة الشهرية ولو تحب الهاف للخرجات كمان خذي

حلوين بلاسينزا يجي الواحد على 7-8-9 ريال , او من اي محل عادي
كمان لا تنسي كلوتات الاستخدام الواحد تلاقيها بالصيدلية تحتاجيها لما تطلعي عشان لما ينزل عليك شي تبدلي بسهوله
ممكن تجيبي كم طقم ( ستيان وكلوت ) لو تحب تلبسيها له
====================
3- العباية
( عباية - أخرى للاحتياط >> لان اختي احترقت عبايتها وهم يلعبو العاب نارية على البحر - طرحه - لثمه أو نقاب أو برقع اللي تحبي )
=====================

4- المكياج

قلتي حبيبتي انو بشرتك دهنية أنا كمان بشرتي دهنية بس مو حيل

• اطقم الفرش ( الظل - احمر الخدود - الباودر - الروج )
• مخفي العيوب يقولو حلو من ديور بس انا الحمد لله بشرتي صافية فما عمري جربته
• كريم الاساس و الباودر المضغوط من ماك M.A.C النوعية اللي استخدم select sheer عاد الدرجة انت حره
• الباودر السائب للسهرات - اللمسة الأخيرة من شان تعطي لمعه
• الاضاءة اللؤلؤيه مره حلوه من مكياجي
• الظل احس مو مهم كثير الا اذا انت من هواته .... انا ما حبه عشان كذا مالي خبره فيه استخدم الظل الكريمي بس

تلاقيه بمكياحي علبه فيها 30 لون سعرها مناسب

• أحمر الخدود كمان جيبي لك علبة وحدة بدال ما تجلسي كل لون تجيبي له علبة - حلوه من مكياجي فيها 8 الوان تقريبا ب 100 وشوي
• ماسكرا اسود - ولو تحبي الازرق >> بالنسبة للماسكرا ما اثق إلا ب( لانكوم ) واتحدى لو فية احلى منها انا حالياً استخدم هايبنوس
• كحل سائل - اذا بغيتي ريشة صلبه حلو من ذا بودي شوب
• ولو ريشه ناعمة حلو من لانكوم
• كحل اسود جاف من جيفنشي - بس انا اثق في ريفالون اسود سواد الليل
• اقلام العين اللي ترسم خارج وداخل العين ( ابيض - ازرق - اخضر - رمادي ) حلوين من جاسيكا >> هذي الماركة تلاقيها في

محلات عادية مو ماركات

• اقلام العين العريضة تغنيك عن الظل لو ما تحبيه في مكياجي ماركة صبايا ( اسود - ذهبي - فضي - اخضر - ازرق )
• الأرواج الاساسية حسب استخدامك انا مثلاً ( احمر - فوشي - وردي - لحمي - برتقالي فاتح ) دايم عندي من ماركات غالية

مثل ماك - ديور - جيفنشي طبعاً ارواج عادية مو فرش وتكون دون لمعه
بعدين اشتري من المحلات العادية علبة ارواج فرش يجي فيها الالوان اللي ما تستعمل ع طول ( موف - بنفسجي - برتقالي فاقع ... إلخ)
لو حبيتي الارواج الفرش تلاقيها حلوة في vov بدرعة والوانه جنان ورخيصة على 20 - 25 ريال

• ملمع الروج حلو من ذا بودي شوب اللي رأسه بلاستيك مو فرشه

يشبه هذا بس هذا من لانكوم

• المناكير حلوه ورخيصة والوانها خرافة من بورموا أو vov بدرعة جيبي الاساس مثل الارواج بس - لا تنسي المزيل
• العدسات انا استعمل فرش لوك ( عسلي غامق - ازرق - رمادي )

========================

العطورات

• العطور العربية ( عوده - مسك ) من عبد الصمد قرشي
• البخور - والعود >>> شغلت ماما وبابا يجيبوها لك هم اخبر
• طقم كامل للعرس ( عطر - بخاخ جسم - زيت - باودر - كريم الجسم - لوشن ) _ ممكن طقم العروس ( برايد ) من نكتار

كمان ستار حلو

• عطور عادية ممكن تقولي عطوري قديمه بس انا اميل للقديم - راح اكتب اللي ببالي حالياً مثل :
• هايبنوس من لانكوم
• إلي elle من باكورابان لونه ابيض - أو من اف سان لوران لونه فوشي وذهبي
• يوفوريا من كالفن كلاين >> خيال هذا حبيبي ( من اكثر العطور مبيعاً على مستوى وجوه وباريس قالاري) * - ديور اديكت الكحلي من ديور - تشانس >> يشبه كوكو مودمازيل شانيل - ألين >>> بالنسبة لي عادي - روك آند روز >> شكله سحرني * - لي دراقون من كارتير >> شي في المناسبات
• انسولانس من غيرلاين
• بلاك اكسس من باكو رابان
• هذا حلو من مكياجي *- مس ديور شيري من ديور
• - N5 سواء زيتي وهو الاحلى - أو بخاخ بس بالحيل قوي من شانيل - ميراكل القديم الوردي من لانكوم - آرمند باست إن رد - فيرساتشي فيه منه وردي * - الور القديم
• - جادور القديم
• تومي قيرل من تومي هيلفيجر
• انجي من جيفنشي - آمور آمور من كاشاريل
• فري ايريزيستابل الوردي من جيفنشي ( اختير العام من افضل خمسة عطور في العالم ) - هوت من جيفنشي ( اختير العام من افضل خمسة عطور في العالم ) - الشيخ عطر رجالي خطير - ينفع هدية

اللي قبالها نجمة يعني مع البخور تدوخ جنان

• العطور الزيتية حلوة وتمسك كثير من نكتار _ بس زهور الريف لا احس غثيثة ومركزة - لدرجة انها تعطيك طابع خاص كيف ؟؟؟

انا صراحة كان معي برايد بالكلية كنت احط شوي بس ورى اذاني وعلى كفي مع عطري الخاص
مع الاستخدام اليومي ماصرت اقدر اخبي نفسي صارو البنات يعرفوني وانا جاية من بعيد حتى لما اخبي عيونهم مكشوفه
شنطتي واقلامي محفظتي صارت ريحتها وحدة صرت مميزة - وحدة من زميلاتي امها شرت العطر حقي قامت زميلتي تصيح وتنادي باسمي
ببيتهم ودقت على جوالي تقول تذكرتك وحكتلي السالفة صار العطر هذاك انا و انا هو , صرنا واحد >> هاهاهاها
هذا كزوجة راح يفيدك راح تنطبع لك ريحة خاصة وراح يعشقها ويحن لها لو بعد عنها
خاصة لو خصصتي واحد للأووقات الخاصة ما يشمة اللى هذاك الوقت ولا تحطيه ابدا الا ذاك الوقت راح يجذبة بجد ويصير مرتبط بشي
حلو بالنسبة له

• عطور المنطقه الحساسة هذي بعدي عنها لانها ممكن تسوي مشاكل ركزي على المسك السائل والحجر من عبد الصمد قرشي مو من اي مكان

ثاني لانها تكون مغشوشة

• عطور الايدي لو ما لقيتيها يكفيك عطرك العادي

ملاحظة - لا تستعملي الكريمات والباودر المعطرة بكثرة أو بالشمس لانها ممكن تسمر ببشرتك

========================

5- الصيدلية :

• واقي شمس أهم شي يكون بقاعدة مائية يعني oil free ويكون شفاف مو ابيض
• غسول وجه يومي ومقشر خفيف يومي مزيل المكياج من كلين آند كلير أو نيفيا
• كريم الليل والنهار من أولي
• مزيل المناكير
• قطن طبي لإزالة المكياج
• شامبو للشعر اللي يناسبك - شامبو نونو >> لأنك تتحممي كثير والشامبو العادي راح ينتف شعرك
• صابونه للجسم >> حلوه دوف
• ليفه وانصحك خذيها من ذا بودي شوب اللي على شكل كفوف والله روعة تخليك تلمعين بس لا تجوري على بشرتك
• مزيل العرق MUM أو fa وابتعدي عن المعطرة عشان ما تسمر بالمنطقة
• مرطب شفاه لابيلو الازرق احس حلو
• لوشن ليديك و لجسمك من دوف مثلا أو فازلين
• فرشة أسنان من سونسوداين اسمها برو نامل رائعة لو لقيتيها بالحيل ناعمة + معجون اسنان
• كريم حروق ميبو للإحتياط أو فيوسيباكت بي - يستخدم كمان بعد ما تشيلي الشعر خاصة بالوجه
• بانادول و فيفادول - أو اي مهدئ انت بالعادة تستعمليه للطوارئ
• فوط صحية للدورة + اي شي تحتاجيه بالعادة ذيك الفترة زي كريم

+ مهدئ + كلوتات الدورة للاستعمال الواحد ....

• حلاوة للنتف
• أمواس للحلاقة
• أعواد تنظيف الاذان
• غسول للأيدي + قاتل البكتيريا + معقم الايدي من ديتول
• مناديل الجيب مفيدة ومالك غنى عنها + مناديل معطرة لو حبيتي

==========================

6- الحمام

• طقم الحمام لك وله لو حبيتي ( الروب - منشفة الشعر - شبشب - ممكن منشفة احتياط ) غيرها اسراف على الفاضي - حلوين بنعومي
• اثاث الحمام لو بغيتي وتكون طقم ( ستارة - زبالة - سلة للأغراض طقم الغسالة )

==========================
7- البيت

• مفرش السرير خذي 2 لأنك راح تملي بسرعة أول ما تستقري تبغي تبدليها فيه محل اسمه نمارق بالرياض غالي

وفيه اشياء حلوة ب هوم سنتر

• ممكن اكسسوارات خفيفة تعطي لمستك الخاصة بالبيت لو حبيتي من لايف ستايل
• عطور الجو - روائح اللي تنحط بين الملابس - الفواحة وعطورها الزيتية من نكتار أو سنتربوينت أو نكتار

=========================
8- الاكسسوارات - اكسسوارات الشعر - الجزم - الشنط
طبعا هذي مضيعت الفلوس
عشان كذا هذي آخرمحطة من الجهاز كامل
لما تعرفي وش شريتي تقررين وش الالوان اللي راح تشريها
وهي الاساسية ( فضي - ذهبي - اسود ) تلائم كل الملابس
الشنط كفاية هالالوان الاساسية مو لازم لبس فوشي لازم شنطه فوشي - الفضي يطلع روعة مع الفوشي

الباقي ممكن تجيبي لك كذا لون بس شرط تستعمليها

• الساعات ثنتين وحده ذهبي ووحدة فضي فخمة وتكفي
• جزمة عملي - سبورت أنيقة أ و فلاتات >>>>>> تعرفي عاد هجهجه شهر العسل لو الجزمة مو مريحة بتروحي وطي
• شنطة حجمها حلو للإستعمال اليومي تكفي الاغراض اللي تطلعي بها يوميا
• طبعا انت مستغربة ما ذكرت الذهب - انا واخواتي ما نحب الذهب حتى يوم العرس ما نلبس

نجيب طقم اكسسوار أو لول راقي من سواروفيسكي مثلا أو من اي محل ثاني مثل الماجد -
والله بعضها اجمل من الذهب والكثير يحسبونها ذهب فيه الرخيص وفيه الغالي
آخر أخواتي كانت لابسه بعرسها طقم لول سكري مطعم بالذهبي اللماع لأن فستانها كان سكري

• لا تنسي الخلاخل لأنه تعطيك شكل حلو مع القصير

====================

9- متفرقات

• مشد لو عندك بطن
• نتافة للشعر من براون أو ام جوي ( رأس عادي - راس نتف الوجة - رأس المناطق الحساسة )
• سشوار + مملس " سراميك "
• طقم العناية بالاظافر
• ادوات الخياطة للطوارئ
• سجادة الصلاة ومصحف واذكار
• البوك
• محفظة الجوال
• دفتر مذكرات وقلم جميل للذكريات من سنتربوينت مثلاً
• سجادة الجيب للخرجات
• لبان - حلاوة بولو - بسكويت ويفر للطوارئ

=======================
حاولي يكون عندك بقية فلوس عشان تقدري تجيبي لزوجك هدية ولاهلك واهله لما تردين
ابتعدي عن الاسراف - الحرام - العري امام الناس عشان تعيشي سعيدة الناس ما راح يفيدوك
والله ياعيوني هذا اللي عندي اتمنى اني اكون افدتك
وأي شي ثاني راح ارسله لك
فيه موقع حلو اسمه مملكة بلقيس حلو افتحيه راح يفيدك
لك خالص حبي
الرحيق